Obadiya 1:19 - Baibo Busansulushi Bwa Libuku Ili

¹⁹ “Bantu ba kumalenge a cishi ca Juda, balaakwikala mumalundu a Esau, alimwi abo baswa mutulundu tuniini, balaakubwesa cishi ca Filisiti. Balaakwikala mucishi ca Efuleemu aSamaliya, Benjameni ulaakubwesa cishi ca Gilyadi.

Obadiya 1:19 交叉參考

2 Baami 17:24

Mwaami wa bene Asilya wakabwesa bantu kuswa mundabala ya Babiloni, Kuta, Afa, Amati alimwi aya Sefafaimu akuya mukubabika mumandabala a mucishi ca Samaliya, kwaamba ayi baboolele pamusena wa bene Isilaeli. Lyalo bakabwesa mandabala ayo akwikalaamo.

1 Makani 5:26

Lyalo Lesa wa bene Isilaeli wakalengesha Pulu mwaami wa bene Asilya uyo wakalinga kwiitwa ayi Tigilati Pilesa, kulwana cishi cabo. Wakatola busha boonse bamumukowa wakwe Lubeni, Gadi alimwi amusa wa mukowa wakwe Manase. Wakabatola kuAla, Abo, Aala alimwi amuya Mulonga wa Gosani uko nkobabete asunu.

Esila 4:17

Lyalo alakwe mwaami wakakumbula munkalata ayi, “Kuli Leyumu mweendeleshi, Shimushayi mulembi, babyaanu boonse bekala muSamaliya alimwi abamwi boonse bashiite kwitala lya Mulonga wa Yufuletisi, ndamwaansha.

Esila 4:2

Bakaya mukubona Selubabelo abamanene ba shipani sha mikowa akwaamba ayi, “Atuyake pantu pomwi amwebo mukwiinga bweenka mbuli ndimwe, aswebo tulalambila Lesa weenka ngomulambila alimwi tulabenga milambu kuli nguwe kuswa kuciindi cakwe Esaadoni mwaami wa kuAsilya, uyo wakatuleta kokuno.”

Kulumbaisha 69:35

Lesa ulaakupulusha Siyoni, akuyakulula mandabala a muJuda. Cishi ico cilaakuba ca bantu bakwe ceebo mbweshi bakekaaleemo.

Jelemiya 32:44

Ndushinisho bantu balaakuula myuunda iyo amaali asilifa. Balaakulemba meenaabo pamakalata atondesha bwiine akubikawo kalamatila wakeshibilo pameenso a bakamboni. Ici cilaakucitika mucishi cakwe Benjameni, mumishi ishingulukite Jelusalemu, mumandabala a mucishi ca Juda, mumandabala ali kutulundu, mishi ili mutulundu tuniini aya muNegefu. Ndaakuboosha bantu aba mucishi cabo. Nebo neMwaami Lesa ndaamba.”

Jelemiya 49:1

Pabene Amoni Mwaami Lesa wakaamba ayi, “Ino bali kuli baana basankwa bene Isilaeli? Sa taaku nabi womwi weenga wafuna cishi cabo? Ceebonshi balambila Moleki ncebabwesela cishi ca Gadi? Ceebonshi bantu bakwe ncebekalila mumandabala a ncico?

Esekelo 25:16

Paceebo ceeco nebo neMwaami Lesa Shinkusu shoonse ndaamba ayi, ‘Ndaakutambika lyaansa lyangu pabene Filisiti akubanyonyoola. Kuswawaawo ndaakunyonyoola bene Keleti abaabo boonse beshi bakacaale kuloombe lwa lweenge.

Esekelo 36:28

Mulaakunookala mucishi ico ncendakapa bamashali banu bakulukulu. Mulaakuba bantu bangu, anebo ndaakuba Lesa wabo.

Amosi 1:13

Mwaami Lesa waamba ayi, “Bene Amoni bakalinga kubisha lyobilo lyobilo, aboobo ndushinisho ndaakubapa mulandu. Mukulwanina kukomenesha cishi cabo, bakalinga kupasula banakashi bakalinga kucite mafumo bene Gilyadi.

Amosi 1:8

Ndaakunyonyoola mwaami wa bene Ashidodi, ncakwiila uyo ulela mundabala ya Ashikeloni. Ndaakupa mulandu ndabala inene ya Ekiloni kushikila abene Filisiti bakamane kufwa. Nebo neMwaami Lesa Shinkusu shoonse ndaamba.”

Amosi 9:12

Munshila iyo bene Isilaeli balaakukoma baabo beshi bakacaaleewo pabene Edomu alimwi amishobo imwi yoonse yakalinga yangu. Nebo neMwaami Lesa ndaamba alimwi ici ndaakucicita cancinencine.”

Mika 7:14

NoBaami baLesa amube beembeshi ba bantu banu, bantu abo mbomwakasala. Nabi balekala beenka muluundu, kuli cishi ca bulongo bubotu cibashingulukite. Amubaleeke banoolya anga nimbelele mumafulo abotu akuBashani alimwi akuGilyadi bweenka mbobakalinga kulya kalekale.

Joshuwa 13:25

Cishi cabo cakalinga nguJasa, mandabala anene oonse a muGilyadi, musa wa cishi ca Amoni kuya mukushika kuAlowa pafwaafwi aLaba.

Joshuwa 13:31

Mucishi cabo mwakalinga amusa wa Gilyadi pantu pomwi aAshitaloti alimwi aEdileyi, ayo akalinga ngomandabala anene a mwaami Ogi wa kuBashani. Cishi coonse ici cakapekwa kumusa wa bamulunyungu lwakwe Makiya mwanaakwe Manase.

Joshuwa 15:21

Anu mandabala anene akalinga kumalenge lya Edomu kwiine ngobakapekwa nguKabisilu, Eda, Jaga,

Joshuwa 15:33

Ono mandabala anene akalinga kutulundu tuniininiini twakumbo nguEshitaoli, Sola, Ashina,