Bl 17:8 - Sơ̆p Hlabơar Nơ̆r 'Bok Kei-Dei

⁸ Dêh char mă lu iĕm oei dang ei thoi tơmoi đĕch Inh gô ăn kơ ih păng lu adrĕch adrung ih dêh Kanaan, wă jang sa ling-lang hloi. Inh boih Kră Yang 'Bok Kei-Dei lu sư.”

Bl 17:8 交叉參考

Bl 12:7

Kră Yang pơdah kơ Abram păng pơkă khan: Inh gô ăn adrĕch adrung ih teh đak âu! Đơ̆ng noh, Abram pơm minh pôm chơnang soi kơ Kră Yang, Tơ'ngla mă đei pơdah akâu sư kơ Abram.

Bl 13:15

Yua kơ đĭ dêh ayơ mă ih 'bôh, Inh gô ăn kơ ih păng adrĕch adrung ih ling-lang hloi.

Bl 13:17

Iung bĕ, chă nơnăm jơ̆p kơ lăm dêh char, wơ̆l, tor; yua kơ Inh wă ăn kơ ih dêh char âu.”

Bl 23:4

“Inh jơ̆ bơngai tơmoi oei pơdơh tơ âu hơdai iĕm. Apinh asong inh teh wă pơm bơsat lăm tơring iĕm wă 'bŭ bơngai mă inh jô̆ akâu akar inh.”

Bl 26:24

Măng noh Kră Yang jur tơ sư păng khan: Inh boih Kră Yang 'Bok Kei-Dei Abraham, 'bă ih, 'nĕ kơ hli, Inh oei hơdai ih. Inh gô ăn thim tơdrong pŭn hiôk kơ ih păng ăn adrĕch adrung ih, jing lơlap, yua kơ Abraham đĭch đam Inh.

Bl 28:4

Apinh sư ăn kơ e păng adrĕch adrung e đei tơdrong pŭn hiôk đơ̆ng Abraham, wă kơ teh đak e oei dang ei jing anih jang sa, wă khan char mă Sư đei ăn boih kơ Abraham.

Bl 35:27

Jakôp truh tơ Isăk, 'bă sư, tơ Mamrê jê̆ pơlei Kiriat, wă khan Hêbrôn, anih pơlei mă bre Abraham păng Isăk oei.

Bl 36:7

Yua kơ 'nhŏng oh bre sư đei lơ mŭk tơmam, kon sem dơrong kơdrơ̆m, char mă măr sư oei noh ưh pă mah, teh jang sa kư̆m ưh kơmah, na bre sư ưh pă gơh oei hơdai.

Bl 37:1

Jakôp oei lăm char mă 'bă sư đei oei boih, noh dêh char Kanaan.

Bl 48:4

Thoi âu: 'Nâu inh gô ăn kơ ih pơjing hơ'lơ̆p hrôh lơ, jing minh adrĕch adrung tih. Inh gô ăn kơ kon sâu ih đei dêh char âu wă arih jang sa ling-lang.

II Sam 23:5

Kră Yang 'Bok Kei-Dei sĭt gô tuh ăn tơdrong pŭn hiôk kơ adrĕch adrung inh thoi noh! Yua kơ Sư đei pơjing boih hăm inh tơdrong pơgơ̆p khŏm khŏm. Tơdrong đei pơkă tôm, ưh kơ đei tơplih dôm tơdrong inh hơpơi, sư gô ăn tơdrong noh bluh chăt.

I Ho 16:18

Sư khan: “Inh gô ăn kơ lu iĕm char Kanaan. Jing teh lu iĕm jang sa.”

Horiso 103:17

Mă-lei tơdrong 'mêm Kră Yang oei oei ling-lang. Ăn kơ lu bơngai hli yom kơ Sư, păng tơdrong 'lơ̆ng tơpăt Sư 'măn kơ lu kon sâu lu sư.

Horiso 105:11

Sư khan: “Inh gô ăn kơ Ih teh char Kanaan, Noh teh lu iĕm jang sa;”

Horiso 105:9

Tơdrong Sư pơgơ̆p hăm Abraham. Nơ̆r Sư pơkăm hăm Isăk,

Le 13:11

Layơ Kră Yang chông iĕm mơ̆t tơ dêh Kanaan, kiơ̆ thoi Sư pơkă pơ'ngam bơih hăm ih păng 'bok ih, sư gô pơjao dêh noh kơ ih,

Le 21:6

lei yŏng tơ'ngla sư gô chông ba sư năm 'bơ̆t anăp 'bok sek tơlang đơ̆ng Kră Yang 'Bok Kei-Dei, na athei sư năm jê̆ tơ 'măng dah năm jê̆ jrăng 'măng, đơ̆ng noh tơ'ngla sư athei iŏk kơnho tôt đon sư; na sư gô bơ̆jang kơ tơ'ngla sư dĭng đĭ chăl arih.

Le 29:45

Inh gô oei hơdai hăm lu kon pơlei Isơrael, pơm Kră Yang 'Bok Kei-Dei lu sư.

Le 32:13

Apinh Ih athei 'blŏk bĕ kơ Abraham, Isăk, hăm Isơrael, lu đĭch đam Ih mă Ih đei yua anăn Ih kơdih, na pơkă: Inh gô ăn kon sâu lu iĕm lơ thoi lu sơnglŏng kơpal plĕnh păng Inh gô ăn kơ kon sâu lu iĕm đĭ-đăng teh đak âu mă Inh đei pơkă boih kơ lu sư gô oei tơ noh jang sa ling-lang khŏm khŏm.

Le 40:15

pik ăn đak rơmă 'bâu phu thoi ih pik ăn kơ 'bă lu sư wă kơ lu sư jang kơ Inh lăm tơdrong jang 'bok soi. Tơdrong pik đak rơmă 'bâu phu pôk ăn noh wă pơsĭt kơ lu sư pơm 'bok soi ling-lang lăm rim jơhnơr.

Le 6:4

Inh kư̆m pơsĭt tơdrong pơgơ̆p hăm lu sư, wă ăn kơ lu sư dêh Kanaan, mă dêh lu sư wă oei tơ noh thoi lĕ lu bơngai tơmoi.

Le 6:7

Inh gô iŏk lu iĕm pơm kon pơlei Inh păng Inh gô pơm Kră Yang 'Bok Kei-Dei lu iĕm; lu iĕm gô băt kơ Inh jing Kră Yang 'Bok Kei-Dei lu iĕm, pơklaih rơngei lu iĕm đơ̆ng pơm đĭch đam kơ lu bơngai Êyiptơ.

Je 25:5

Lu sư khan: ‘Rim 'nu kơ lu iĕm athei weh đơ̆ng tơdrong kơnê̆, achăng lê̆ bĕ tơdrong pơm yoch kơnê̆, na lu iĕm gô oei lăm teh đak Kră Yang ăn boih kơ lu iĕm păng lu 'bok yă iĕm sơ̆ khơ̆ ning-mônh hlŏng hloi.

Je 31:1

Kră Yang khan: “Kơplah noh kơnh, Inh boih Kră Yang 'Bok Kei-Dei kơ đĭ-đăng adrĕch Isơrael; păng lu sư jing kon pơlei pơla Inh.”

Êsêkiên 11:20

Wă kơ lu sư chu kiơ̆ khôi juăt Inh, wei răk păng pơm kiơ̆ nơ̆r Inh tơtă, lu sư kon pơlei Inh păng Inh Kră Yang 'Bok Kei-Dei lu sư.

Êsêkiên 33:24

“Ơ kon bơngai, lu bơngai oei lăm char Isơrael juơ tơtŭng âu đei pơma: 'Bok nhôn Abraham lăp minh 'nu sư đei iŏk char 'nâu, mă-lei lu bơ̆n bơngai lơ, sĭt bơ̆n gô iŏk teh char âu wă jang sa.

Lêwi 14:34

Layơ lu iĕm mơ̆t tơ char Kanaan, mă Inh gô ăn kơ lu iĕm jang sa păng Inh ăn tơdrong jĭ phơ̆k lăm minh pôm hnam, lăm char mă lu iĕm đei iŏk oei jang sa,

Lêwi 16:34

Minh sơnăm minh wơ̆t athei soi sơmah huai đơ̆ng yoch kon pơlei Isơrael, wă pơm rơgoh tơdrong yoch lu sư, noh gô jing tơdrong juăt lu iĕm ling-lang khŏm khŏm. Arôn pơm rok kiơ̆ thoi Kră Yang khan pơkă bơih kơ Môis.

Lêwi 26:12

Inh gô oei tŏk-bŏk lu iĕm Inh gô jing Kră Yang 'Bok Kei-Dei lu iĕm păng lu iĕm gô jing kon pơlei pơla Inh.

Sa 8:8

păng ba lu sư brŏk, lu sư gô oei tơ lăm Jêrusalem, jing kon pơlei Inh, gah Inh jing Kră Yang 'Bok Kei-Dei lu sư lăm tơdrong sĭt păng tơpăt.”

Jo 10:29

Môis khan kơ Hôbap kon drŏ-nglo Rêuel, bơngai Madian, Hêbap 'nhŏng akăn sư, thoi âu: Lu nhôn năm truh tơ dêh char mă Kră Yang đei pơkă khan: Inh gô ăn kơ lu iĕm dêh char noh. Apinh ih năm hơdai nhôn, lu nhôn gô pơm 'lơ̆ng hăm ih; yua kơ Kră Yang pơkă wă ăn pŭn hiôk kơ kon pơlei adrĕch Isơrael.

Jo 25:13

Tơdrong noh 'măn kơ sư, hăm lu kon sâu sư, tơdrong bơ̆jang 'bok soi ling-lang, yua kơ sư đei jơhngơ̆m đon tơnăp băt hli yom kơ Kră Yang 'Bok Kei-Dei sư, pơm rơgoh tơdrong yoch đơ̆ng kon pơlei Isơrael.

Jo 27:12

Kră Yang khan kơ Môis thoi âu: Tŏk bĕ tơ kông Abarim na tơmang lăng bĕ tơ dêh char mă Inh wă ăn kơ lu adrĕch adrung Isơrael.

Jang 7:5

'Bok Kei-Dei pơkă wă ăn kơ sư oei dêh char bơ̆n âu păng pơkă wă ăn kơ lu kon sư oei dêh char âu mơ̆n, mă-lei kơplah noh 'Bok Kei-Dei tam mă ăn kơ sư anih oei 'bơ̆t ayơ ôh. Hơtai ei Abraham kư̆m ưh kơ đei kon.

Both 14:2

yua kơ iĕm jing minh adrĕch 'lơ̆ng rơgoh ăn kơ Kră Yang 'Bok Kei-Dei iĕm; Kră Yang rơih iŏk boih iĕm đơ̆ng lăm lu adrĕch kon pơlei kơpal teh âu. Wă jing tơmam Sư kơdih lĕch đơ̆ng đĭ-đăng, adrĕch kon pơlei pơla oei ala teh âu.

Both 26:18

Năr 'nâu Kră Yang kư̆m pơkă drơ̆ng iŏk iĕm pơm kon pơlei pơla Sư, jing tơmam gĭt Sư thoi Sư đei pơkă hăm iĕm păng iĕm athei wei răk đĭ dôm lu nơ̆r Sư tơtă.

Both 29:13

Năr 'nâu Sư pơjing iĕm jing kon pơlei pơla Sư păng Sư Kră Yang 'Bok Kei-Dei iĕm, thoi Sư đei pơkă boih hăm iĕm păng sư kư̆m đei pơkăm hăm 'bok iĕm, Abraham, Isăk păng Jakôp.

Both 32:49

Năm tŏk bĕ tơ lu kông Abarim, tơ Nêbô lăm dêh char Môap, tơklă pơlei Jêrikô; wă tơmang lăng dêh Kanaan mă Inh wă ăn kơ kon pơlei bơngai Isơrael bơ̆jang sa.

Both 32:8

Mưh kơplah Kră Yang Tih Hloh klah asong ăn teh kơ kon pơlei. 'Bơ̆t Sư ăn kơ adrĕch adrung Ađam tơklah tơklang. Sư hơgăt ăn hơdral kơ rim adrĕch, kiơ̆ kơ kơ̆l kon pơlei bơngai Isơrael.a

Both 34:4

Kră Yang khan kơ Môis: 'Nâu bơih dêh char mă Inh pơkă wă ăn kơ Abraham, Isăk păng Jakôp. Inh gô ăn dêh âu kơ lu adrĕch adrung ih. Inh tơ'bôh ăn kơ ih lăng dêh noh, mă-lei ih ưh kơ gơh mơ̆t tơ noh ôh.

Both 4:37

Yua kơ đơ̆ng Sư 'mêm kơ lu 'bok iĕm, na rơih iŏk adrĕch adrung lu iĕm 'nâu, kơ Sư kơdih păng Sư yua tơdrong mơsêh tih Sư krao tơlĕch boih iĕm đơ̆ng dêh Êyiptơ.

Both 9:5

Iĕm mơ̆t iŏk dêh đơ̆ng lu adrĕch âu ưh kơ sĭ yua kơ đơ̆ng tơdrong iĕm pơm 'lơ̆ng tơpăt ôh, dah kiơ̆ tơnăp ưh ôh, mă-lei yua kơ đơ̆ng tơdrong yoch kơnê̆ lu sư, na Kră Yang 'Bok Kei-Dei blah puh lê̆ lu sư đơ̆ng anăp iĕm, wă pơsĭt kơ nơ̆r sư pơkă pơkăm hăm lu 'bok iĕm Abraham, Isăk păng Jakôp.

Hêbrơ 9:15

Thoi noh bơ̆n băt lăp pôm Yêsu đĕch boih gơh pơm 'long sơlam kơ bơ̆n kiơ̆ tơdrong pơgơ̆p 'nao, wă kơ đĭ-đăng lu bơ̆n bơngai mă 'Bok Kei-Dei krao iŏk, gô đei tơdrong Sư pơkă wă ăn kơ bơ̆n ning-mônh ei. Dôm lu bơngai noh gơh klaih đơ̆ng tơdrong yoch đêl kiơ̆ tơdrong pơgơ̆p so, yua kơ Yêsu lôch huai iŏk sư.

Jôsuê 1:2

Môis đĭch đam Inh hlôi lôch, dang ei kon pơlei pơla ih iung bĕ, năm tŏk găn kơ đak Krong Jôrđăn, truh tơ teh đak mă Inh gô ăn kơ lu adrĕch adrung Isơrael.

Tơdrông Tơ'bôh 21:7

Bu adrin tơblah păng yang kơnê̆ jei sư, sư gô đei tôm tơdrong noh, Inh jing Kră Yang sư, sư jing kon Inh.