Matalikilo 22:2 - Baibo Busansulushi Bwa Libuku Ili

² Lesa wakaamba ayi, “Bwesa mwanaako musankwa, mwaana eenkabo ngoocite, uyo ngoosuni abuumbi, uye kucishi ca Moliya. Uko ntookutondesha kalundu mpweshi umubengele ayi ngumulambu kuli ndime.”

Matalikilo 22:2 交叉參考

Joni 3:16

Lesa wakasunisha bantu boonse ba mucishi ca panshi abuumbi. Aboobo wakatuma Mwanaakwe wakashalwabo eenka kwaamba ayi uyo woonse umushoma ataloobi, sombi abe abuumi butamaani.

Bene Loma 8:32

Lesa wakabenga Mwanaakwe mwiine ceebo ca ndiswe soonse. Ono na taakwe kukasha Mwanaakwe kupenshekwa, inga waalilwa buyani kutupa shintu shimwi shoonse?

Bene Ebulu 11:17

Ndushomo lwakalengesha ayi Abulaamu ndyaakasunkwa aLesa ayande kupa Isaki mwanaakwe mbuli mulambu kuli Lesa. Nakubi kwaamba ayi Abulaamu ngowakashomeshekwa, wakalinga kulibambite kubenga mwanaakwe musankwa eenkabo ayi abe mulambu.

Matalikilo 22:16

“Mwaami Lesa waamba ayi, ‘Ndashomesha akulumbila ayi paliina lyangu ndaakukupa shoolwe shiinji abuumbi mukwiinga wacita ceeci alimwi kumamatisha mwaana eenkabo kwaamba ayi utamubengi kuli ndime.

Matalikilo 17:19

Sombi Lesa wakaamba ayi, “Sobwe taakoonshi. Saala mukaako ulaakukushalila mwaana musankwa alimwi ulaakumutumba ayi Isaki. Ndaakulama cipangano cangu anguwe pantu pomwi abamulunyungu lwakwe lyoonse alyoonse. Cipangano ici ncamuyayaya.

2 Baami 3:27

Lyalo wakabwesa mwanaakwe musankwa wakwiiya uyo wakalinga kuyeeyelwa ayi inga wapyana bwaami bwakwe. Wakamutola akuya mukumubenga palubumbu lwa ndabala ayi ngumulambu kuli lesa wa bene Moabu. Bene Isilaeli bakaloonda abuumbi akuswaako kundabala baya kumishaabo.

Matalikilo 22:12

Munjelo wakaamba ayi, “Utaciisi nabi kucita cili coonse kumwanike uyo. Ono ndeshiiba kwaamba ayi ulalemeka akunyumfwila Lesa ceebo tookwe kumamatisha mwanaako eenkabo kwaamba ayi utamubengi kuli nguwe.”

2 Makani 3:1

Lyalo Solomoni wakatalika kuyaka Ŋanda ya Mwaami Lesa muJelusalemu paKalundu ka Moliya kumusena uko Mwaami Lesa nkwaakabonekela Defedi baishi. Pakalinga palubansa lwakulupwitaawo lwakwe Alauna mwine Jebusi musena uyo Defedi ngwaakasala.

Boomboloshi 11:39

Myeenshi yobilo iyo ndiyakeenda, wakesa kuli baishi. Lyalo baishi bakacita kweelana ambobakashomesha cakulumbila kuMwaami Lesa. Aboobo wakafwa kaalibo mooye utana kukumanaawo amusankwa. Apa mpopakaswa cilabo ca bene Isilaeli

Boomboloshi 11:31

woonse uyo weshi akataangune kuswa muŋanda yangu akuncinsha kunshila ndaakuswa kunkondo, ndaakumubenga ayi ngumulambu wakutenta kuli ndimwe.”

Matalikilo 21:12

Sombi Lesa wakaambila Abulaamu ayi, “Utalisukami pamwaana uyu amusha wako Aga. Cita coonse nceshi akwaambile Saala mukwiinga nkwiinda muli Isaki mweshi nkakupete bamulunyungu lwako abo mbondakakulasha.

Bene Loma 5:8

Sombi Lesa wakatutondesha kwaamba ayi ulitusuni abuumbi ceebo Jesu Klistu wakatufwita katucili bamucita shibi.

Mika 6:7

Sa Mwaami Lesa inga wakondwa na ndamuletela cuulu ca mbelele shisankwa? Sa inga wakondwa na ndamuletela milonga iteeli ya mafuta a olifi? Sa mbenge mwanaangu musankwa wakwiiya ayi ndekelelwe shibiibi shangu? Ee, kubenga mwaana wakulishalila ceebo ca milandu yangu?

Matalikilo 8:20

Nowa wakayakila Mwaami Lesa cipaililo. Mpeeke pabanyama abayuni basalalite kweelana aMilawo, wakabwesa womwi womwi akubatenta pacipaililo bakabumbulu ayi ngumulambu kuli Lesa.

Matalikilo 22:3

Macuunsacuunsa bushiku bwakaboolaawo wakatimbula nkuni shakutentesha mulambu, watantika pambongolo yakwe akunyamuna Isaki pantu pomwi abasebenshi bobilo. Bakanyamuka akuya kumusena Lesa ngwaakamulwiita.

Matalikilo 22:9

Ndibakashika apo Lesa mpaakamulwiita, Abulaamu wakayaka cipaililo akubambaawo nkuni. Wakaanga mwanaakwe akumubika pacipaililo, peculu lya nkuni.

Matalikilo 21:3

Abulaamu wakamutumba ayi Isaki.