Madiu 7:15 - Loina Nuahuana

¹⁵ Tohepwaila 'abo'abodi 'oidiyega wa'itayahigomi, weyahina tupwadi 'abwa sinaoma 'oimiya, 'adi 'ita gide sipi manamanasamidi, ma 'alodiya hesi gide tuwa 'edewa lolosasa.

Madiu 7:15 交叉參考

Madiu 10:17

“Coinega wa'itayahigomi, weyahina tomota 'abwa sitauyegomi, yatala weyahina, ma hada tapwalolo 'oidiya 'abwa si'etutuwegomi,

Madiu 16:11

Coinega to'aha weyahina ta geya wanuwa sabwalena 'abehega geya 'e'ahai weyahina yagwaegwae? Ma hesi Palisiyao ma Sadusiyao 'idi 'ebe 'abiheseseha 'oinega wa'itayahigomi.”

Madiu 16:6

Ma nobwa Yesu 'ihegwaediya, “Palisiyao ma Sadusiyao 'adi beledi 'ana 'ebe 'abiheseseha 'oinega wa'ita yahigomi.”

Madiu 24:11

Wete palopita 'abo'abowao silatuma ma tupwami sihanugete puigomi.

Madiu 7:14

Ma yawasi bwebwe'ana 'ana 'eda 'ana tauya mwauna, ta 'ana 'ahwa 'i'iuna tuwa, ma tomota hisahisadimo 'oina siluhuluhu.

Luke 12:15

Ma wete 'ina gwaeina 'itubweya ma boda mabwaiyadi 'oidiya 'igwaeya, “Wa'itayahigomi ma sahena wasawasa nuwami 'i'ewa'ewa. Geya sowasowahina ma wasawasa 'oinega yawasimi bwebwe'ana waloba.”

Luke 6:26

Ma tutaedi 'oidiya 'eguma tomota baibaiwadi si'ahwa bwebwe'anegomi, wanuwahila ma wanuwagala, weyahina mwalo taudi tubudiyao wete gidemusa palopita 'abo'abo si'ahwa bwebwe'anediya.

Yoni 10:12

Ma hesiyage taiya 'eguma geya sipi 'adi to'itayahina moisa ma maisamo weyahina 'ipaipaihowa, tutaina 'eguma 'edewa sasasasaina 'i'ita 'itautauyama, nata sipiyedi 'i'ebesinedi ma 'idena. Cabwa hesi 'edewaina sasasasaina 'inaoma ma sipi tupwadi 'ilohe'amasidi ma mabwaiyadi 'ipa'i lelewanedi.

Paihowa 13:40

“Coinega wa'ita yahigomi ma gwaeina palopitao mwalo weyahina sigwaegwae hemisa, sahena 'oimiya 'ilatulatu. Gwaeina 'igwaeya,

Paihowa 13:6

Eeta bwanabwanaina mabwaiyana 'oidiya sisakowasi hegumwaliya, ma 'asa Pepose 'oina silatuwa. Ma nobwa 'aigeda to'oba, sanina Bayesu, gwama Yudiya, tauna palopita 'abo'abo 'aigeda.

Galetiya 2:4

Ma 'iyadao tupwadi 'abo'abodi silugu pwaima, nuwanuwadi si'ita 'ida miya bwebwe'ana Yesu Keliso mahetemai, ta taudi geya tohemisa moisa, weyahina nuwanuwadi ma loina mwauna si'ebwaemai.

Epeso 4:14

Bewa 'oinega gwama mumugana 'oidega ta'ebesinedi, weyahina mwalo 'ida sanapu we'awe'ana 'oina he'ita hagadi ma hadagi si'abinihu nihuwegita, beno tupwadi to'abowao 'idi he'itao hotohotodi ma galadi 'oidiyega.

Epeso 5:6

Mumugaedi bewa weyahidi Yehoba toligeha loina 'igamwasowalediya, 'oinega geya'abwa 'aigeda taiya 'ina gwae besobesowega 'i'abo'abowegomi,

Pilipai 3:2

Wa'itayahigomi galagalaidi 'idi mumuga gide tuwa 'edewa 'oidiyega, taudi 'adi 'ila'ilala si'upwa'upwa 'wapidiya.

Kolose 2:8

Gesowana teya 'i'abowegomi tomota 'idi sanapuwega, weyahina sanapuwedi ginaula bwagabwaga bale'uwega, ma geya Keliso 'oinega.

2 Timoti 3:13

Ta wete taudi togala, ma tomota 'adi to'abowao 'idi puiyao sihemadou moisa, weyahina Seitani bo'i 'i'abowediya.

2 Timoti 4:3

Weyahina tuta sinaonaoma 'oidiya tomota he'ita dumwaluna nata silogwahate, ma he'ita hagadi ma hagadi 'adi hesagoha 'abehega bwebwe'ana 'oidiya, simuliyedi.

2 Pita 3:17

Ciyagwao, nuwatuhuwedi 'omi wasanapu pwaidiya, 'oinega wa'itayahigomi watoholo pa'ala ma geya'abwa togala si'abowegomi, 'amuge ta sihanugeta puigomi ma wabe'u.

1 Yoni 4:1

Ciyagwao, sahena yaluyaluwa mabwaiyadi wahemihemisaedi, ma hesi watohodi, bwebwe'adi bo nuwana galadi. Ceguma taudi bwebwe'adi tasanapuya 'abehega Yehoba 'oinega sitauyama, ma taudi galadi hali tupwega sitauyama, weyahina bewa tuta palopita 'abo'abowao sihapwehapwesa mayaluyaluwadi geya Yehoba 'oinega.

Yude 1:4

Mwauina 'ihapwesa pwaiya 'oimiya, beno tupwadi togala si'abowegomiya ma 'imi boda 'oina siluguwa, 'oinega Yehoba 'ina helau 'oida taudi 'idi he'itega sibuiya ma ganawala, ma wete 'ida Yehoba ma Bada Yesu Keliso silogwahatediya. Taudi 'idi galao weyahidi 'adi loina mwauna mwalohene Yehoba 'ina buki 'oina silele pwaiya.

Heꞌitaꞌita 16:13

Ma yaluyaluwa 'etoi galadi ya'itediya, 'adi 'ita gide 'we'we silatulatuma hebaiina bwehabwehalina 'ahwanega, ma wete hebaiina holega ma wete 'ina palopita 'abo'aboina 'ahwadiyega.

Heꞌitaꞌita 17:6

Ma wahineina ya'iteya, Yehoba 'ina topaihowao ma Yesu 'ana tohepwailao 'idi 'amasega bweyahidi 'inumediya ma 'oinega 'ihebuwa, ta yahenainaida wahineina 'ana 'ita weyahina.

Heꞌitaꞌita 19:20

Nage 'oina hebaiina ma'ina palopita 'abo'abo si'abi yahidiya, ta mayawasidi siulediya 'asa 'ala'alata 'alona, beno dimwa hulahulaidi 'oina. Palopita 'abo'aboina tauna mwalo 'ina paihowa waiwaina 'ipaihowediya hebaiina matana, ma 'oinega tomota 'i'abowediya, taudi hebaiina 'ana 'ila'ilala 'oidiya 'imiyamiya, ta 'ina dimwa tagitagina 'ana to'etuluhao.

Heꞌitaꞌita 20:10

Coinega 'adi to'abo Seitaniina si'eweya, 'asa 'ala'alata 'alona siuleya. Yahiyahiina 'alona mwalohene hebaiina ma palopita 'abo'aboina siula pwaidiya, ma tupwaina 'oina sitetoiyedi simuyamuya sabwelo ma nihuwana 'oidiya, ta geya'abwa 'igumwagumwala.