Madiu 10:23 - Loina Nuahuana

²³ “Ma 'eguma 'aigeda tupwa 'oina sihunuhunugomi, wadena hali 'asa 'oina. Moisa 'abwa, sahena 'asa mabwaiyana Isileli 'alona wapaipaihowa salohi, ma taugu loheyaiguina yahilama.

Madiu 10:23 交叉參考

Madiu 16:27

“Cabwa taugu Loheyaiguina yalohihilama, beno Tamagu 'ina wasawasa 'asi'asilalana, ta wete aneloseyao ba'idagwao, ma tomota 'idi paihowao 'adi maisa ya'ebwaedi.

Madiu 16:28

“Yagwaeya moisa 'oimiya 'abehega tomota tupwami sahena wa'ama'amasa 'ana siga taugu Loheyaiguina yahilama sabi loina, ma 'oina wa'ita hilegau.”

Madiu 2:13

Sitauya, ma hesi Yosepa 'oina anelose 'aigeda nihiyega 'ilatuwa ma 'ihegwaeya, 'igwae, “Yosepa, 'utoholo ma gwama masinana 'utoedi ma wadena tupwa Itipita 'oina ma nobwa wamiyamiya ma 'ana siga yahemataluwego, ma walohihilama. Cimi dena bewa huhuna, weyahina Helodi nata beno gwamaina 'i'ebese ma 'abehega 'ilohe'amasi.”

Madiu 23:34

Coinega palopitao ma tosanapuwao ma loina 'ana tohe'itao yahesumanediwa ma nata tupwadi walohe'amasidi, nuwana kelose 'oina watutu hepa'inedi, ma tupwadi 'imi hada tapwalolo 'oidiya balaeyega wahunudi, ma 'asa 'aigeda 'aigeda 'oidiyega wapa'idi.

Madiu 23:36

Moisa, lohe'amasaidi mabwaiyadi 'adi maisa nata 'omi mehau bewa waloba.

Madiu 24:27

“Taugu Loheyaiguina 'igu latu hilama 'ana 'ita gide tuwa namala madouna yalasiyega 'i'asilala ta 'ana siga bwauli.

Madiu 24:30

Tuta nage 'oina taugu Loheyaiguina 'igu 'ila'ilala galewega 'ilatuma, ma boda mabwaiyadi bale'uwa si'itegau yaloha pwatanega ma'igu waiwai ma ma'igu wasawasa madouna yalatulatuma, ma sidougwaegwae.

Madiu 24:34

Moisa, yaso bewa nata geya wagumwala ma 'ana siga ginaulaedi mabwaiyadi silatu.

Madiu 24:48

“Ma hesi 'eguma topaihowa 'imumuga galana ma 'iboinamo 'oina 'igwae, ‘Cigu bada 'abwa 'iheheboi,’

Madiu 25:13

“Coinega sawasawahimi wa'itayahi, weyahina sabweloina, nuwana tutaina yalohihilama, geya wasanapu.

Madiu 26:64

Ma Yesu 'igwaeya, “Cino gwaeina gidemusa. Ma wete yahegwaegomi beno 'abwa taugu Loheyaiguina wa'itegau Tohewaiwaina 'ina 'ebeulega yamiyatoi sabi loina, ma wete 'igu hilama wa'ita galewa yaloha debadiya.”

Madiu 4:12

Ma muliyetega Yesu wasa 'ihesagoheya 'abehega Yoni deliya silaguluhuweya, 'oinega 'ihila ma Galili 'oina 'itauya.

Maki 13:26

Tuta nage 'oina mebale'u taugu Loheyaiguina si'itegau yaloha 'oidiyega yasulusuluma ma'igu waiwai ta ma'igu wasawasa madouna,

Luke 18:8

Moisa tuwa, 'ina lemaina dumwaluna nata 'ipaihowa 'oidiya. “Ma togidega 'omi wanuwatuhu 'eseya 'eguma saugaina taugu Loheyaiguina yahilama bale'u bewa 'oina, hisa tomota ma'idi hemisa yalobadi sitoholo pa'ala?”

Luke 21:27

“Taugu Loheyaiguina, ta tuta nage 'oina mebale'u mabwaiyadi si'itegau yalohega yasulusuluma, ma'igu waiwai ta ma'igu wasawasa madouna.

Yoni 7:1

Muliyetega Yesu Galili 'ina 'ebe loina mabwaiyana 'oidiya 'itauya, ma hesiyage geya nuwana Yudiya 'ina 'ebe loina 'oidiya 'itauya. Weyahina meYudiya 'idi 'inapwanaedi nuwanuwadi Yesu silohe'amasi.

Paihowa 17:10

Ma hinuwana tohekalesiyao Paulo ma Sailasa sihewasaedi ma sida tauya Beliya, 'oinega sitauya, ma tutaina silatuwa Beliya siluhuwa meYudiya 'idi hada tapwalolo 'oina, ta Yesu wasana sihe'ita.

Paihowa 17:14

Coinega tohekalesiyao siloina mwamwayau, ma Paulo sihetuneya ma 'isuluwa gogo holai 'oina, ta Sailasa ma Timoti 'ebwa ba'idadiyao simiyamiya.

Paihowa 20:1

Ma dagadaga 'igumwala pwaiya, ta Paulo tohekalesiyao 'ibwauwedima ta 'iguguyediya, 'oinega 'iloyauwedowediya, ta 'itauya Masidoniya.

Paihowa 8:1

Ma Saulo bodaedi 'i'ahwa bwebwe'anediya, Sitibeni 'ana lohe'amasa weyahina. Sabwelo nage 'oina tohekalesiyao tupwa Yelusalema 'oina 'adi 'alehaowedi sihegaina ma silo'alehedi, 'oinega sisawala Yudiya ma Sameliya tupwaedi 'oidiya, ma Yesu 'ana tohepwailao site tuwelomo Yelusalema 'oina simiyamiya.