Loma 4:6 - Loina Nuahuana

⁶ Ma Debida wete gide 'igwaeya mwalo, 'abehega taiyewedi Yehoba 'i'ahwa bwebwe'anediya beno geya 'idi paihowa 'oinega, ma hesiyage 'idi hemisega 'i'ahwa bwebwe'anediya. Ta wete 'idi yaliyaya weyahidi 'ihepwaileya,

Loma 4:6 交叉參考

Madiu 25:19

“Ta tuta dudulena mulina 'idi bada 'ihilama, ta 'ihesilalediya 'idi paihowa 'adi maisa weyahidi.

Loma 1:17

Ta moisa tuwa tetela bewa 'ihe'itegita 'abehega 'ida hemisamo tuwa 'oinega Yehoba 'i'ahwa bwebwe'anegita. Weyahina Yehoba 'ina buki 'ihepwaila, 'igwaeya, “Todumwalu 'idi hemisega yawasidi siloba.”

Loma 3:27

Ma togidega, sowasowahida bewa ginaulina weyahina tagwae hanehane? Geya! Weyahina 'ida hemisa tuwa 'oinega 'i'ahwa'ahwa dumwaluwegita, ma geya loina 'ana hematamatana 'oinega.

Loma 4:24

ma tauda weteyage weyahida sileleya, 'ida hemisa Yehoba 'oina talaguya, tauna Bada Yesu Keliso 'amasega 'i'abihetoholo hileya.

Loma 4:5

Ma 'eguma taiya 'ina pui 'adi nuwasam weyahina geya 'ida paihowa, ma 'ihemisamo tuwa Yehoba 'oina, tauna tohemisaina 'ana hemisega nata 'ahwa bwebwe'ana Yehoba 'oinega 'iloba.

Loma 4:7

'igwaeya, “Toyaliyaya moisa taudi 'eguma 'idi puiyao Yehoba 'inuwasamudi ma 'ideulidi.

Loma 4:9

Ta yaliyayaina weyahina Debida 'igwae nugeteya, togidega tauda meYudiya 'wapida si'upweya taudamo weyahida. Geya taudamo. Taudi geya meYudiya mahetedao ta'ewa. Yehoba 'ina Buki 'ihepwaila pwaiya beno, “Ebalahamo 'ina hemisega 'ahwa bwebwe'ana 'ilobeya.”

1 Kolinita 1:30

Weyahina Yehoba tauna 'ina paihowega Yesu Keliso mahetedai tahe'aigeda, 'oinega Yehoba 'ina sanapu Yesuina 'ilagu balaheya 'oida, weyahina Yesu tauna wahina 'ipwaoliyeya weyahida, ta 'oinega 'i'abihe 'ehaugita ma 'i'abihe dumwalugita.

2 Kolinita 5:21

Yehobaina tauda weyahida Keliso 'iloineya, tauna geya 'eta 'ina pui, ma hesi Yehoba 'itagwaleya ma Kelisoina weyahida 'ihetogala, ma 'ane tauna ba'idadai Yehoba 'ina mumuga bwebwe'ana ta'ewa.

Galetiya 3:14

Ma Yesu Keliso 'oinega taudi hali boda 'asa ganamuli tomotaedi yaliyaya siloba, gidemusa yaliyayaina Yehoba 'igwae hemisaeya Ebalahamo 'oina, 'abehega mabwaiyada 'ida hemisega to'aha Yehoba 'igwae hemisaeya 'i'ebwaegita, beno Yaluyaluwa Tabuna.

Galetiya 4:15

Eeta wa'ahwa 'iyaguwegauwa moisa, ma 'eguma sawasawahina matamiyega wada 'iwayahuledi ma wa'ebwaegau, matagu hogahogadi 'adi miyalae. Ma bewa tuwa togidega 'ida 'ahwa 'iya'iyaguina?

Epeso 1:3

Ciyagwao, taloyauwedo Yehoba 'oina, tauna 'ida Bada Yesu Keliso Tamana, ma Kelisoina 'oinega yaluyaluwada 'ihelauwediya beno wasawasa galewa mabwaiyadi 'i'ebwaegita.

Pilipai 3:9

ma wete nuwanuwagu Keliso mahetegu 'amiya, geya 'abehega taugu 'igu mumuga dumwadumwalunega, bo Mosese 'ina loinao 'oidiyega, ta hesi hemisa Keliso 'oina weyahina, beno 'ida mumuga dumwadumwaluna Yehoba 'i'ebwaegita 'ida hemisa Keliso 'oina weyahina.

2 Timoti 1:9

Yehoba tauna 'i'abihetegita ta 'ibwauwegita 'ina paihowa bwebwe'adi sabi paihowadi. Moisa tuwa tauda geya 'ida bwebwe'ana weyahina 'ihesinuwegita, ma hesi mwalo hene tauna 'ina nuwatuhu ma 'ina helau weyahina, ta Yesu Keliso 'ipaihoweya tauda weyahida.

Yemesa 2:18

Ma 'eguma tupwadi tomota sigwae, “Cowa ma'ino hemisa ta taugu ma'igu paihowa,” ta hesiyage taugu 'igu gwaehila 'abehega, “Ceguma 'ino hemisaina geya paihowa ba'idana, togidega 'ana bwebwe'ana? Ta taugu bewa 'igu hemisa yahe'itego 'igu paihowega.”

2 Pita 1:1

Taugu Saimoni Pita ta Yesu Keliso 'ina topaihowa 'aigeda, nuwana 'ana tohepwaila, 'imi leta yaleleyawa. Comi ma taugu 'ida hemisa mahemahetena, ma weyahina tayaliyaya. Hemisaina talobeya 'ida Yehoba ma 'ada To'abihetena Yesu Keliso 'idi loina bwebwe'ana 'oinega.