Matalikilo 4:10 - Baibo Busansulushi Bwa Libuku Ili

¹⁰ Mpeeke Mwaami Lesa wakamwaambila ayi, “Ino wacitilanshi cintu ciyoosha mbuli ceeci? Nyumfwa! Bulowa bwa mukwanu butoolila kuli ndime kuswa mubulongo ayi mbooshe cishole.

Matalikilo 4:10 交叉參考

Matalikilo 18:20

Lyalo Mwaami Lesa wakaambila Abulaamu ayi, “Kuli milandu iyoosha pali Sodoma aGomola, alimwi kubisha kwabo nkunene abuumbi.

Matalikilo 3:13

Mwaami Lesa wakeepusha mwanakashi ayi, “Ino wacitilanshi bobulya?” Alakwe wakakumbula ayi, “Ninsoka yambeca, lyalo ndalya.”

Matalikilo 9:5

Na muntu watila bulowa bwa mubye, ulaakupekwa mulandu. Ndaakupa mulandu akucaya munyama uli woonse ucaya muntu.

2 Baami 9:26

‘Ndakabona Naboti mbwaakacaikwa abana bakwe ciilo. Ndamushomesha ayi ndaakukupa mulandu muno mweenka mumuunda.’ Ono tola mubili wakwe Jolamu akuusowa mumuunda wakwe Naboti kwaamba ayi kushomesha kwa Mwaami Lesa kucitike cancinencine.”

2 Makani 28:9

Mulaluki umwi wa Mwaami Lesa wiitwa ayi Odedi uyo wakalinga kwikala mundabala ya Samaliya wakakumana abashilumamba bene Isilaeli abo bakalinga kuboolela abaabo mbobakacata busha kuswa kuJuda ndibakalinga pafwaafwi akwinjila mundabala ya Samaliya. Mpomunyaawo wakabaambila ayi, “Mwaami Lesa, Lesa wa bamashali banu bakulukulu wakakalala pabene Juda akulengesha ayi mwebo mubakome. Sombi wabona mbuli mbomwabacaya calunkutwe pakubalwana.

Jobo 16:18

“Ono ocishi ca panshi utashisi shibiibi nshendacitilwa. Akwalo kulila kwangu kwakoombolosha kululeme kakuyabo kunembo.

Jobo 24:12

Mumandabala anene mulanyumfwika kutongela kwa bantu batooyanda kufwa, akulila lucafwo kwa baabo bacisikwa, sombi Lesa taakumbuliiwo kusenga kwabo, sobwe.

Kulumbaisha 50:21

Ishi shintu ndalinga kunoomweebelabo kamushicita. Mwebo mwalinga kuyeeya ayi ndi anga ndimwe. Ono sunu ntoomukalalila akutula mulandu wanu patuba kunembo lyanu.

Kulumbaisha 72:14

Ulabapulusha kuswa kubantu babalyatilila akubaabo bakali. Ncakwiila buumi bwabo mbwa makwebo abuumbi kuli nguwe.

Kulumbaisha 9:12

Mukwiinga Lesa ulabona bapenga, Taasuuli kulila kwa bali mumapensho, alimwi ulapa mulandu abo bababishisha.

Kulumbaisha 9:13

NoBaami baLesa, amunyumfwile nkumbu. Amubone mbondapenga kubaabo bampatite. Amumfuune ayi mulyaango wa lufu utancalukili,

Kulonga 3:7

Lyalo Mwaami Lesa wakaamba ayi, “Ncakwiila ndaboona mbuli bantu bangu mbobatoopenshekwa mucishi ca Ijipiti. Ndanyuumfwa kulila kwabo ceebo ca beshikubasebensesha. Kupenshekwa kwabo koonse ndikubwene.

Isaya 5:7

Isilaeli ngomuunda wa minyansa wa Mwaami Lesa Shinkusu shoonse. Ncakwiila bene Juda njeminyansa njaakashanga. Wakalinga kulangila ayi batoocita shiluleme, sombi ncaakabonabo mbucayi. Wakalinga kulangila koombolosha cakutanyengelela, sombi cakapola kumatwi akwe nkulila kwa baabo bakalinga kulyatililwa.

Shakubelenga 35:33

Mutabishi cishi ncemushiiteemo ceebo kucaya muntu kulabisha cishi. Cishi tacikoonshi kusalashikwa kweelana amulawo, sombibo na mucayi uyo alakwe wacaikwa.

Milimo ya Batumwi 5:3

Sombi Pita wakamwiipusha ayi, “Webo Ananiyasi, nceebonshi wasuminisha Satana ayi enjile mumoyo wako kwaamba ayi ubece Mushimu Usalashi, pakucaasha maali amwi ngowakoolisha buboni bwako?

Milimo ya Batumwi 5:9

Mpomunyaawo Pita wakamwaambila ayi, “Nceebonshi mwakapangana ayi mweeleshe Mushimu wa Mwaami? Bona, basankwa balinga mukufukila beebayo balibo pamulyango, ono awebo batookutola.”

Dutolonomi 21:1

“Ono na kwacanika muntu ufwite muluundu, mucishi ico Mwaami Lesa, Lesa wanu ncaatoomupa, sombi tamwishi wakamucaya,

Bene Ebulu 11:4

Kwiinda mulushomo, Abelo wakapa mulambu weelete kuli Lesa kwiinda wakwe Kaini. Ceebo ca lushomo, Lesa wakabanda Abelo ayi uliluleme mukwiinga Lesa mwiine wakakondwa pamulambu wakwe. Lushomo ndomunya ulu ndolulengesha ayi Abelo anoocaamba kuli ndiswe, nakubi kwaamba ayi ulifwite.

Bene Ebulu 12:24

Mwebo mwesa kuli Jesu, uyo wakalengesha ayi cipangano cipya cibeeko alimwi abulowa bwakwe ubo bushomesha shibotu kwiinda bwakwe Abelo.

Jemusi 5:4

Abo batebula mumyuunda yanu tamukwe kubafoleshawo kale. Ono amunyumfwe mbobatootongooka! Kulilishaanya kwa bantu abo, Mwaami Lesa Shinkusu shoonse wakunyumfwa.

Joshuwa 7:19

Ono Joshuwa wakaambila Akani ayi, “Omwanaangu, amba calushinisho pameenso a Mwaami Lesa, Lesa wa bene Isilaeli, ulyaambilile omwiine ico ncewacita. Utacishisi kuli ndime.”

1 Samwelo 13:11

Sombi Samwelo wakaamba ayi, “Ino nciinshi ncewacita?” Saulo wakakumbula ayi, “Bantu bakalinga batalika kunshiya, alimwi tamukwe kushika paciindi ncemwakaamba ayi inga mwesa. Kuteshibo boobo bweenka, bene Filisiti abalo babungana kale kuMikimashi.