Shakubelenga 8:17 - Baibo Busansulushi Bwa Libuku Ili

¹⁷ Ndindakacaya baana basankwa bakwiiya boonse muIjipiti, ndakalibikila palubasu mwaana musankwa wakwiiya woonse wa mwine Isilaeli alimwi amwaana musankwa wakwiiya wa munyama.

Shakubelenga 8:17 交叉參考

Kulumbaisha 105:36

Mwaami Lesa wakacaya baana babo basankwa bakwiiya boonse. Ee, bakacaya baana basankwa bataanshi boonse mucishi cabo.

Kulumbaisha 135:8

Mwaami Lesa ngowakacaya baana bakwiiya ba kuIjipiti, ncakwiila baana bakwiiya boonse ba bantu aba banyama.

Kulumbaisha 78:51

Wakacaya baana bakwiiya boonse ba bene Ijipiti. Ee, wakacaya baana bakwiiya mumatente a bene Amu.

Kulonga 12:29

Ono pakati kamashiku, Mwaami Lesa wakacaya baana basankwa bakwiiya boonse mucishi ca Ijipiti, kutalikila kumwanaamwaami musankwa, wakalinga njempyani ya bwaami kushikila akumwanaakaili musankwa wakalinga muntolongo. Wakacaya abaana basankwa bakwiiya ba banyama boonse.

Kulonga 13:2

“Amubenge baana basankwa bakwiiya boonse kuli ndime, mukwiinga mwaana musankwa wakwiiya woonse mwine Isilaeli alimwi amwaana musankwa woonse wakwiiya wa shifubwa, boonse mbaangu.”

Kulonga 29:44

Ndaakusalasha Tente, cipaililo, Aloni alimwi abana bakwe basankwa ayi bakansebensele mulimo wa bupailishi.

Esekelo 20:12

Ndakabapa abushiku bwakookesha bwa Cibelu ayi bube keshibilo pakati kesu kwaamba ayi beshibe ayi nebo neMwaami Lesa ndime ndakabasalasha.

Bene Lefi 27:26

“Mwanaamunyama woonse wakwiiya ngwa Mwaami Lesa lyoonse, aboobo taaku weenga wamubenga ayi ngumulambu wakulyaaba. Nkokwaamba ayi moombe nabi mwanaambelele nsha Mwaami Lesa.

Shakubelenga 3:13

ceebo baana bakwiiya mbaangu. Ndindakacaya baana basankwa bakwiiya boonse muIjipiti, ndakalibikila palubasu mwaana musankwa wakwiiya woonse wa mwine Isilaeli, alimwi amwaana musankwa wakwiiya wa munyama. Boonse balyeelete kuba baangu, nebo ndime Mwaami Lesa.”

Shakubelenga 8:18

Ono bulya ntoolibikila palubasu bene Lefi mumusena wa baana basankwa bakwiiya boonse ba bene Isilaeli,

Luka 2:23

Ici cakacitika kweelana ambocilembetwe muMilawo ya Mwaami Lesa kwaamba ayi, “Woonse mwaana musankwa wakwiiya ulyeelete kupekwa kuMwaami Lesa.”

Joni 10:36

Ono cilaakweela kuli kuwooyo Ishi ngwaakasala akutuma mucishi ca panshi? Anu nceebonshi mutokwaamba ayi ndacobola Lesa mukwiinga ndaamba ayi, ‘Ndi Mwanaakwe Lesa?’

Joni 17:19

Ceebo ca mbabo ndalibenga kuli ndimwe kwaamba ayi abalo balibeenge calushinisho kuli ndime.

Bene Ebulu 10:29

Ino cilaakuba buyani kumuntu uyo unyansha Mwanaakwe Lesa. Uyo usuula bulowa bwakalengesha cipangano cakwe Lesa ico cakamusalasha kuswa kushibiibi akucobola Mushimu Usalashi utubonesha luse. Amuyeeye mbuli mbweshi ukeendeewo kubica mulandu ngweshi akapekwe muntu uyu!

Bene Ebulu 11:28

Ndushomo lwakalengesha ayi abambe bushiku bwa Pasika bwakwiibaluka kusotokela akwaambila bantu ayi basansaile bulowa pamilyango, kwaamba ayi munjelo uleta lufu atacayi baana bakwiiya ba bene Isilaeli.

Jemusi 1:18

Mukuyanda kwakwe mwiine wakatupa buumi kwiinda mumaswi a lushinisho, ayi pakati ka shilengwa shakwe shoonse tube anga nshisepo shitaanshi.