Luke 16:15 - Loina Nuahuana

¹⁵ Coinega Yesu Palisiyaowedi 'oidiya 'igwaeya, “Comi wanuwatuhuya 'abehega mumugami bwebwe'ana tomota matadiya, ma hesi galana mabwaiyana 'atemiya Yehoba 'isanasanapudi, weyahina ginaulaedi tomota nuwadi si'eweya, Yehoba 'ilogwahatediya.

Luke 16:15 交叉參考

Madiu 23:5

“Cidi paihowao mabwaiyana sipaipaihowadi ma 'abehega tomota si'itadi ma sihepwatuwedi, beno gwaeyao Buki He'asisi 'oinega leleleledi manidiya ma nimadiya si'abihe pa'inediya, ta 'adi 'ale'owao duduledi sisohasohadi,

Madiu 6:16

Wete 'eguma tutaina 'oina tapwalolo weyahina wahudi, beno geya sowana wa'ai, sahena manimi 'ilolonohunohu gide tuwa tonuwagala. Ma to'abo 'idi paihowa gide, weyahina taudi 'adi 'ita si'abihegaledi ma 'abehega 'idi hudi tomota sisanapu. Taudi 'adi hepwatu tuta bewamo silobaloba, ma 'abwa geya.

Madiu 6:2

Ma tutaina wahehelau towewelohe 'oidiya, sahena yoguli wamu'amu'a, gide taudi to'e'abo'abo hada tapwalolo nuwana 'asa 'oidiya yoguli simu'amu'adi ma 'abehega tomota 'idi helau si'itadi ma sihepwatuwedi. Hede 'adi maisa tuta bewamo 'oina silobaloba ma hesi tuta 'inaonaoma geya maisadimo.

Madiu 6:5

Cimi 'ahwanoi wete gide, 'eguma wa'ahwanoi Yehoba 'oina, sahena to'e'abo'abo gide wa'ahwa'ahwanoi, weyahina taudi nuwanuwadi ma tomota matadiya tapwalolo 'alona nuwana 'asai sitoholo ma si'ahwa'ahwanoi. Moisa 'adi hepwatu tuta bewa tuwa silobaloba, ma tuta 'inaonaoma geya.

Luke 10:29

Ma loheyaina 'ina nuwatuhu 'abehega tauna todumwalu, 'oinega Yesu wete 'oina 'ihesilala hila, “Taiya hede 'iyagu?”

Luke 11:39

Ma Yesu Palisiina 'ina nuwatuhuina 'isanapu pwaiya, 'oinega 'oina 'igwaeya, “Comi Palisiyao gide tuwa biyo ma gaeba, weyahina gwahumiumo wabuyobuyodi, ma 'alomiya 'imaha moisa yagaha ma mumuga galadi 'oidiyega.

Luke 18:11

Coinega Palisiina 'itoholowa ma 'i'ahwanoiya, 'igwae, ‘Yehoba yo, yaloyauwedo 'oiuwa weyahina taugu geya gide 'iyagwao mumugadi, weyahina taudi toyagaha hedade, ma 'abo'aboidi, ma lologwalidi, ma wete taugu geya gide takesi 'ana to'ewa nage.

Luke 18:14

Ta Yesu wete 'oidiya 'igwaeya, “Moisa, loheyaina bewa 'ina 'ahwanoiina weyahina 'ana 'ahwabwebwe'ana 'ilobeya Yehoba 'oinega, ma hesi Palisiina geya. Weyahina 'eguma taiya tauna 'i'abilagasi nata silagusuluhe, ma 'eguma taiya tauna 'ilagusuluhe si'abilagasi.”

Luke 18:21

Ta loheyaina 'igwaeya, “Cigu tuta gwamega ta nige loinaedi beno yamuliya bwaibwainidiya.”

Luke 18:9

Tomota tupwadi sinuwatuhuya 'abehega taudi dumwaludi ma hali tomota geya, 'oinega Yesu 'igwae hegehegediyediya bewa gide,

Luke 20:20

Eeta tuta baibaiwana Yesu silolomatayahi ma 'abehega to'aha 'ina pui siloba, eema 'oinega sihepwaile toloina 'oina ma 'iheyatalae, 'oinega tomota tupwadi sihesumanediya Yesu 'oina ta hesilalega si'abowe ma 'abehega 'ina pui siloba.

Luke 20:47

Ta wete tuta baibaiwana tomota matadiya Yehoba 'oina si'ahwa'ahwanoi dudulena, ma hesi 'idi 'ahwanoiina geya bwebwe'ana, weyahina 'atediya sinuwanuwatuhu togidega nata hiwahiwape si'abo 'esedi ma 'idi tobwatobwao si'ewadi. Coinega 'abwa Yehoba maisa galana 'i'ebwaedi.”

Yoni 2:25

Coinega geya 'eta taiya sawasawahina ma boda weyahidi 'ihegwaegwae Yesu 'oina, weyahina Yesu boda mabwaiyadi 'idi nuwatuhu 'atediya simiyamiya 'isanasanapudi.

Yoni 21:17

Coinega Yesu Saimoni Pita 'ihesilaleya hetoina 'igwae, “Saimoni, Yoni natuna, 'uhelauwegauwa?” Ta Saimoni Pita nuwana 'igala weyahina Yesu 'ina hesilala 'oina matoi, 'oinega Yesu 'enana 'ihemaiseya 'igwae, “Cinapwana, 'owa ginaula mabwaiyana 'usanasanapudi, ma 'usanapu pwaigauwa 'abehega yahelauwegowa.” Coinega Yesu wete Saimoni Pita 'ihegwaeya 'igwae, “Cigu sipi 'u'ita yahidi.

Paihowa 1:24

Coinega si'ahwa'ahwanoi Yehoba 'oina, sigwaeya, “Bada yo, 'owa tomota mabwaiyama 'ima nuwatuhu 'usanasanapudi, 'oinega 'ino hesinuwa loheloheya 'eluwa bewa 'oidiyega 'uhe'itae 'oima,

Paihowa 15:8

Ta Yehoba to'aha 'ateda simiyamiya 'isanasanapudi, ma taudi tomiya ganamuli 'oidiya 'itagwala pwaiya, ma Yaluyaluwa Tabuna 'i'ebwaediya gidemusa tauda meYudiya 'i'ebwaya 'esegita,

Loma 3:20

Yehoba 'ina 'ahwamoisa geya Mosese 'ina loina 'ana guibiga 'oinega tada lobeya, weyahina loina 'ina paihowa beno 'ida pui 'ihehepwailedi.

Loma 8:27

Yehoba tauna 'ida nuwatuhu 'isanapudiya, ma weteyage 'iboi Yaluyaluwana 'ina nuwatuhu 'isanasanapudi, weyahina Yaluyaluwanaina Yehoba 'ina tomotai weyahida 'i'ahwa'ahwanoi, weyahina Yehoba Yaluyaluwanaina mahetena 'idi nuwatuhu 'aigeda.

1 Kolinita 4:5

Bewa tuwa sahena 'eta taiya 'iyanao 'oidiya 'ihesihesinuwa 'abehega bwebwe'adi bo galadi, weyahina 'abwa 'ida Bada 'inaoma ma 'iboinamo 'iloinaegita. Ta 'ina loinaina dumwaluna weyahina 'ida nuwatuhu galadi 'ateda Yehoba 'i'abilatuhedi ma 'iloinaegita, eema 'ida nuwatuhu bwebwe'adi 'i'abilatuhedi, ma weyahidi 'i'ahwa bwebwe'anegita.

1 Pita 3:4

ma hesi 'atemi wahepasadi pasaedi miyamiya hatayadi 'oidiyega, taudi gidemusa mumuga nuhana ma nuwadobi 'oidiyega, Wanuwatuhuyahi mumugaedi 'abehega ginaula madouna Yehoba matana.

1 Pita 5:5

Coinega wete 'omi tubu hanehaneyao sowasowana babadao wahe'asisiyanedi, ma mabwaiyami wanuwadobi ma 'aigeda 'aigeda 'oimiya wahelemalema hilegomi. Gidemusa tuwa Buki He'asisi 'ina gwae gide, 'igwaeya, “Yehoba tonuwahane 'i'ausidi, ma hesi tonuwadobi 'ihelauwedi.”

Heꞌitaꞌita 2:23

Ma wete natunao yalohe'amasidi, ma 'oinega boda hekalesiyao mabwaiyadi sisanapu 'abehega taugu tomota mabwaiyadi 'idi nuwatuhu 'atediya mabwaiyana 'ana tosanapu, ma wete mabwaiyami 'oimiya yahemaisa to'aha gide 'imi paihowao, nuwana bwebwe'adi, bo galadi.