Luke 21:16 - Loina Nuahuana

¹⁶ “Tutaina 'oina wete tamamiyao ta sinamiyao ta tasimiyao ta 'imi susuwao ta wete 'iyamiyao sitebaegomi, ta tupwadi 'oimiyega silohe'amasidi,

Luke 21:16 交叉參考

Madiu 10:21

“Ma wete tuta sinaonaoma 'oidiya tomota 'idi susu 'alona lo'aleha 'ilatu weyahigu, beno loheya tasina 'itebae ma silohe'amasi. Gide wete tamana natuna 'itebae ma silohe'amasi. Wete gwagwama sinadiyao ma tamadiyao 'oidiya silo'aleha ma silohe'amasidi.

Maki 13:12

“Ta wete tuta sinaonaoma 'oidiya tomota 'idi susu 'alodiya 'aleha 'ihapwesa weyahigu, beno loheya tasina 'itebae ma silohe'amasi. Ma wete gide tamana natuna 'itebae ma silohe'amasi. Ma wete gwagwama sinadiyao ta tamadiyao sitebaedi ma silohe'amasidi.

Luke 12:53

Ma wete 'eguma tama natuna loheyana 'oina 'i'aleha, nata wete natunaina tamana 'oina 'ilo'aleha. Gidemusa wete sina 'eguma 'ilo'aleha natuna mewahinena 'oina, nata wete tauna sinana 'ilo'aleha. Ma wete 'eguma wahine 'i'aleha lawana mewahinena 'oina, nata lawanaina 'oina 'ihe'upwa hila.”

Luke 21:15

weyahina taugu 'abwa gwae dumwaludi ta sanapu ya'ebwaegomi ma 'ami 'alehao gesowana si'ahwa 'abo'abowegomi.

Luke 21:17

ta tomota mabwaiyadi silo'alehegomi weyahina 'omi 'abehega 'agu tohemisao.

Paihowa 12:2

Coinega Yemesa, tauna Yoni tasina, Helodi 'ina loinega sihunuya 'elepega, ma 'i'amasa.

Paihowa 7:59

Eema Sitibeni siloloda'uleyeya, ma hesi 'ibwau haneya 'igwae, “Bada Yesu, yaluyaluwagu 'u'eweyawa.”

Heꞌitaꞌita 12:11

“Ma tasidaowedi hesi tuwa yawasidi sitagwaleya ma Keliso weyahina si'amasa, 'oinega Tomuduleleina ma'iyadiu silo'aleha ta taudi sihewaiwaiya. Ma 'idi hewaiwai Lami bweyahinega, ma wete 'idi hepwailega Lami weyahina.

Heꞌitaꞌita 2:13

“Tupwaina 'oina wamiyamiya beno yasanapuya, beno Seitani 'ina 'ebeloina. Ma hesi wahemisa bwaibwainigau, weyahina geya wada uhalegauwa. Mwalo Seitani 'ina tupwaina 'oina 'aigeda 'agu tohepwaila moisa silohe'amasiya, sanina Anitipasa, ma tuwa wa'abiyahigauwa pa'alina.

Heꞌitaꞌita 6:9

Ma wete lamiina losipwa henimana 'ilihasiya, ta Yehoba 'ina 'ebepwaoli gabulena 'ana tohepwailao yaluyaluwadi ya'itediya, taudi mwalo bale'uwa Yehoba 'ina gwae 'ana tohepwailao bwebwe'adi, bewa tauna weyahina tomota silo'alehediya ta silohe'amasidiya.