Am 5:10 - Sơ̆p Hlabơar Nơ̆r 'Bok Kei-Dei

¹⁰ Lu sư areh kơ lu bơngai ngăl chrih kơ lu sư tơ 'măng jang pơlei păng ưh kơ iă kơ lu bơngai pơma tơpăt.

Am 5:10 交叉參考

I Pot 18:17

Lăp Ahap 'bôh Êli na sư khan kơ Êli. “Ih hă pơrŭng lu bơngai Isơrael?”

I Pot 21:20

Ahap khan kơ Êli: “Ơ bơngai ayăt kơ inh, ih rôp tơm măt hă?” Êli tơl: “Inh rôp ih tơm măt boih,” yua kơ ih tĕch akâu ih kơdih wă pơm tơdrong yoch kơnê̆ 'bơ̆t anăp Kră Yang. Na Sư khan:

I Pot 22:8

Pơtao Isơrael tơl Jêhôsaphat khan: “Đei oei pă minh 'nu anăn sư Mikai kon drŏ-nglo Imla; đơ̆ng sư 'noh bơ̆n gơh krao apinh jet Kră Yang; mă-lei inh areh kơ sư dêh, yua kơ sư ưh kơ khan lê̆ adrol tơdrong 'lơ̆ng gah inh, tă tơdrong kơnê̆ ngăl.” Jêhôsaphat tơl: “Pơtao ih 'nĕ kơ pơma thoi noh.”

II Ho 25:16

Mă-lei kơplah 'bok khan lê̆ adrol oei pơma, pơtao khan plơ̆: “Nhôn hăm đei pôk ih chă đon kơ inh? Weh bĕ, ih 'maih lôch hă?” 'Bok khan lê̆ adrol noh ngăn na khan: “Inh băt Kră Yang wă pơlôch pơrăm ih, yua kơ ih đei pơm boih tơdrong noh păng ưh kơ wă mơ̆ng nơ̆r inh.”

II Ho 36:16

Mă-lei lu sư hiap lu bơngai đơ̆ng Kră Yang 'Bok Kei-Dei, ưh kơ wă mơ̆ng pơdê nơ̆r Kră Yang 'Bok Kei-Dei, pơjăm lu bơngai khan lê̆ adrol Kră Yang dĭng mah Kră Yang hil mĭl phak kon pơlei Sư, ưh pă gơh hơmet ming liơ.

Tơdrông Pơđơk 15:12

Bơngai kư̆ kă kuă kơ đe chrih. Sư ưh kơ wă kuă kơ năm tơ bơngai hơgei.

Êsai 29:21

Lu bơngai chă yua 'bơ̆r pơma sơlam hơlĕnh pơm kơ đe yoch, chă pơma sơlam hơlĕnh kơ lu kră sek tơlang. Chă roi pơma sơlam hơlĕnh kơ lu bơngai 'lơ̆ng tơpăt mă ưh kơ đei yoch gô lôch đĭ.

Êsai 59:15

Tơdrong tơpăt ưh pă đei bơih, lu bơngai weh đơ̆ng tơdrong kơnê̆ đe rôp tơgar iŏk. Kră Yang 'bôh na sư ơh sơ'ngon yua kơ ưh kơ đei tơdrong tơpăt hơnơ̆ng

Je 38:7

Êbet Mêlek bơngai Êthiôpi, sư khŭl linh bơngai jang oei wei lăm hnam pơtao kơtơ̆ng khan đe tah lê̆ Jêrêmi lăm sơlŭng đak, kơplah noh pơtao oei ngôi 'bơ̆t 'Măng Jang Bênjamin.

Hôsia 4:4

Yua kơ thoi noh, iĕm 'nĕ tơ jô̆ băl, 'nĕ kơ tơchrih băl, 'nĕ kơ tơjâu băl ôh, Mă-lei Inh jô̆ iĕm yoch Ơ 'bok soi.

Lêwi 13:10

'Bok soi gô lăng sư tơdah đei pơ'ngeh tơ lăm akar, pơm kơ sŏk sop jing kok păng đei 'breo lăm pơ'ngeh sư,

Am 5:15

Areh bĕ kơ tơdrong kơnê̆, na 'mêm bĕ kơ tơdrong 'lơ̆ng; pơm pơjing bĕ tơdrong 'lơ̆ng tơpăt 'bơ̆t 'măng jang pơlei. Rŏ lăng Kră Yang 'Bok Kei-Dei Tih hloh gô mơnat ăn kơ dôm lu bơngai Jôsep mă oei arih.

Yo 15:19

Dah iĕm khŭl bơngai ala teh âu, lei tơduă iĕm ala teh âu 'mêm mơnat dih băl. Mă-lei Inh rơih iŏk iĕm đơ̆ng khŭl ala teh âu na lu sư lăng iĕm thoi lĕ ưh kơ dih bôl. Kơlih kơ thoi noh na lu sư hil areh kơ lu iĕm.

Yo 3:20

Bơngai bu pơm tơdrong kơnê̆, bơngai 'noh sư ưh kơ wă kơ tơdrong hơdah păng sư ưh kơ wă năm jê̆ tơdrong hơdah, yua kơ sư hli, dah năm jê̆ tơdrong hơdah sư tơchĕng 'Bok Kei-Dei 'bôh hloi tơdrong kơnê̆ sư.

Yo 7:7

Yua kơ iĕm tơduă kon bơngai ala teh âu, đe huay hil areh kơ iĕm ôh. Pôm Inh đĕch lu sư hil tơpă, kơlih kơ Inh tơ'bôh kơ lu sư tơdrong kơnê̆ lu sư pơm.

Galati 4:16

Đơ̆ng rŏng kơ noh lăp inh tơ nai na đei lu bơngai năm pơtuah pơhlŭ iĕm. Inh kư̆m khan kơ iĕm tơpă boih ki, tơdrong sư pơtuah pơhlŭ iĕm noh ưh kơ yua kiơ kơ iĕm ôh, mă-lei dang ei iĕm lăng inh dang bơngai ayăt kơ iĕm hă?

Tơdrông Tơ'bôh 11:10

Đĭ-đăng bơngai ưh kơ lăp đon kơ bre sư, khan bre sư pơjĭ jơhngơ̆m đon đe. Na lăp đe 'bôh bre sư lôch boih, đĭ rim măt bơngai 'nă hal ngôi pơchơt dih băl, pơm chă tơăn băl tơmam.