Bl 1:26 - Sơ̆p Hlabơar Nơ̆r 'Bok Kei-Dei

²⁶ Kră Yang 'Bok Kei-Dei khan thoi âu: “Bĕ lu bơ̆n pơjing kon bơngai hơbŏ thoi bơ̆n, nhen thoi bơ̆n, wă kơ pơgơ̆r lu ka lăm đak dơsĭ, lu sem păr, lu sem dơrong, lu hơdrông mơmŏ kơpal teh păng jơ̆p-jang kơ teh đak.”

Bl 1:26 交叉參考

Bl 11:7

Bĕ, lu bơ̆n jur pơm bơlŭ lê̆ nơ̆r pơma lu sư ưh pă hlôh băl dơ̆ng kơ nơ̆r pơma bơngai âu pơma kơ bơngai to.”

Bl 2:19

Kră Yang 'Bok Kei-Dei iŏk 'mui teh man pơjing lu kon sem brem, lu sem păr, na năm ba 'bơ̆t anăp Ađam wă kơ sư chă anăn lu sư thoi yơ, wă kơ kon sem kiơ mă Ađam đei anăn ăn đei anăn ei hloi kiơ̆ kơ adrĕch sư.

Bl 3:22

Kră Yang 'Bok Kei-Dei khan thoi âu: “Âu gah băt kơ tơdrong 'lơ̆ng păng tơdrong kơnê̆, kon bơngai băt kư̆m thoi lĕ kơ bơ̆n, na dang ei bơ̆n athei kơchăng kơnh hli kơ kon bơngai yơ̆r ti sư phĕ sa plei 'long tơdrong arih, na gơh arih ling-lang.”

Bl 5:1

Âu boih sơ̆p hla bơar chih răk adrĕch adrung Ađam. Năr mă Kră Yang 'Bok Kei-Dei pơjing kon bơngai, Sư pơjing kon bơngai hơbŏ thoi Kră Yang 'Bok Kei-Dei.

Bl 9:6

Thoi noh bơngai bu mă pơlôch đe, na kư̆m đei đe nai pơlôch sư, yua kơ Kră Yang 'Bok Kei-Dei pơjing lu iĕm hơbŏ thoi rup sư.

Jop 35:10

Mă-lei ưh kơ đei bơngai bu jet: “Kră Yang 'Bok Kei-Dei mă Tơ'ngla pơjing inh, tơ yơ?” Kră Yang pơm ăn kơ đe hơri hiôk chơt lăm kơmăng,

Jop 39:11

Ih hăm wă yua rơmo bri mă pran jăng dêh? Hăm wă jao kơ sư tơdrong jang gleh lap?

Jop 5:23

Mir chŭn ih choh huay kơ tơmo păng lu sem bri brah oei hiôk hăm ih.

Horiso 100:3

Athei băt Kră Yang jơ̆ 'Bok Kei-Dei, Sư boih Tơ'ngla pơjing bơ̆n, lu bơ̆n jing tơmam Sư. Lu bơ̆n kon pơlei pơla Sư, jơ̆ kon triu lăm tơmăn 'nhĕt Sư

Horiso 149:2

Ăn kơ lu bơngai Isơrael chơt hiôk lăm Tơ'ngla mă pơjing lu sư; Hơpơi ăn kơ lu kon sâu Siôn chơt hiôk lăm Pơtao sư.

Bôk Bơthô 7:29

Mă-lei 'nâu mă tơdrong inh chă 'bôh: Kră Yang 'Bok Kei-Dei pơjing boih bơngai tơpăt; mă-lei kon bơngai chơchă đon kơdih tơdrong kơnê̆.”

Hơri Hiôk 1:11

Nhôn gô pơguăng kơ ih hăm găp maih.

Êsai 45:18

'Nâu Kră Yang khan: Inh bơih Tơ'ngla pơjing lu plĕnh, Sư bơih Kră Yang 'Bok Kei-Dei sư pơjing plei teh. Sư pơjing plei teh ưh kơ lê̆ hoh bơbông đĕch ôh, sư pơjing wă kơ đei kon pơlei oei, Kră Yang pơma thoi âu: Inh bơih Kră Yang, ưh kơ đei yang nai ôh.

Êsai 6:8

Păng inh kơtơ̆ng nơ̆r Kră Yang khan: “Inh gô wơh bu năm? Bu gô năm kơ lu bơ̆n?” Inh tơl: “Đei inh tơ âu, apinh ih wơh inh năm.”

Êsai 64:8

Ơ Kră Yang, mă khan thoi noh, Ih oei 'Bă lu nhôn, lu nhôn jơ̆ teh lơ̆n, Ih jơ̆ thơ̆ man lu nhôn; đĭ-đăng lu nhôn jơ̆ tơdrong jang đơ̆ng ti Ih.

Je 27:6

Dang ei, Inh jao đĭ-đăng teh đak iĕm lăm ti Nebukatnessar, pơtao Babilôn, đĭch đam Inh; Inh kư̆m ăn đĭ lu sem bri chu kơ sư.

Yo 14:23

Yêsu khan kơ sư: “Bơngai bu 'mêm kơ Inh, bơngai 'noh sư gô lui yom kơ tơdrong Inh bơtho. 'Bă Inh 'mêm kơ sư, na nhi 'Bă Inh jur oei hăm sư.

Yo 5:17

Yêsu khan kơ lu bơngai Juđê ei thoi âu: “'Bă Inh oei jang ling-lang truh dang ei ưh kơ đei pơdơh na Inh athei jang lei-lăi thoi Sư mơ̆n.”

Jang 17:20

Nhôn đơ̆ng sơ̆ khơ̆ dang ei ưh tam kơtơ̆ng tơdrong ih bơtho âu ôh, na nhôn wă kơ băt dang ei.”

Jang 17:26

'Bok Kei-Dei pơjing đơ̆ng minh 'nu bơngai, mă-lei Sư pơjing kơ đĭ-đăng khŭl bơngai wă kơ bơngai bơ̆n oei jơ̆p kơ teh đak. Sư ată khŭl bơngai mơ'nah pơgơ̆r đunh dang yơ. Teh đak bơ̆n oei Sư kư̆m asong mơ̆n.

I Kor 11:7

Kơplah oei akŭm, drŏ-nglo ưh kơ gơh yơ̆l kiơ ôh yua kơ drŏ-nglo sư hơbŏ thoi 'Bok Kei-Dei. 'Bok Kei-Dei pơjing bơngai drŏ-nglo sư ăn pơgơ̆r lăm tôm tơdrong. Gah bơngai drŏ-kăn 'Bok Kei-Dei pơjao ăn pơm iĕ 'biơ̆ păng chu yom kơ drŏ-nglo pơgơ̆r sư.

II Kor 3:18

Đĭ rim lu bơ̆n bơngai lui pơih lê̆ boih khăn noh, na lu bơ̆n gơh 'bôh muh măt Kră Yang Yêsu rang hơdah, khŏm khŏm lu bơ̆n rai đunh rai hơdah thoi Sư. Tơdrong hơdah noh Sư boih pơchrang ăn kơ lu bơ̆n. Sư kư̆m thoi Yang Bơhngol 'Lơ̆ng mă ăn kơ bơ̆n arih.

II Kor 4:4

Yŏng yang sơmăt pơgơ̆r tơ ala teh âu pơm kơ lu bơngai ưh kơ lui dang bơngai măt tol, wă kơ lu sư ưh kơ 'bôh tơdrong hơdah Yêsu Krist pơchrang kơ lu sư. Thoi noh na lu sư ưh kơ hlôh tơdrong 'nao 'lơ̆ng Yêsu Krist. Yêsu Krist boih hơbŏ thoi Kră Yang 'Bok Kei-Dei.

Êphêsô 4:24

na jing bơngai 'nao, bơngai mă 'Bok Kei-Dei pơjing hơbŏ thoi Sư, wă kơ bơ̆n pơm 'lơ̆ng tơpăt kiơ̆ thoi Sư wă.

Kôlôsê 1:15

Sư hơbŏ thoi 'Bă Sư 'Bok Kei-Dei Kră Yang mă bơ̆n ưh kơ gơh 'bôh. Kon Sư đei đơ̆ng blŭng-a sơ̆ adrol kơ đĭ-đăng tôm tơdrong.

Kôlôsê 3:10

Bơ̆n jing bơngai 'nao boih, 'Bok Kei-Dei pơjing bơ̆n 'nao hơbŏ thoi Sư, ăn kơ bơ̆n rai đunh rai hơgei hlôh tôm tơdrong Sư.

Ya 3:7

Tôm kơ khŭl kon sem brem, mă sem păr, mă 'bih, mă ka oei lăm đak dơsĭ, kon bơngai kư̆m gơh pơjuăt pơđep. Kon bơngai bơ̆n đei pơjuăt pơđep lu sư thoi noh tơpă.

Ya 3:9

'Bă tơm bơ̆n 'Bok Kei-Dei pơjing kon bơngai bơ̆n hơbŏ thoi Sư. Bơ̆n băt kơ ư-ang Sư, mă kư̆m băt kơ blei hiap bôl buăl tơduă kon bơngai. 'Noh kư̆m dang bơ̆n blei hiap 'Bok Kei-Dei yua kơ bơ̆n đơ̆ng 'Bok Kei-Dei pơjing.

I Yo 5:7

Yang Bơhngol 'Lơ̆ng kư̆m roi kơ bơ̆n thoi noh wă kơ bơ̆n băt Yêsu Kon 'Bok Kei-Dei tơpă. Yang Bơhngol 'Lơ̆ng Sư pơma ling-lang tơpăt ngăl.