Kolose 3:14 - Loina Nuahuana

¹⁴ Ma 'ilobwainegomiya mumugami wahehelau hilegomi, weyahina helau 'oinega paihowa mabwaiyana sidumwalu.

Kolose 3:14 交叉參考

Yoni 13:34

“Coinega wete 'omi loina hauhauna bewa ya'ebwaegomi ma 'aigeda 'aigeda 'atemiyega wahelau hilegami. Ma wahelau hilegami gidemusa taugu yahehelauwegomi.

Yoni 15:12

Ma bewa 'igu loina 'oimiya ma 'aigeda 'aigeda wahelau hilegomi gidemusa yahehelauwegomi.

Yoni 17:23

Taugu moisa 'oidiya yamiyamiya ma 'owa wete gide 'oiguwa 'umiyamiya, ma 'oinega sida heboda 'aigeda bwaibwaina. Ma 'oinega mebale'u si'itadi ma sida sanapugau 'abehega 'owa moisa 'uhesumanegauma. Ma wete sisanapugo 'abehega moisa 'uhelauwediya gidemusa 'uhelauwegauwa.

Loma 13:8

Cami buki wahemaisa hegumwalidi, eema 'ane buki 'aigeda tuwa weyahina wanuwanuwatuhu beno helau, tauna geya sawasawahida tahemaisa hegumwali, weyahina 'eguma 'iyadao tahelauwedi beno loina mabwaiyadi tapaihowediya,

Epeso 1:4

Weyahina mwalo hene 'abwa bale'u geya 'ihemasalehe ma 'ihesinuwa nugetegita ma 'abehega taheboda 'aigeda Keliso mahetedai, ta Yehobaina matana mumugada 'ehauna, ma geya 'ada 'ebe he'ewamo.

Epeso 4:3

ma wahetapewa waiwai, ma 'oinega Yaluyaluwa Tabuna 'i'uinigomi, ma ma'imi nuwadaumwala wamiya yaliyaya.

Epeso 5:2

ma wahelau hilegomi gidemusa Keliso 'ihelau 'esegita, ta tauna 'itagwaleya ta 'iboi 'ipwaoliyeya Yehoba 'oina weyahida, ta 'i'amasa, gide pwaoli mahaina Yehoba 'inisoya 'abehega 'ausalana.

Kolose 2:2

Ma 'ane wete taudi helauwega sihe'iya'iyagu moisa, ma'adi lotohona bwebwe'ana ta ma'idi sanapu moisa, 'oinega siyaliyaya madouna, weyahina sinuwa sabwalena sanapuina mwalo dahwadahwaina, beno Keliso.

1 Tesalonaika 4:9

Ma 'iyadao 'adi helau weyahina nata geya 'alelediwa, weyahina Yehoba bo'i tauna 'ihe'itegomiya 'oinega waboi wahelau hilegomi.

1 Timoti 1:5

Bewa 'igu loina ma 'ane nuwami 'ehaudiyega waboi wahelau hilegomi moisa ma wanuwanuwatuhu bwaibwaini, ma wahemisa moisa Keliso 'oina.

Ibeliu 6:1

He'ita nugenugetana Keliso weyahina wahesagoha pwaidiya ta wasanapudiya, 'oinega nuwanuwagu sanapu hauhaudi Keliso weyahina yahe'itegomi ta 'imi nuwatuhu 'oidiya waheloheya. He'itaedi tahesagoha pwaidiya ta tasanapudiya sahena talolohilahiladi. He'itaedi bewa: 'ida mumuga mwalo galadi 'adi logwahata, 'ida hemisa Yehoba 'oina,

1 Pita 4:8

Coinega wahelau hilegomi moisa 'aigeda 'aigeda 'oimiya, weyahina helau sawasawahina ma galana baibaiwadi 'igibodi.

2 Pita 1:7

hesikisina 'ahwa'iya'iyana, ma 'ebelosaloha helau.

1 Yoni 3:10

Coinega taudi ta'inanadi 'abehega taiyawedi Yehoba natunao, ma taiyawedi Tomudulele natunao, weyahina taudi Tomudulele 'ina boda geya'abwa sipaipaihowa dumwalu, weyahina geya sili'u Yehoba 'oinega, ma wete geya'abwa sihelau matasidiyao.

1 Yoni 3:23

Ma 'ina loina 'eluwaedi 'abehega Natuna Yesu Keliso tahemise, ma 'iyadao tahelauwedi, gidemusa Kelisoina 'ada loina 'i'ebwaegita.

1 Yoni 4:21

Ma 'ada loina Yehoba 'oinega 'abehega tauna tahelauwe, ta wete tasidao tahelauwedi.