Osiya 7:3 - Baibo Busansulushi Bwa Libuku Ili

³ Mwaami Lesa waamba ayi, “Bantu balabeca mwaami abwikaalo bwabo bubiibi, bacinenenene balabasangalasha kububeshi bwabo.

Osiya 7:3 交叉參考

1 Baami 22:13

Paciindi ceenka ico wacinenenene uyo wakalinga kuya mukwiita Mikaya wakamwaambila ayi, “Balaluki bamwi boonse balaluka kale shakuswitilila kwa mwaami, awebo waambe bweenka ubo.”

1 Baami 22:6

Mpeeke Aabu wakeeta balaluki bakalinga mpashi myaanda yone akubeepusha ayi, “Sa nje nkalwaane ndabala ya Lamoti nabi na sobwe?” Balaluki bakakumbula ayi, “Kamuya mukalwaane. Mwaami Lesa utoomucafwa kwaamba ayi mukome.”

Jelemiya 37:19

Ino bali kuli balaluki banu abo bakalinga kumulalukila ayi, ‘Mwaami wa bene Babiloni teshi akamulwaneewo nabi kulwana cishi cino?’

Jelemiya 5:31

Balaluki balalaluka shabubeshi. Bapailishi baleendelesha shintu kweelana ambobasuni beene. Abalo bantu bangu balikondetwe. Ono kumamanino mulaakucita buyani?”

Jelemiya 9:2

Nindakalinga kucite ŋanda yakoonaamo beshikweenda muluyanga, naakwiinga ndakashiya bantu bene misheesu. Naakwiinga ndabashiya ceebo boonse mbafuule alimwi ndikoto lya bantu batashomeki.

Osiya 10:13

Sombi mwebo mwakashanga bubi akutebula bubi. Mwakalya shisepo sha bubeshi bwanu. “Ono ceebo cakucinka manungo munkusu shanu alimwi amubashilumamba banu baanji,

Osiya 11:12

Mwaami Lesa waamba ayi, “Bene Isilaeli banshingulusha bubeshi, ee, banshingulusha kucenjeeka. Bene Juda abalo bacingashukilabo nebo neLesa Usalalite alimwi ushomeka.

Osiya 4:2

Mulibo kushingana, bubeshi alimwi abucayi, kwiipa alimwi abulale. Shibiibi shafula, kucayana kwaba ndolwiimbo.

Osiya 5:11

Bene Isilaeli batoolyatililwa, bashiya cishi ico cakalinga caabo kwakubula mwiipusho ceebo cakukakatila kucinka manungo mushibumbwabumbwa isho shitakoonshi kubacafwa.

Osiya 7:5

Bushiku bwakusekelela bwa mwaami, bantu abo bakalengesha mwaami abacinenenene bakwe kukolwa. Mpeeke mwaami wakalinjishabo mulikoto lya baabo bakalinga kumupingite.

Mika 6:16

Kulaakuba boobo mukwiinga mwakakonkela milawo ibiibi yakwe Omuli akukonkela micito yoonse ya muŋanda yakwe Aabu mwanaakwe. Ncakwiila mwakalinga kukonkela tushiyashiya twabo. Paceebo ceeco ndaakumulengesha ayi mukanyonyooke. Bantu boonse balaakumusebaanya ee, kuli koonse bantu balaakunoomushibuluka.”

Mika 7:3

Boonse mbantu bacibwene kucita bubi. Alakwe muleli ulisuni kupekwa shipo, shikoombolosha ulisuni makulo, alakwe shinkusu ulaambabo nshaasuni cakutasenga. Bantu abo boonse balacatana pantu pomwi mukupinga kucita bubi.

Bene Loma 1:32

Balishi mulawo wakwe Lesa wakwaamba ayi bantu bacita shintu sha mushobo uyu balyeelete kufwa. Nakubi boobo tabacitibo shintu ishi, sombi balalumbaisha abaabo bashicita.

1 Joni 4:5

Balaluki babeshi aba balisuni sha mucishi ca panshi alimwi anshebaamba nsha mucishi. Ono abalo basuni sha mucishi balabanyumfwila.