Kolose 3:22 - Loina Nuahuana

²² Comi topaihowao wete 'imi babadao bale'uwa 'idi gwae wahematamatanedi nuwatuhu mabwaiyadi weyahidi. Ma sahena sigwaegwae yahigomi 'abwa wapaihowa ma'imi hohobiga, ma 'oinega 'abehega wa'abi heyaliyayadi. Ma hesi sauga baibaiwana ma'imi tagwala Yehoba 'ana he'asisiyega.

Kolose 3:22 交叉參考

Madiu 6:22

Matada gide wahida 'ana 'asilala. Coinega 'eguma matadaina 'ausalana, wahida mabwaiyana 'asi'asilalana,

Madiu 8:9

Weyahina taugu loina yasanasanapu, ma 'agu toloinao 'idi gwae 'ana tomuliya, ma wete 'igu tolo'alehao yaloinaedi, ma 'eguma 'aigeda 'oina yagwae, ‘Cutauya’, 'itauya tuwa; ma 'eguma 'aigeda 'oina yagwae, ‘Cunaoma’, wete 'inaoma; ma 'eguma 'igu topaihowa 'aigeda yahegwae, ‘Bewa 'upaihowa', 'ipaihowa tuwa.’”

Luke 6:46

“Ma to'aha weyahina wa'ahwa'ahwa badaegau, ma 'igu gwae geya wahematamatanedi.

Luke 7:8

Ma 'enana bewa gide 'igwaeya, ‘Taugu loina yasanasanapu ta 'agu toloinao 'idi gwae 'ana tohematamatana, ma wete 'igu tolo'alehao yaloiloinaedi, ta 'eguma 'aigeda yahegwae, “Cutauya,” tuwa 'itauya; ma 'eguma 'aigeda wete 'oina yagwae, “Cunaoma,” wete 'inaoma, ma 'eguma 'igu topaihowa 'aigeda yahegwae ma yagwae, “Bewa 'upaihowa,” tuwa 'ipaihowa.’”

Paihowa 2:46

Coinega sabwelo 'aigeda 'aigeda 'oidiya ma'idi 'atetagwala sitapwatapwalolo Hada He'asisi 'oina, ma taudi 'idi hada ma'idi yaliyaya si'ai hegogona,

2 Kolinita 7:1

Ciyagwao, Yehoba 'ina gwae hemisaedi tahesagohediya, 'oinega wahida ma yaluyaluwada ta'abihe 'asilaladi ginaula bi'ibi'idi 'oidiyega, ma tahe'ehau moisa ta ma'ida he'asisi Yehoba 'oina.

Galetiya 1:10

Togidega, tomota 'adi hepwatu weyahina yanuwanuwatuhu, bo Yehoba 'ana hepwatu? Ta 'eguma tomota 'idi nuwatuhu yapaipaihowa, geya sawasawahigu ma Keliso weyahina yahetopaihowa.

Kolose 3:20

Gwagwama 'omi wete sauga mabwaiyana tamamiyao ma sinamiyao 'enadi wamuliyedi, bewa 'ida Bada 'ina 'ebeyaliyaya.

1 Tesalonaika 2:4

Weyahina 'ima paihowa bewa Yehoba 'itagwala 'oima ma tetela bwebwe'ana 'ahepwaila latuweya, 'oinega 'ima hepwailaedi beno geya to'aha tomota nuwanuwadi, ma hesi to'aha Yehoba nuwanuwana. Eeta nuwatuhuwedi 'atema simiyamiya, bwebwe'adi bo galadi, Yehoba 'iboimo 'isanasanapu.

Pilimoni 1:16

Mwalo tauna 'ino topaihowa, ma sauga bewa geya 'abehega 'ihetopaihowamo, ma tauna wete ta'ahwa tasine Yesu Keliso 'oinega. Tauna bo'i ya'ahwa tasineya, ma 'owa 'ilobwainegowa ma 'u'ahwatasina moisa, weyahina tauna 'ino topaihowa ma wete tasiu 'ida Bada 'oinega.