Am 9:13 - Sơ̆p Hlabơar Nơ̆r 'Bok Kei-Dei

¹³ Kră Yang khan: Năr gô truh tơ anăp kơnh lu bơngai choh rơmo gô tam lu bơngai lu bơngai yuă, lu bơngai pơjuă plei hơmu gô kiơ̆ tam lu bơngai rei adrĕch. Lu kông gô lĕch sik hơmu 'ngam păng sik hơmu gô ro đơ̆ng jơ̆p-jang lu groi kông.

Am 9:13 交叉參考

Bl 49:11

Sư chô̆ aseh dăm sư tơ tơm 'long hơmu. Kon aseh sư tơ dơng hơmu 'lơ̆ng hloh, Kŭm iŏk pham hơmu sut ao tơtŏ sư.

Horiso 97:5

Lu kông lek hach thoi jrĕnh 'bơ̆t anăp Kră Yang, 'bơ̆t anăp Kră Yang kơ đĭ-đăng teh đak.

Êsai 16:10

Tơdrong chơt hơiă 'nă hal tơ lăm mir hlă hla chŭn bluh 'lơ̆ng noh pă đei bơih, tơ lăm pơgar hơmu ưh pă đei bu hơri dah jreo chơt hiôk boih lu bơngai pơjuă plei hơmu wă pơm sik kư̆m ưh pă đei dơ̆ng, Inh pơm kơ tơdrong jreo chơt hiôk noh pơdơh hreh.

Êsai 55:13

'Long hơngo gô chăt iung tơplih ăn kơ 'long jơla păng 'long gơsing gô tih kơjung tơplih ăn kơ 'long jơ'bôt jơla; noh tơdrong wă ăn kơ bơ̆n 'blŏk hơdơ̆r kơ anăn Kră Yang, minh tơdrong tơdra tơbăt ling-lang ưh kơ đei layơ tôch ôh.”

Êsêkiên 28:26

Lu sư oei tơ noh hiôk-hian, pơm hnam pơtăm hơmu. Lu sư oei tơ noh hiôk-hian kơplah Inh sek tơlang phak lu teh đak jum dăr lu sư, lu bơngai mă areh kơ lu sư. Lu sư gô băt Inh bơih Kră Yang 'Bok Kei-Dei lu sư.

Êsêkiên 36:35

Đe gô pơma khan: “Anih teh lê̆ bri âu dang ei jing pơgar Êđen păng lu pơlei mă đĭ pơchah pă đei noh 'nâu đei tơiung pơdơ̆ng ming đei kon pơlei oei!”

Jôel 2:24

Dôm lu anih preh 'ba gô 'bĕnh kơ 'ba. Dôm lu kơthŭng gô blai kơ sik hơmu păng 'bĕnh kơ đak rơmă ôliwơ.

Jôel 3:18

Lăm năr noh, lu kông gô lĕch ro đak sik 'ngam, đak toh ro lĕch đơ̆ng lu bŏl kông groi, tơ rim thong đak Juđa gô đei đak ro. Minh pôm tu đak gô lĕch đơ̆ng hnam Kră Yang păng ro ruh tơ lăm thŭng hrĕng Sitim.

Jôel 3:20

Mă-lei Juđa oei oei ling-lang, Jêrusalem gô oei ling-lang đơ̆ng jơhnơr âu truh tơ jơhnơr nai.

Lêwi 26:5

Bơyan kĕch 'ba oei đei truh tơ bơyan phĕ plei hơmu, oei đei truh tơ bơyan rei, lu iĕm gô sŏng sa phĭ mah, arih hiôk hơđơ̆ng lăm char iĕm.

Am 9:5

Yua kơ Kră Yang Tih Hloh, sư pel 'bơm teh, teh lek đĭ, đĭ-đăng kon pơlei oei lăm noh gô nhơ̆m hmoi jơ̆p kơ teh đak tŏk blai thoi đak krong Nil păng sư gô hrơ̆ thoi đak krong dêh Êyiptơ.

Yo 4:35

Hăm trŏ kơ lu iĕm khan thoi âu: ‘Pă puăn khei truh bơyan kĕch 'ba?’ Mă-lei Inh khan kơ iĕm thoi âu: ‘Iĕm iung tơmang lăng kon pơlei pơla to. Lu sư wă lui kơ 'Bok Kei-Dei boih, kư̆m dang lĕ mir 'ba đe mă đum boih. Na dang ei bơ̆n kơchăng wă kĕch iŏk đĕch.

Lu 5:5

'Bơ̆t anăp Kră Yang, đĭ-đăng kông pơpơ̆, Kông Sinai pơpơ̆ 'bơ̆t anăp Kră Yang 'Bok Kei-Dei Isơrael.