Matalikilo 7:11 - Baibo Busansulushi Bwa Libuku Ili

¹¹ Nowa ndyaakaba amyaaka ili 600, pabushiku bwa likumi anshiiku shosanwe ashobilo, mumweenshi wabili, toonse tuntupu twa mashiba anene ali panshi lya nshi twakacaluka. Ashalo shilyango sha miyoba shakacaluka kwiculu.

Matalikilo 7:11 交叉參考

Matalikilo 8:2

Tuntupu twa maanshi apanshi ashilyaango sha miyoba mwiculu shakacalwa. Mfuula yakacileka,

Malaki 3:10

Amulete myeelo ikwene ya shalikumi muŊanda yangu kwaamba ayi mube shakulya. Amunjeleshe, mubone na inga nshimucalwiti mbwelyo sha kwiculu akumupuumwita shoolwe shiinji cakwaamba ayi mukabule apakushibika.

Jelemiya 51:16

Na waluluma, maanshi a mwiculu alayooma. Ulalengesha makumbi kunyamuka kuswa mweela cishi ca panshi. Lyalo ulalengesha kubeka mumfula akuleta muuwo kuswa mumisena yakwe yakusungilamo shintu.

Jelemiya 5:22

“Sa nebo tamweelete kunoonda? Ceebonshi tamututumi pameenso angu? Nebo ndakabika museese ayi ngomanyinsa a lweenge. Ngamanyinsa a lyoonse alyoonse ayo lweenge ndwatakoonshi kwiindilila. Maaba inga anyamuka, sombi inga taasubukiiwo. Nabi awoote cili buyani, inga taakoonshi kwiindilila.

2 Baami 7:19

Shikucafwa mwaami ndyaakanyumfwa boobo wakaamba ayi, “Ico tacikoonshi kucitika nabi Mwaami Lesa mwiine watuma witi abale paciindi ciniinibo!” Lyalo Elisha wakamukumbula ayi, “Ulaakucibona kacicitika, nakubi boobo webo teshi ukalyeeko.”

Esekelo 26:19

“Nebo neMwaami Lesa Shinkusu shoonse ndaamba ayi, ‘Ndaakukulengesha kuba matongo mulya mutekaliiwo muntu nabi womwi bushiku ndyeshi nkakufwekeleshe amaanshi a mulweenge lunene.

Kulumbaisha 33:7

Maanshi a mulweenge wakaabunjika anga ngalya ali munongo. Mwaami Lesa mwiine ngowakaashinkila kuba mumisena njaabeteemo.

2 Baami 7:2

Mpomunyaawo shikucafwa mwaami wakaambila Elisha ayi, “Ico tacikoonshi kucitika nabi Mwaami Lesa mwiine watuma witi abale paciindi ciniinibo!” Elisha wakamukumbula ayi, “Ulaakucibona kacicitika, nakubi boobo webo teshi ukalyeeko.”

Matalikilo 1:7

Aboobo Lesa wakalenga musena ufongomene uyo akupansaanya maanshi ayo apanshi lya nguwo alimwi aayo ali peculu lya nguwo. Mpeeke kwakaba bweenka ubo.

Mateyo 24:38

Ceebo munshiku shakwe Nowa, muyoba kootana kwisa, bantu bakalinga kulya, kunwa akweebana, kushikila bushiku Nowa ndyaakenjila mubwaato.

Isaya 24:19

Cishi ca panshi casekemuka alimwi capasooka akutenkaanishikwa.

Kulumbaisha 74:15

Ndimwe mwakacalula tuntupu atulonga, ndimwe mwakayumya milonga inene ikunka.

Matalikilo 6:17

Ndaakuleta muyoba pacishi ca panshi kwaamba ayi ukanyonyoole shintu shoonse shuumi. Shintu shoonse shiyoya sha pacishi ca panshi shilaakufwa.

Jobo 28:4

Balakaba mikoti kulaale akwikalila bantu, ee, kumusena uko bantu nkobateendi. Balasebensa beenkabo mumikoti ilaamfu kabaleleela kuntambo.

1 Bene Tesalonika 5:3

Bantu baakutalika kwaamba ayi, “Shintu shoonse shaba kabotu, taaku acakulisukama,” mapensho alensha boowa ndyeshi akabashikile! Alaakwisa cakuteengashila bweenka mbuli mwanakashi mbwaanyumfwa kucisa na mumala mwabuka, ncakwiila taaku eshi akacice.

2 Pita 3:6

Alimwi kwiinda mumaanshi ngomunya, bantu ba mucishi ca panshi cikulukulu bakanyonyoolwa.

Matalikilo 7:6

Nowa wakalinga kucite myaaka ili 600 muyoba uyo ndiwakashika.

Jobo 12:15

Na wakasha mfula kuloka, ncakwiila kulababo cilanga. Na weesuminisha kuloka, ndushinisho cishi coonse cilaba mubulobe.

Jobo 38:16

“Sa wakayako kale kutuntupu twa mulweenge? Sa wakeendawo kale panshi peene palweenge?

Tushimpi 3:20

Kwiinda mulushibo lwakwe wakapansaanya maanshi alaamfu akulengesha makumbi kulosha mfula.

Isaya 24:18

Uyo woonse weshi akeeleshe kucica shiyoosha, ulaakuwita mucilindi. Uyo weshi akeeleshe kuloboka kuswa mucilindi, ulaakucatwa mukoose. Kulaakuloka mfula inene abuumbi kuswa kwiculu alimwi lwiimbi lwa cishi ca panshi lulaakutenkaana.

Matalikilo 8:14

Bushiku bwa makumi obilo ashosanwe alimwi ashobilo bwa mweenshi wabili, inshi yakamaninina kuyuma.

Jobo 38:37

Ngani musongo weenga wakonsha kubelenga makumbi? Ngani weenga wasendeka nongo sha kwiculu ayi shipoomone mfula