Epeso 2:2 - Loina Nuahuana

² Moisa, mwalo mumuga bale'u wapaipaihowadi, weyahina yaluyaluwa galadi ma waiwaidi 'idi bada, tauna tomiya 'atamana 'awawa wahematamataneya. Ma tauna yaluyaluwaina taudi loina 'ana toligehao simulimuliye ma 'atediya 'imiyamiya.

Epeso 2:2 交叉參考

Madiu 11:19

Ma taugu Loheyaiguina yanaoma ma ya'ai'ai ma yanumanuma, ma wete weyahigu walolomugi, wagwaegwae, ‘Loheyaina to'ai ma tonuma hedahedade, ma topui takesi 'ana to'ewao ma topui baibaiwadi 'ihe'iya'iyaguwedi.’ “Ma taudi tosanapu moisa 'abwa 'idi paihowa bwebwe'adi 'oidiyega sanapu moisa 'ilatulatu.”

Madiu 13:22

“Ma patuwedi talitali 'oidiya sibe'uwa, taudi tetela bwebwe'ana sihesagoheya, ma hesi 'idi nuwatuhu bale'u weyahina ma wete wasawasa 'ana nuwatuhuwao, ma nuwatuhuwedi tetela bwebwe'ana silohe'amasiya, ta geya sawasawahina ma sihuwa.

Madiu 13:38

ma tanoha beno bale'u mabwaiyana, ma witi beno taudi Yehoba 'ina loina 'ana tomuliyao, ma 'awata beno togalanaina 'ana topaihowao,

Maki 4:19

ma hesi 'idi nuwatuhu bale'u ma wasawasa weyahidi, 'oidiyega Yehoba 'ina gwae silohe'amasiya, ma geya sowasowahina huwaidi silagu.

Luke 16:8

“Coinega 'ina badaina 'ina paihowa bewa wasana 'ihesagoheya, ma 'ihepwatuweya, weyahina mebale'u sihewaiwai 'idi wasawasa 'ana paihowa 'oina, ma hesi Yehoba 'ina bodao geya sihewaiwai 'idi paihowao 'asilala weyahina.”

Luke 22:31

Ma wete Yesu 'igwaeya, “Saimoni gwae bewa 'uhesagohe, weyahina Seitani tagwala 'i'ewa pwaiya ma mabwaiyami 'itohogomi, gide tuwa tobegula 'ina witiyao 'i'ahu hutuhutu tohodiya,

Yoni 12:31

Eeta tuta 'ilatu pwaima ma Yehoba gogo gabulena 'ana tomiyao 'iloinaedi, ma wete togala 'adi toloina gogo gabulena bewa 'oinega 'ipa'i.

Yoni 13:2

Sauga nage 'oina Yesu ma 'ana tomuliyao nima bwaubwau ma 'eluwa mahetenao si'ai'ai. Ma Yudasa Isakaliyota, tauna Saimoni natuna, Seitani 'oina 'iluhu pwaiya 'ihenuwa laguweya ma 'abehega Yesu 'itebae.

Yoni 13:27

Sauga nage 'oina Yudasa beledi 'i'eweya ma Seitani 'oina 'iluhuwa. Coinega Yesu Yudasaina 'ihegwaeya 'igwae, “Culomwayamwayau ma 'ino paihowaina 'upaihowa.”

Yoni 14:30

Nata geya'abwa wete sauga saliyana 'oimiya yahehegwaegwae, weyahina bewa tuwa mebale'u 'idi toloina galana 'itautauyama. Tauna geya sawasawahina ma 'ihewaiwai sinegau.

Yoni 15:19

Ma 'eguma mumugami tomiya bale'u gidemusa tomiya bale'u sihelauwegomi, weyahina sisanapuya 'abehega 'omi 'iyadiyao. Ma 'iyamo sauga bewa 'oina, 'omi yahesinuwane pwaigomiya, 'oinega mebale'u 'oidiyega ya'ewa yahulegomiya. Eeta 'omi geya wete mebale'u 'idi boda 'oidiya wamiyamiya. Beno huhuna 'oinega mebale'u silogwahategomiya.

Yoni 16:11

Tolemaina tauna nata wete mebale'u bwa'omatana 'ihe'itadi ma 'oinega mebale'u sisanapu 'abehega bwa'omatana 'itauya pwaima bale'uwa. Weyahina bale'uina 'ana toloinaina 'ina paihowa galadi 'oidiyega 'ana heyatala 'iloba pwaiya.

Yoni 7:7

Weyahina 'omi nata geya'abwa mebale'u silolo'alehegomi, ma taugu hesi silo'alehegauwa, weyahina mumugadi galanaina yahepwailediya 'oidiya.

Yoni 8:23

Ma Yesu wete 'ihegwaediya, 'igwae, “Comi gogo gabulena 'oinega walatuma, ma taugu hesiyage tabwanega yasuluma. Coinega 'omi moisa 'imi gogo bewa, taugu geya.

Yoni 8:44

Comi hesiyage Seitani tamamiu, 'oinega nuwanuwami ma tamamiuina 'ina nuwatuhuwedi wapaihowadi. Weyahina sauga 'ebe hegaina hauhau 'oinega 'itauyama, tauna tolohe'amasa moisa. Geya 'eta wete 'eda dumwadumwaluna 'oinega 'ida tauya. Weyahina geya 'eta wete gwae moisa 'oina 'ida miyana. Tuta mabwaiyana 'oidiya 'e'abo'abo 'oidiyega 'ihehegwaegwae, weyahina tauna tuwa beno gidemusa mumugana, ma wete tauna to'e'abo'abowao mabwaiyadi tamadiu.

Paihowa 19:35

Coinega 'asaina 'ana tohanugeta 'itauyama, ta hedagadaga 'igihelolaguya, ta 'ihegwaediya, 'igwae, “MeEpeso yo, mabwaiyada tasanapuya 'abehega Dayana tabwana hedada 'ina hada tapwalolo 'ana to'itayahina tauda, ma wete 'ina da'ule tabu galewega 'ibe'uma.

Paihowa 5:3

Pita 'ihegwaeya, 'igwae, “Ananaiyasi to'aha weyahina Seitani nuwau 'i'eweya ma tanoha 'ana maisa tupwana 'udahweya? Beno 'ino 'abo Yaluyaluwa Tabuna 'oina.

Loma 12:2

Sahena bale'u mumugana 'oina watagwa tagwalegomi, ma hesi wahimi mabwaiyana watagwaledi Yehoba 'oina. Coinega 'imi nuwatuhuwao Yehoba 'i'abi hehauhaudi, ma 'ina nuwatuhu bwebwe'adi ta yaliyaliyayadi ma dumwadumwaludi wasanapudi.

1 Kolinita 5:10

ma hesi geya yaloiloina 'abehega tologwaliyedi ma tobwatobwa 'ana tohamwao ma toyagahao ma tolonabwasuwao walogwahatedi, weyahina bale'u bewa 'oina taudi gidemusa baibaiwa hedade, geya sawasawahida ta'ebesinedi.

1 Kolinita 6:11

Weyahina tupwami mwalona mumugami gidemusa, ta hesi tuwa Yehoba 'ideuli pwaigomiya, ta wa'ehauwa, weyahina 'ida Bada Yesu Keliso saninega ma Yaluyaluwa Tabuna 'ina paihowa 'oinega 'i'abihedumwalu pwaigomiya.

2 Kolinita 4:4

Taudi geya sihemisa, weyahina bale'u bewa 'ina bada 'i'abihegibu pwaidiya, ma 'oinega 'asilala sahena si'ita'ita, beno Keliso 'ina wasawasa tetelina, tauna 'ana 'ita Yehoba gidemusa.

Galetiya 1:4

Weyahina Tamada Yehoba 'ina nuwatuhu bewa gidemusa, eeta Yesu tauna 'itagwaleya ta 'i'amasa 'ida puiyao weyahidi, ma 'oinega tuta bewa galana 'ina waiwaiyega sowasowana 'i'abihetegita.

Epeso 1:21

'oinega Keliso 'ina loina, loinao mabwaiyadi 'ihane sinediya, nuwana aneloseyao 'idi loina bo yaluyaluwa bi'iyao 'idi loina, bo taudi sanidi madoudi 'idi loinao, bewa tuta ma tuta sinaonaoma 'oidiya.

Epeso 2:11

Comi geya meYudiya ta 'asa ganamuli tomotainao, ma meYudiyaedi taudi natudiyao loheloheyadi 'wapidi si'upwa'upwadi, 'adi 'ila'ilala sipaipaihowa, ma sisinaligomiya, weyahina geya wahimi 'adi 'ila'ilalamo.

Epeso 2:13

Mwalo wamiya wasiya, ma bewa tuwa Yesu Keliso 'oinega, beno Kelisoina bweyahinega 'itoegomiya deina.

Epeso 2:3

Mwalo wete tauda gidemusa, ta wahida 'ina nuwa'ubuna tamulimuliyedi, ma to'aha tauda 'ida nuwatuhuwega tapaipaihowadi. Coinega 'ana lobwaina ma Yehoba 'igamwasowalegita, weyahina mumugada tauda galagalaina, gidemusa mebale'u mabwaiyadi.

Epeso 4:17

Bewa wete Bada saninega yaloguguya 'oimiya 'abehega mumuga tomiya ganamuli gidemusa walolagu, weyahina 'idi nuwatuhu besobeso 'oidiyega,

Epeso 4:22

Coinega mumuga miyamiyana walogwahatedi, beno paihowaedi mwalo wapaipaihowadi tutaina nuwatuhu dahwana sigihe galegomiya,

Epeso 5:6

Mumugaedi bewa weyahidi Yehoba toligeha loina 'igamwasowalediya, 'oinega geya'abwa 'aigeda taiya 'ina gwae besobesowega 'i'abo'abowegomi,

Epeso 5:8

weyahina 'omi guguyou mwalo 'oinega wahabala pwaima Yehoba 'ina 'asilala 'oina, 'oinega ma'imi mumuga 'asi'asilalaina wapaipaihowa,

Epeso 6:12

Weyahina 'ida lo'aleha geya tomota mahetedao, ma hesi toloina galadi ba'idadao, taudi guguyou bewa tuwa bale'uwa 'adi toloinao, ma galewa 'ana yaluyaluwao galadi.

Kolose 1:21

Comi wete mwalo wamiya wasiwasiya, ta 'imi nuwatuhuwega Yehoba walo'aleheya, 'oinega wamumuga galagala.

2 Timoti 4:10

Dimasa bo'i 'i'ebesinegauwa weyahina bale'u mumugana nuwana 'i'eweya, ta 'itauya Tesalonaika. Kelesenisi bo'i 'itauya Galetiya, ma Taito wete 'itauya Dalimetiya. Taudi 'agu tolemaedi mabwaiyadi si'ebesinegauwa.

Yemesa 1:27

Ma hesi tapwalolo 'asilalana ma dumwadumwaluna Yehoba Tamada matana bewa 'abehega taudi sinasinagehenidi ma hiwahiwapedi 'idi miyamwau 'oidiyega ta'abihetedi, ta wete geya'abwa mumuga bale'uwega ta'abi'abi hebi'igita.

Yemesa 1:7

Taudi wete geya'abwa sinuwanuwatuhu 'abehega to'aha siloba Bada 'oinega,

Yemesa 4:4

Comi tohemisa 'abo'abowao! Ceguma bale'u mumugaina wahelauweya, beno Yehoba walo'aleheya, weyahina 'eguma taiya bale'u mumugaina nuwanuwana, tauna Yehoba 'ana 'aleha.

1 Pita 1:14

Yehoba 'oina wahematamatana, ma geya'abwa 'imi nuwa'ubunao siloiloinaegomi gidemusa mwalo 'imi tuta hemwagemwage 'oina.

1 Pita 4:3

Mwalo 'imi mumuga galana gidemusa taudi tomiya ganamuli, ma mumugaedi bewa walogwahatedi, gidemusa sogala ma nuwa'ubuna ma bwasi waiwaidi 'adi numa yauyaule, ma he'iya'iyagu paihowa galadi weyahidi, ma wete hemisa 'abo'abodi hali ginaulao 'oidiya.

2 Pita 2:14

Ma 'idi pui 'ebedeba mwadina 'oinega sihemata ganawala, ma 'idi pui hilahila weyahina geya tani'odi 'ida towa. Ma towe'a sihanuhanugetedi 'eda galana 'oina, ma tobwatobwa 'ana nuwa'ewa 'oidiya 'imadou hedada. Ma Yehoba 'abwa 'ihemaisa 'idi mumuga galana weyahina.

1 Yoni 3:10

Coinega taudi ta'inanadi 'abehega taiyawedi Yehoba natunao, ma taiyawedi Tomudulele natunao, weyahina taudi Tomudulele 'ina boda geya'abwa sipaipaihowa dumwalu, weyahina geya sili'u Yehoba 'oinega, ma wete geya'abwa sihelau matasidiyao.

1 Yoni 3:8

Ta topui beno taudi Tomudulele 'ina bodao, weyahina tuta mwalo 'oinega ta nige, Tomudulele tauna topui. Coinega Yehoba Natuna 'ihenatuneya bale'uwa, 'itauyama Tomudulele 'ina paihowao sabi 'ahusepaledi.

1 Yoni 4:4

Natugwao, 'omi Yehoba 'oinega wali'uma, 'oinega hali yaluyaluwaedi wahewaiwai sinediya, weyahina Yaluyaluwaina 'oida 'imiyamiya Tohewaiwai moisa, ma hesi yaluyaluwaina mebale'u 'oidiya 'imiyamiya, 'ina waiwai geya madouna.

1 Yoni 5:19

Ma wete tauda tasanapuya 'abehega Yehoba 'ihenatunegita, ma bale'u mumugaina 'ana topaihowao mabwaiyadi topuiina 'ina bodao.

1 Yoni 5:4

Coinega 'eguma Yehoba 'ihenatunegita mumuga bale'u tahewaiwaisine, ma 'ida 'ebe hewaiwaiina sanina hemisa.

Heꞌitaꞌita 12:9

Hebaiina bwehabwehalina ma madouna, tauna mwata nugenugetaina sanina Seitani, gide Tomudulele, tauna bale'u 'ana to'abo. Tauna ma'ina aneloseyao mabwaiyadi bale'uwa siula suluhediya.

Heꞌitaꞌita 13:14

Ma tagwala 'iloba pwaiya ta 'oinega hebaiina holega matana 'aniyanaedi 'ipaihowediya, ma nage 'oina mebale'u mabwaiyadi 'i'abowediya. Ma 'ina 'abowedi 'oidiya 'igwae, “Da'ule 'aigeda watagi eema wapaihowa 'ana 'ita gide hebaiina 'elepega 'ihesilaheya ta 'ibwebwe'ana hila.”

Heꞌitaꞌita 13:8

Ma mebale'u mabwaiyadi 'abwa 'oina si'etuluha, beno taudi 'eguma geya sanidi simiyamiya yawasi bukiina 'alona, bukina lamiina silohe'amasiya 'ina buki. Buki bewa 'alona taudi sanidi mwalo hene 'ilele nugetediya, eema muliyetega bale'u 'ihemasaleheya.

Heꞌitaꞌita 16:17

Ma anelose hesebenina 'ina biyo 'i'eweya ta galewa ma bale'u gamwagamwanidiya 'isiweya, ma wagahata wasawasa Hada He'asisi 'alonega 'aigeda 'enana madouna 'ilatuma, 'igwaeya, “Cigumwala pwaiya.”

Heꞌitaꞌita 20:2

ta hebai bwehabwehalina 'i'abiyahiya, tauna mwata nugenugetana ma Tomuduleleina, beno Seitani, ta 'ipaiya ta 'ana siga bolime tausani sigumwala.