8 Bushiku bweenka ubo, macolesha, bakanyumfwa Mwaami Lesa kaaendeenda mumuunda, mpeeke bakamuyuba pakati ka shisamu.
Mwaami Lesa ndyaakamanisha kwaamba aAbulaamu wakaya, alakwe Abulaamu wakaboolela kumishaabo.
Alakwe wakakumbula ayi, “Ndamunyumfwa kamweendeenda mumuunda. Ono ndaloonda akuyuba ceebo ndimatakosha.”
Ulayeeya ayi makumbi ashiya mbi alamushinkilisha kwaamba ayi ataboni. Ee, kumushinkilisha kubona ndyaaya ceenda peculu lya makumbi ayo.’
“Bantu bamwi balashisa shibiibi shabo, sombi nebo nshikwe kushisawo shibiibi shangu, sobwe.
Lyalo Mwaami Lesa wakakumbula Jobo mucipuupu cinene ayi,
Meenso a Mwaami Lesa alabona poonse poonse, ee, alabona boonsebo bacita shibiibi abacita shibotu.
Sa kuli muntu weenga wayuba cakwaamba ayi nebo ndabula kumubona? Sa tamwishi kwaamba ayi nebo ndibo poonse poonse, kwiculu amucishi ca panshi. Nebo neMwaami Lesa ndaamba.
Misena yakulambililaako ya patulundu ya kuAfeni, ilaakunyonyoolwa ceebo cakulengesha bene Isilaeli kubisha. Myuumfwa ashisonsoonya shilaakumena akufwekelesha shipaililo sha njiyo. Bantu balaakutalika kwaambila tulundu tunene ayi, “Amutuwiite,” alimwi atulundu tuniini ayi, “Amutufwekelele.”
Anu ndaakunooli amwebo akuba Lesa wanu, amwebo mulaakuba bantu bangu.
Sombi Jona wakanyamuka ayi alobokele kuTashishi kuswa pameenso a Mwaami Lesa. Lyalo wakakunkuluka kuya kuJopa, uko nkwaakacana bwaato bunene bwakalinga kuya nkuko. Aboobo wakalipila akutanta kuya kuTashishi pantu pomwi abeshikweensha bwaato ubo, kwaamba ayi aswe pameenso a Mwaami Lesa.
Nshebacita shilatondesha kwaamba ayi shaamba Milawo shililembetwe mumyoyo yabo. Shintu nshebayeeya mumyoyo yabo shilatondesha ayi nshancinencine ceebo cimwi ciindi shilabalwiita ayi babisha nabi bacita kabotu.
Misumba iyo ilyeelete kunoosalalite ceebo Mwaami Lesa, Lesa wanu uli amwebo pamusena apo mukumulama akulengesha ayi mukome balwani banu. Kuteelesha kucita cintu nabi comwi citaluleme ico ceenga calengesha ayi Mwaami Lesa, Lesa wanu amufutatile.
Sa kuliiwo bantu bakanyumfwa Lesa kaamba kuswa mumulilo bakacaala kabali boomi mbuli ndimwe?
Ono tufwitenshi? Mulilo ulya utootunyonyoola. Na Mwaami Lesa, Lesa wesu aambe aswebo alimwi, tutoofwa.
Taaku cintu nabi comwi cishisitwe pameenso akwe Lesa, sombi shoonse shilengwa ulashibona bweenka mbuli mboshibete alimwi nkuli nguwe nkotweelete kusansulwita shoonse nshetwakacita.
Mpomunyaawo bamaami ba mucishi ca panshi, beendeleshi, bamatanjilili ba bashilumamba, babile, beshinkusu alimwi abantu bamwi boonse, basha abaangulukite, bakayuba mushimfwengo sha panshi alimwi amumyaandami ya mutulundu.
