Naamu 3:10 - Baibo Busansulushi Bwa Libuku Ili

¹⁰ Nakubi boobo bantu ba njiyo bakacatwa busha. Bakateta babo bakoomwa kushikila bafwa moonse mupetukila mikwakwa ya mundabala inene. Cisolo cakoomwa kubaana bamaloba ba njiyo abalo bacinenenene bakaangwa muncetani.

Naamu 3:10 交叉參考

2 Baami 8:12

Asayelo wakeepusha ayi, “Ino nkambo mutoolilanshi?” Elisha wakakumbula ayi, “Mukwiinga ndishi shintu shiyoosha nsheshi ukacite kubene Isilaeli. Ulaakutenta misena yabo icite malinga, kucaya basankwa bacikula bwangu kumipeeni, kupwaya bana babo bakateta panshi akupasoola banakashi bacite mafumo.”

Jobo 6:27

Ncakwiila mwebo mulalyatilila bana banshiwa alimwi mwebo muloolisha babyaanu.

Kulumbaisha 137:8

Ondabala ya Babiloni webo ooelete kunyonyoolwa! Ulicite coolwe uyo ukubooshesha cishole ceebo ca sheesho shoonse nshewakacitila ndiswe.

Kulumbaisha 137:9

Ulicite coolwe uyo ubwesa bakateta bako, ncakwiila uyo ubabwesa akubapwayoola kumyaandami.

Kulumbaisha 149:8

Abaange bamaami babo ancetani. Abaange bamatanjilili babo munshimbi.

Isaya 13:16

Bana babo bakateta balaakusansoolwa mutupanshapansha beene kabeebela. Maandaabo alaakusaalwa abamakaabo balaakucatwa ayi bakumanaabo cakubakakatisha mumeenso abo.

Isaya 13:6

Amulile mibila ceebo bushiku bwa bukali bwa Mwaami Lesa buli pafwaafwi, bushiku ubo Mwaami Lesa Shinkusu shoonse mbweshi akalete kunyonyoolwa kuyoosha.

Isaya 19:4

Bene Ijipiti ndaakubaaba mumaansa a mwaami shilunkutwe, ncakwiila mwaami mukali ngweshi akabaleele. Nebo neMwaami Lesa, ee, neMwaami Lesa Shinkusu shoonse ndaamba.”

Isaya 20:4

mbweeke ubo mwaami wa bene Asilya ulaakutola busha bene Ijipiti abene Kushi kabali matakosha alimwi kabali myeendobo. Banike abamanene boonse balaakunooyabo amatako patuba mukulensha nsoni bene Ijipiti.

Malilo 2:19

Nyamuka ulile mashiku, ulile ciindi beshikulindilila mashiku ndibatalika kusebensa. Lilila Mwaami Lesa amoyo wako woonse. Ee, umulilile akumukombelela ayi bana bako abo batoowisooka kunsala kweela mikwakwa yoonse bapuluke.

Malilo 4:1

Ino golodi wabica buyani? Golodi wiine wiine wacileka buyani kubekabeka? Mabwe amakwebo a Ŋanda yakwe Lesa apalanganina mumikwakwa ya ndabala yoonse.

Esekelo 29:7

Ndibakashimpila kuli ndiwe, wakatyoka akubayasoola shifushi shabo akulengesha misana yabo kutunsuka.

Osiya 13:16

Cishi ca Samaliya cilyeelete kupekwa mulandu ceebo cakwaashukila ndime neLesa wabo. Bantu ba ncico balaakufwita munkondo. Bakateta balaakupwaikwa panshi banakashi beshi bakanoomitite balaakupasulwa mafumo.”

Jowelo 3:3

Bakalinga kuuma cisolo mukwaabana bantu bangu. Bakalinga kuulisha banike basankwa abalindu busha ayi balipile bafuule akuula waini.

Amosi 1:13

Mwaami Lesa waamba ayi, “Bene Amoni bakalinga kubisha lyobilo lyobilo, aboobo ndushinisho ndaakubapa mulandu. Mukulwanina kukomenesha cishi cabo, bakalinga kupasula banakashi bakalinga kucite mafumo bene Gilyadi.

Obadiya 1:11

Pabushiku ubo mwakeenkemanabo palubasu akuleka balwani babo kabababwesela bubile. Baswamashi abo ndyebakenjila muminjililo yabo akunokuuma cisolo ayi babaane Jelusalemu. Amwebo mwakeelanabo ambabo kubica.