Bl 20:4 - Sơ̆p Hlabơar Nơ̆r 'Bok Kei-Dei

⁴ Na, pơtao Abimêlek kư̆m tam mă jê̆ bơngai drŏ-kăn noh ôh, na sư tơl: “Ơ Kră Yang, ih hăm trŏ wă pơlôch đĭ lu kon pơlei tơpăt hai?

Bl 20:4 交叉參考

Bl 19:24

Na, Kră Yang ăn 'mi prĕl ŭnh păng ŭnh đơ̆ng plĕnh ti jruh tơ Sôđôm păng Gômôrơ,

Bl 20:5

Hăm trŏ sư đei khan kơ inh thoi âu: ‘Noh oh drŏ-kăn inh.’ Păng akăn sư khan: ‘Noh 'nhŏng inh?’ Inh pơm tơdrong âu hăm jơhngơ̆m tơpăt păng ti rơgoh.”

Bl 20:6

Lăm sư apo 'bôh, Kră Yang 'Bok Kei-Dei khan dơ̆ng thoi âu: “Inh kư̆m băt kơ ih yua kơ jơhngơ̆m tơpăt na pơm tơdrong noh; yua kơ thoi ei, na Inh găn ih hli kơ ih pơm yoch păng Inh; Inh ưh kơ wă kơ ih hơtŭt 'bơm bơngai noh.

II Sam 4:11

Pơma kơ kiơ kơ lu bơngai pơm kơnê̆ pơlôch bơngai 'lơ̆ng oei 'bĭch tep kơpal giơng lăm hnam sư kơdih! Inh wă apinh pham bơngai noh đơ̆ng ti măr iĕm păng inh gô pơlôch măr iĕm dang ei đơ̆ng teh âu.”

I Ho 21:17

Đawit Krao Kră Yang 'Bok Kei-Dei: “Hăm trŏ inh athei đe jô̆ kon pơlei? Inh bơih pơm tơdrong yoch kơnê̆ dêh? Bĕ lu triu âu hăm đei pơm kiơ ưh? Ơ Kră Yang 'Bok Kei-Dei inh, apinh ih phak inh păng hnam dơnŏ inh, 'nĕ ăn tơdrong jĭ lôch hơbuh pơm kơ kon pơlei pơla Ih.”