Am 3:10 - Sơ̆p Hlabơar Nơ̆r 'Bok Kei-Dei

¹⁰ Kră Yang khan: Lu sư ưh kơ băt pơm tơdrong tơpăt; lu sư tah mong tơmam tơtông tơgar lăm kơđông kơjăp lu sư.

Am 3:10 交叉參考

Jop 20:21

Ưh pă đei tơmam kiơ mă oei đei đơ̆ng rŏng kơ sư iŏk đĭ, lei na tơdrong mơdrŏng chơt hiôk sư ưh kơjăp đunh.

Horiso 14:4

Hăm trŏ kơ đĭ-đăng lu bơngai pơm kơnê̆, ưh kơ đei đon băt? Na lu sư luăn sa kon pơlei Inh nhen thoi sa 'bĕng. Păng kư̆m ưh kơ đei apinh Kră Yang ôh.

Tơdrông Pơđơk 1:13

Lu bơ̆n gô iŏk đĭ dôm tơmam gĭt, Tah mong 'bĕnh kơ hnam lu bơ̆n tơmam đơ̆ng chă plah tơgar;

Tơdrông Pơđơk 11:16

Đe gô pơyom kơ bơngai drŏ-kăn ayơ đei đon mơnat. Mă-lei bơngai drŏ-nglo nuih pơm kơnê̆ lăp đei mơdrŏng đĕch.

Tơdrông Pơđơk 28:5

Bơngai pơm kơnê̆ đê̆ pă băt tơdrong tơpăt; Mă-lei đei bơngai bu băt chă Kră Yang na băt hlôh đĭ-đăng.

Bôk Bơthô 4:1

Inh lăng tơ rŏng, 'bôh dôm tơdrong pơjuă pơđep băl tơ ala teh; to bơngai mă đe pơjuă pơđep nhơ̆m ơh sơ'ngon, ưh kơ đei bu pơlung lu sư! Lu bơngai gơh chă pơjuă pơđep, mă-lei ưh kơ đei bu dŏng pơlung lu bơngai mă đe pơjuă pơđep noh!

Je 4:22

“Tơpă kon pơlei Inh bơlŭk, lu sư ưh kơ băt kơ Inh. Lu sư oei 'lơ̆p nge kơhlôh, lu sư ưh kơ wao, lu sư nŏng kơ pơm kơnê̆, mă ưh kơ băt pơm minh tơdrong 'lơ̆ng.

Je 5:4

Inh tơchĕng khan: “'Nâu lăp lu bơngai dơnuh hin, kơhlôh kơwao đĕch, lu sư ưh kơ băt kơ trong Kră Yang. Khôi juăt Kră Yang 'Bok Kei-Dei lu sư.

Êsêkiên 18:7

Ưh kơ pơjuă pơđep bu, pơdrâu tơmam kơ lu bơngai đêl iŏk hre, ưh kơ tơtông tơmam đe, ăn 'bĕng sa kơ lu bơngai pơngot, ăn ao hrŭk kơ lu bơngai koh hoh.

Êsêkiên 22:29

Kon pơlei oei lăm teh đak pơjuă sa băl, tơtông tơgar iŏk, pơjuă pơđep lu bơngai dơnuh hin pơmat-tat, păng pơjuă pơđep lu bơngai tơmoi ưh pă ăn kơ lu sư đei tơdrong tơpăt.

Êsêkiên 8:17

Sư khan kơ inh: “Ơ kon bơngai, ih hăm 'bôh ưh? Noh adrĕch Juđa oei đei pơm tơdrong yoch kơnê̆ krưp, hăm trŏ tơdrong iĕ dah liơ? Lu sư pơm tơdrong kơnê̆ 'bĕnh lăm teh đak âu, păng tơblĕk Inh ling-lang dơ̆ng. Âu, lăng bĕ lu sư tah 'long lăm trôm muh wă tơblĕk Inh!

Hôsia 7:1

Layơ Inh wă pơklaih lu bơngai Isơrael, tơdrong yoch kơnê̆ lu bơngai Êphraim, păng tơdrong kơnê̆ lu bơngai Samari pơdah boih; lu sư hơlĕnh pơdăr, lu bơngai tơtông tơ lăm, lu bơngai rôp tơgar iŏk tơ rok trong.

Am 4:1

Mơ̆ng bĕ ơ lu rơmo akăn dêh Basan, oei tơ kông Samari, iĕm pơjuă lu bơngai dơnuh, pơgŏ pơđep lu bơngai hoh kơ đei, khan kơ lu klo iĕm: Chĕp ba sik tơ âu, lu nhôn huch!

Am 5:7

Lu iĕm, tơplih tơdrong tơpăt na iŏk tơm 'long tăng păng klơ̆m lê̆ tơdrong 'lơ̆ng tơpăt tơ teh.

Am 6:12

Iĕm hăm lah ăn kơ aseh kơdâu kơpal tơmo tih? Đe hăm choh rơmo tơ kơpal tơmo? Mă-lei lu iĕm tơplih tơdrong tơpăt jing tơdrong chhŭr nuih păng tơplih plei 'lơ̆ng tơpăt jing plei tăng.

Am 6:3

Lu iĕm pơm kơ năr pơmat khan roi ataih, mă-lei pơm ăn kơ tơdrong kơnê̆ rai jê̆ truh!

Am 6:8

Kră Yang 'Bok Kei-Dei Tih hloh khan thoi âu: Kră Yang pao anăn Sư kơdih păng pơkă khan: Inh areh dêh kơ tơdrong pơang Jakôp păng hil mĭl kơ kơđông kơjăp sư; yua kơ thoi noh inh gô jao pơlei tih âu păng dôm lu tơmam lăm noh kơ lu ayăt.

Mi 6:10

Lăm hnam bơngai kơnê̆ hăm oei đei tơmam gĭt kơnê̆ păng 'long kŏng ưh kơ tơpă hơlĕnh mă Inh areh dêh?

Jêphania 1:9

Lăm năr noh, Inh gô phak pơđĭ lu bơngai pơplŏng trong bơlôh 'măng cheng păng lu bơngai pơm tơ'bĕnh tơdrong kư̆ kă păng tơdrong kơnê̆ 'bĕnh-'bang kơ hnam yŏng tơ'ngla sư.”

II Pet 3:5

Lu sư pơma thoi noh yua kơ lu sư ưh kơ tơchĕng kơ tơdrong 'Bok Kei-Dei pơrăm teh đak sơ̆. Sơ̆ 'Bok Kei-Dei sơkat athei đei plĕnh teh, đei hloi tơpă. Sư sơkat athei đak pơjing teh, teh lĕch đơ̆ng đak tơpă.