3 uyo wakabona kwaamba ayi Mwaami Lesa wakalinga anguwe alimwi wakamulengesha ayi abe ashoolwe mushintu shoonse nshaakalinga kucita.
Lesa wakalinga amwaana uyo mukukula kwakwe. Mwaana uyo wakakulila muluyanga lwa Palani akuba shikufwima ucibwene.
Paciindi ico Abimeleki wakaya aFiko, munene wa bashilumamba bakwe, akulwiita Abulaamu ayi, “Lesa uli amwebo mushintu shoonse nshemucita.
Ono amushomeshe cakulumbila kuli Lesa kwaamba ayi teshi mukacenjeekeewo ndime, bana bangu, nabi bamulunyungu lwangu. Ndashomeka kuli ndimwe, amwebo amushomeshe ayi munanooshomeka kuli ndime alimwi akucishi cino umo momutekwikala.”
Mashiku ayo Mwaami wakaboneka kuli nguwe akwaamba ayi, “Ndime Lesa wakwe iso Abulaamu. Utaloondi, ndi awebo. Ndaakukupa coolwe abamulunyungu lwako ceebo ca kulasha nkondakalasha musebenshi wangu Abulaamu.”
Bakakumbula ayi, “Ono tweshiiba ayi Mwaami Lesa uli awebo. Aboobo twayeeya ayi pakati kesu awebo pabe cipangano cakulumbila. Tulisuni kwaamba ayi ushomeshe
Labani wakaamba ayi, “Aŋambe bobulya, kwiinda mukusonda, caboneka patuba kwaamba ayi Mwaami Lesa wampa coolwe ceebo ca ndimwe.
Isho shiniini nshemwakalinga kucite kataanshi shafula abuumbi, alimwi Mwaami Lesa wamupa coolwe kuli koonse nkondakalinga kubete ceebo ca ndime. Ono bulya ndyeelete mbone shaangu anebo.”
Mwaami Lesa wakalinga aJosefu alimwi wakamulengesha kuswitilila. Wakalinga kwikala muŋanda ya mwaami wakwe mwine Ijipiti,
Sombi Mwaami Lesa wakalinga aJosefu alimwi wakamupa coolwe, cakwaamba ayi shintolongo wakakondwa buumi bwakwe.
Ncakwiila shintolongo uyo taakalinga kubikaako amaano kushintu isho shakalinga kweendeleshekwa aJosefu mukwiinga Lesa wakalingaakwe. Ncakwiila wakalinga kumulengesha ayi abe ashoolwe mushintu shoonse nshaakalinga kucita.
Paceebo ceeco Mwaami Lesa wakalingaakwe alimwi wakalinga kuswitilila mushintu shoonse nshaakalinga kucita. Mpeeke wakabukila mwaami wa bene Asilya akukaka kumusebensela.
Na ukakonkele milasho amilawo yoonse iyo Mwaami Lesa njaakapa bene Isilaeli kwiinda muli Mose, ulaakuswitilila. Ulyeelete kuyuma akulishoma. Utakaloondi nabi kutyongola.
Kalekale Fineyasi mwanaakwe Eliyasa ngowakalinga mutanjilili wa beshikulindilila minjililo alimwi Mwaami Lesa wakalinga anguwe.
Mpeeke Solomoni mwanaakwe Defedi wakayumya bwaami bwakwe ceebo Mwaami Lesa, Lesa wakwe wakalingaakwe alimwi wakamusumpula abuumbi.
Muciindi coonse ca buumi bwakwe Sekaliya uyo wakalinga kumwiishako makani akwe Lesa, wakalinga kusebensela Mwaami Lesa cakushomeka. Aboobo Lesa wakamulengesha kuswitilila.
Mpomunyaawo ndakabakumbula ayi, “Lesa wa kwiculu ulaakutulengesha kuswitilila. Swebo sobasebenshi bakwe tutootalika kuyakulula alimwi, sombi mwebo tamucitewo nkusu pacipansha ca ndabala ya Jelusalemu nabi comwi alimwi taaku cintu nabi comwi nceenga mwaamba ayi ncanu.”
Lakwe uli anga ncisamu cishangitwe kufwaafwi akalonga ka maanshi, ico cicata shisepo paciindi ceelete, alimwi cicite matewu atayumi. Mushintu shoonse nshaacita, lakwe ulaswitilila.
Mwaami Lesa waamba ayi, “Munshiku isho baswamashi bali likumi balaakwisa kumuJuda womwi, kumucata kumupeto wa mungaanjo wakwe akwaamba ayi, ‘Katiya soonse mukwiinga twanyumfwa ayi Lesa uli awebo.’ ”
Mbweeke ubo amwebo amuboneshe mumuni wanu kubantu, kwaamba ayi babone milimo yanu ibotu, akupa bulemu kuli Ishiwanu wa kwiculu.
PaSondo lyoonse, womwi awomwi pakati kanu ulyeelete kupatula maali a lucafwo ulo kumaali akwe amwi oonse kweelana ambwaacana, kwaamba ayi ndaakwisa kutakabi kusowa ciindi mukubunganya shipo.
“Amwiibaluke Mwaami Lesa mbwaamupa coolwe mushintu shoonse nshemwakacita. Wakamulama ndimwakalinga kwiingooka muluyanga ulu lutabwenekete ankolweela. Wakalingaanu myaaka yoonse makumi one alimwi shoonse shakalinga kuyandika, mwakabaasho.
Kutalubaako ayi ndakulwiita ayi ulyeelete kuyuma akulishoma. Utakaloondi nabi kutyongola, ceebo nebo neMwaami Lesa, Lesa wako ndanooli awebo kuli koonse nkweshi ukaye.”
Ono bona, kubantu abo ba mulikoto lyakwe Satana, balibanda ayi mbaJuda, sombi kabateshi mbabo, ndaakulengesha ayi bakese mukufukama muliimfwa lyako. Lyalo balaakwishiba ayi ndikusuni.
Ono shintu shoonse nshaakalinga kucita, shakalinga kumweendela kabotu mukwiinga Mwaami Lesa wakalinga anguwe.
Ono Saulo ndyaakabona ayi Mwaami Lesa ncakwiila uli aDefedi, alimwi ayi Mikali mwanaakwe ulimusuni abuumbi,
Samwelo wakakula mumaansa akwe Mwaami Lesa uyo wakalengesha ayi coonse cakaamba Samwelo cicitike cancinencine.
