Shakubelenga 28:7 - Baibo Busansulushi Bwa Libuku Ili

⁷ Balyeelete kutila lita yomwi ya waini pacipaililo pantu pomwi amwanaambelele womwi awomwi ayi ncipo ca cakunwa.

Shakubelenga 28:7 交叉參考

Kulonga 29:42

Inshiku shoonse mulambu wakutenta uyu, nkokwaamba ayi bana ba mbelele ashipo shoonse isho, ulyeelete kubengwa kunembo lyangu pamulyango wa Tente ya Cipangano. Uko nkweshi nkanookumanina abantu bangu akunokwaamba awebo.

Bene Filipi 2:17

Nabi na bulowa bwangu butootilwa anga ncipo ca cakunwa pantu pomwi acipo ico lushomo lwanu ncelutoobenga kuli Lesa, ndasangalala akusekelela pantu pomwi amwebo noonse.

Jowelo 2:14

Ngani ushi, mpashi inga wamufwita nkumbu. Lyalo ulaakumupa coolwe mukumupa shishango shiinji. Mpeeke mulaakunootola shipo sha fulaulo asha cakunwa kuMwaami Lesa, Lesa wanu.

Jowelo 1:13

Amufwale masaka akutalika kulila, mwebo nobapailishi nomusebensela kushipaililo! Amuceshe kulila kamufwete masaka mwebo nomusebensela pameenso a Mwaami Lesa wangu ceebo shipo shafulaulo asha cakunwa teshi shinoobonekawo muŊanda yakwe.

Jowelo 1:9

Shipo sha fulaulo asha cakunwa teshi shinoobonekawo muŊanda yakwe Lesa. Bapailishi boonse batoolila ncakwiila batoolila boonse basebensela pameenso a Mwaami Lesa.

Isaya 57:6

Mulabwesa mabwe ateshimite kabotu kuswa mutulonga akwaalambila ayi mbalesa banu. Mulatila awaini apo ayi ncipo kuli mbabo akubaletela cipo ca shili anga ngamaila. Ono sa mutooyeeya ayi nebo ndikondetwe pashintu shoonse ishi?

Shakubelenga 28:31

Balyeelete kubenga shintu ishi pantu pomwi acipo ca cakunwa mukwiilika pamulambu wakutenta wa pabushiku abushiku alimwi acipo ca fulaulo. Shifubwa shoonse ishi tasheelete kuba akampenda kali koonse.

Shakubelenga 28:14

Balyeelete kupa shipo sha cakunwa pantu pomwi acifubwa comwi acomwi. Nkokwaamba ayi pamucende womwi awomwi malita a waini obilo, pambelele isankwa yomwi ayomwi lita yomwi amusa, apalo pamwanaambelele womwi awomwi nilita yomwi. Uyu ngumulasho pamulambu wakutenta wa pabushiku butaanshi bwa mweenshi mumwaaka woonse.

Shakubelenga 15:10

Ulyeelete kubikaawo amalita 2 a waini ayi ncipo ca cakunwa. Bweema bwa mulambu uyu bulansangalasha nebo neMwaami Lesa.

Shakubelenga 15:7

kwiilikaawo amalita 1.5 a waini ayi ncipo ca cakunwa. Anu bweema bwa milambu iyi bulansangalasha nebo neMwaami Lesa.

Shakubelenga 15:5

Ono pambelele yoonse ya mulambu wakutenta nabi mulambu umwibo, ulyeelete kubamba awaini uniini ayi ncipo ca cakunwa.

Bene Lefi 23:13

Mulaakupeta pantu pomwi amakilogilamu obilo a fulaulo usenkene amafuta a olifi ayi ncipo ca cakulya. Bweema bwa cipo ici bulasangalasha Mwaami Lesa. Mulaakubikaawo alita yomwi ya waini ayi ncipo ca cakunwa.

Kulonga 30:9

Pacipaililo ici, tamweelete kupetawo cipo ca tununkila kabotu tukashikwa, mulambu wakutenta uli woonse nabi cipo ca fulaulo. Kuteelesha kutila cipo ca cakunwa pali ncico.

Kulonga 29:40

Ono pakubenga mwanaambelele wakutaanguna, ukanootenta akilogilamu yomwi ya fulaulo wa witi upelekete, usenkene alita yomwi ya mafuta a olifi eene eene alimwi alita yomwi ya waini ayi ncipo ca cakunwa.

Shakubelenga 28:6

Uyu ngumulambu wakutenta weelete kubengwa bushiku abushiku uyo wakatalikila paKalundu ka Sinayi ayi ngumulambu wa cakulya. Bweema bwa mulambu uyu bulansangalasha nebo neMwaami Lesa.

Shakubelenga 28:8

Macolesha balyeelete kubenga mwanaambelele umwi ulya bweenka mbuli wamacuunsa pantu pomwi acipo ca cakulya alimwi aca cakunwa. Bweema bwa mulambu uyu bulansangalasha nebo neMwaami Lesa.

Bene Lefi 1:9

Muntu uyo ulyeelete kusansha shamukati shoonse alimwi amyeendo mumaanshi. Mpeeke mupailishi ulaakutenta mulambu woonse pacipaililo ayi ngumulambu wakutenta. Bweema bwa mulambu uyo bulansangalasha neMwaami Lesa.