Kolose 3:8 - Loina Nuahuana

⁸ Ma hesi sauga bewa 'oina 'ilobwaineya ma walogwahatedi, beno 'aleha ma gamwasowala ma he'ipi'ipi, ma sinala, ta 'ahwa galagala.

Kolose 3:8 交叉參考

Madiu 5:22

Ma hesi taugu yaloinegomi 'abehega 'eguma taiya 'owa tasiu 'ugamwasowale, 'abwa loina 'uloba. Ma 'eguma tasiu 'u'ahwa galagalae loina 'uloba, toloinao 'oidiyega. Ma wete 'eguma tasiu 'ana gwae mwauna 'ulagu, 'abwa 'uluhu 'asa 'ala'alatana* 'oina.

Maki 7:22

lomata tobwatobwa, gamwasowala, 'abo, ganawala, he'ipi'ipi, sinala, nuwahane, ma heyauyaule.

Loma 13:13

Coinega ta'ita yahigita ma sahena we'aha waiwaina tanumanuma ma taheyauyaule, sahena wete talologwali, ma sahena wete tahe'ahwa panapanawa, nuwana tahe'upwa besobeso.

1 Kolinita 3:3

Moisa, mumugami 'abwa tuwa gogo gabulena gidemusa, weyahina 'abwa wahe'ohe'ohe ma wahe'ipi'ipi tuwa.

2 Kolinita 12:20

Moisa, ya'ateyohowa, ta geya nuwagu yatauyawa ma 'imi mumuga ya'ita lobeya 'abehega geya bwebwe'ana, ma 'igu tauyawa weyahina wanuwagala, 'eguma taumimo wahe'ohe'ohena ma wahe'ipi'ipi ma wagamwasowala, nuwana walotobwatobwa hedade, ma 'iyamiyao wa'ahwa galagalaedi, ma wanuwahane, nuwana wapaihowa bwagabwaga.

Galetiya 5:15

Ceguma loina bewa wa'ebesine ma waboi 'oimiya walo'aleha, 'abwa 'ami boda walohesawali.

Galetiya 5:20

'oba, balahu, he'ahwa panapanawa, lo'aleha, he'ipi'ipi, gamwasowala, 'aiduma, wataha, sinala,

Galetiya 5:26

Ma geya'abwa tanuwanuwahane bo 'iyadao talowahi'watedi, bo tahe'ipi'ipiyedi.

Epeso 4:22

Coinega mumuga miyamiyana walogwahatedi, beno paihowaedi mwalo wapaipaihowadi tutaina nuwatuhu dahwana sigihe galegomiya,

Epeso 4:25

Coinega 'abo walogwahate ma mabwaiyami wagwae moisa 'aigeda 'aigeda 'oimiya, weyahina mabwaiyada Keliso wahina yahunao.

Epeso 4:26

Ma 'eguma wagamwasowala, geya'abwa wamumuga galana, ma hesi watoho ma wanuwa daumwala mwayamwayau,

Epeso 4:29

Sahena wete 'eta gwae galana wa'ina'inana, ma hesi gwae bwebwe'anamo tomota 'adi lema weyahina, to'aha tuta 'aigeda 'aigeda 'ana lobwaina weyahina wahegwaegwae, ma 'oinega taiyawedi taudi sihesagohegomi, 'imi gwaeyega nata lema siloba.

Epeso 5:4

Wete geya'abwa 'ahwasewa bo 'ahwa galagala bo gwae besobeso, weyahina gwaeyedi geya 'adi lobwaina solamiya, ma hesi 'imi gwaeyega Yehoba wahepwatuwe.

Kolose 3:5

Coinega gogo gabulena mumugana 'oimiya walohe'amasidi, beno logwali, pui, ma henuhenuwa galadi ma hewasawasa, beno hali 'ebehemisao 'adi tuluha.

Kolose 3:9

Ma wete sahena wa'e'abo'abo 'iyamiyao 'oidiya, weyahina bale'u mumugana walogwahateya.

1 Timoti 1:13

Mwalo geya gide, ma hesi Keliso ya'ahwa galagalaeya ma 'ina bodao yalosahiyediya, ma tuwa Yehoba 'isanapuya 'abehega ginaula galadi taugu yapaihowediya 'igu henuwa potapota 'oinega, ma wete geya yahemisa, 'oinega 'i'atemuyemuyegauwa.

1 Timoti 1:20

Tobe'uwedi 'aigeda sanina Aimenio, ma wete 'aigeda sanina Alekisana. Siteluwaedi bo'i Seitani 'oina ya'ebwaediya ma 'ihematasabuwedi ma sisanapu ma 'ane sahena 'ida Badaina si'ahwa'ahwa galagalae.

Ibeliu 12:1

Ma tohemisao baibaiwadi galewega si'e'ebubugita, ta sawasawahida ginaula mwaudi 'oidiyega ta'aisinedi, ma 'oinega tapili waiwai 'ebepiliina 'ana 'eda 'oinega, ta wete mumuga galadiyedi sipaipaigita ta'aisinedi.

Yemesa 2:7

Wanuwatuhuyahi wete 'abehega 'ida Bada sanina 'i'ebwaegita, ma tohewasawasaedi hesiyage saninaina si'ahwa'ahwa galagalae.

1 Pita 2:1

Eeta 'imi galao ma 'imi 'e'abo'abowao gwaeyega bo paihowega ma 'imi he'ipi'ipiyao ma 'imi 'ahwa galagalao waguipailedi,

2 Pita 2:18

Tohe'itaowedi 'idi mumuga galadi ma'idi gwae gagasa sihe'ote'oteli, ma wete nuwa'ubuna galadi 'oidiyega tonuwabui hauhau silisidi ma sihila 'idi mumuga nugenugetana 'oina.

2 Pita 2:7

Ma Lota taunamo 'asaedi 'oidiyega 'ina mumuga bwebwe'ana, 'oinega Yehoba 'i'abiheteya. Moisa Lotaina 'inuwagala togalaedi 'idi mumuga sogala weyahina.

Yude 1:13

Ma wete 'adi 'ita gide bagodu madoudi ma gwalobusobusodi 'idi paihowao 'ebe deba mwadina. Wete 'adi 'ita gide 'ipwalao siyawala besobeso galewa, 'oinega guguyou 'ina tupwa simiya hataya.

Yude 1:8

Ma togalaedi silugu pwaiya 'oimiya, 'idi mumuga mahemahetena, weyahina taudi 'idi nihiyao 'oidiyega siloina galana, eeta 'idi galao 'etoi sipaipaihowadi, 'aigeda wahidi sigihe bailidi, heluwena toloinao bwebwe'adi silogwahatediya, ma hetoina tomiya galewa bwebwe'adi si'ahwa galagalaedi.

Heꞌitaꞌita 16:9

Ma yahiyahiina madouna tomota 'i'ala'alasidi, 'oinega Yehoba siheliyeya, weyahina tauna 'ina loinega ma mwauwedi silatuma. Ma tuwa geya sida nuwabuiya ta 'abehega Yehoba sihepwatuwe.