Naamu 2:9 - Baibo Busansulushi Bwa Libuku Ili

⁹ Amusaale silifa! Amusaale golodi! Ncakwiila ndabala iyi iliswitebo buboni bwa makwebo alimwi tabumaani.

Naamu 2:9 交叉參考

2 Makani 36:10

Mpeeke kumatalikilo amwaaka umwi mwaami Nebukadinesa wakatola busha Jeoiyakini kuBabiloni. Wakabwesa ashintu shamakwebo kuswa muŊanda yakwe Lesa akushitola kuBabiloni ashalo. Nebukadinesa wakabwesa Sedekiya shimishaabo Jeoiyakini akumubika pabwaami bwa bene Juda abene Jelusalemu.

Isaya 33:1

Mapensho kuli ndiwe oshikunyonyoola, ee, webo nootana kunyonyoolwaawo. Mapensho kuli ndiwe oshikwaaba bantu ee, webo nootana kwaabwaawo. Waakucileka kunyonyoola, ulaakunyonyoolwa. Waakucileka kwaaba bantu, ulaakwaabwa.

Isaya 33:4

Shintu shisaalwa sha bamumishobo shilabwesekwa cakumaninina anga ncisoshi ceenda mumuunda. Ncakwiila balwani babo boolukila shintu isho anga ncisoshi.

Jelemiya 25:34

Amulile mibila akulila buumpute, mwebo nobeembeshi. Amwaalabangane mulusuko, mwebo nobamatanjilili ba litanga ceebo ciindi canu cakucaikwa cashikila. Mulaakuwa akupwayoolwa anga ninongo ibotu.

Jelemiya 46:5

“Ino ndabonanshi? Baloonda, batooboolela muunshi. Bashilumamba babo bakomwa. Bacica cakufwambaana kutacebuka amwisule. Shiyoosha shili kumbasu shoonse. Nebo neMwaami Lesa ndaamba.

Jelemiya 51:56

Shikunyonyoola ulaakulwana Babiloni. Bashilumamba bene Babiloni balaakucatwa amata abo alaakutyoloolwa. Ceebo nebo neMwaami Lesa ndi Lesa uboosha cishole. Ncakwiila ndaakuboosha cishole kweelana ambobakacita.

Esekelo 26:12

Balaakusaala bubile bwako akutola makwebo ako. Balaakupwaya lubumbu lwako, kuwisha maanda ako abotu akusowa mabwe, mapulanga alusuko lwa shakuyakisha shimwi mulweenge.

Danyelo 11:8

Ulaakubwesa shikoshanyo sha balesa babo ashintu sha golodi asilifa shakabengwa kubalesa abo akushitola kucishi ca Ijipiti. Paakwiinda myaaka iinji ya luumuno,

Naamu 3:17

Bacinenenene banu bali anga cisoshi, ico ciba mulilinga na kuli mpewo. Sombi lisuba na lyaswa, shilooluka alimwi taaku ushiba nkoshaya.

Ciyubululo 18:12

Taaku eshi akoole golodi yabo, silifa, mabwe amakwebo, bulungu, shisani shiteshimite, nsalu shifubelafubela, shisani shimwi shipusenepusene, shintu shakubesa shipusenepusene, shintu shipangwa kumeeca a nsofu, kushisamu shamakwebo, kumukuba, kunshimbi alimwi akumabwe akuyakisha.

Ciyubululo 18:16

akwaamba ayi, “Mapensho, mapensho kundabala inene iyi! Wakalinga kufwala shakufwala shiteshimite, shifubelafubela ashisalalabo pyu. Ncakwiila wakalinga kulibotesha agolodi, mabwe amakwebo alimwi abulungu!