21 Mushiindi shimwi likumbi lyakalinga kubawobo kuswa macolesha kushikila amacuunsa, mpeeke bakalinga kulonga macuunsa paciindi ceenka ico likumbi ndyeenga lyaswaawo. Ono malumwi nabi mashiku na likumbi lyaswaawobo, abalo nkulonga.
Malumwi mwakalinga kubatanjilila alikumbi, mashiku mwakalinga kubamunikila munshila amulilo.
Sombi tamukwe kubafutatila muluyanga umo ceebo nkumbu shanu shilakankamika abuumbi. Likumbi talikwe kucileka kubatanjilila munshila yabo malumwi nabi mulilo mashiku kucileka kumunikila nshila njebeelete kutola.
Mushiindi shimwi, likumbi lyakalinga kwikalabo nshiku shiniini paTente. Sombi ciindi coonse bakalinga kwikala mumisumba nabi kulonga kweelana abwaamba Mwaami Lesa.
Shibe nshiku shobilo, mweenshi, mwaaka nabi kusotokaawo, kulilabo na likumbi kalicili paTente, tebakalinga kulonga. Sombi na lyaswaawo, abalo nkulonga.
