24 Aboobo ndalyaamboosha ayi, “Mwaami Lesa mbobuboni bwangu. Paceebo ceeco ndaakunoolangila kuli nguwe.”
Mubili abuumi bwangu shilaakumana. Sombi Lesa nshenkusu shangu, ngoompa shiyandika shoonse mubuumi bwangu.
NoBaami baLesa ndimwe mwakampa cipansha cangu ca cishi, ncakwiila ndimwe mwakampa ankomeshi ya shoolwe shangu shoonse. Nshiku shangu shitoosa shili mumaansaanu.
Nakubi boobo ndeebaluka cintu comwi alimwi cintu ico cilankalika moyo.
NoBaami baLesa, ndamulilila ayi muncaafwe. Ndaamba ayi, “Ndimwe ciyubilo cangu, ndimwe buboni bwangu boonse mubuumi bwangu buno.”
Sombi meenso a Mwaami Lesa ali pabaabo bamulemeka, abo bacinkite manungo mulusuno lwakwe lutamaani.
Lesa wa bamulunyungu lwakwe Jakobo taaeleneewo ambabo ceebo lakwe ngowakalenga shintu shoonse. Wakasala bene Isilaeli ayi babe bantu bakwe. Mwaami Lesa Shinkusu shoonse ndyeliina lyakwe.
Amuume myoyo palibwe akubula boowa, noonse nomulangila lucafwo kuswa kuli Lesa.
Kwiinda muli nguwe mulashoma muli Lesa uyo wakamubusha kuswa kubafu akumupa bulemu buunji. Aboobo lushomo lwanu akulangila kwanu kube muli Lesa.
Alakwe Isaya mulaluki mukulukulu wakaamba ayi, “Umwi wa mulunyungu lwakwe Jese ulaakwisa. Lesa ulaakumubusha kwaamba ayi eendeleshe baswamashi bakunsengwe alimwi ulaakulengesha ayi banoolangila nguwe.”
Nobene Isilaeli amucinke manungo muMwaami Lesa, ceebo lusuno lwakwe talumaani. Ndushinisho lakwe ngoolibambite kutupulusha lyoonse.
NoBaami baLesa Beshinkusu shoonse, balicite coolwe abo bacinkite manungo muli ndimwe.
Mwebo nobantu amucinke manungo muli nguwe ciindi coonse, Amumulwiite mapensho anu oonse, ceebo Lesa eenka nceciyubilo cesu.
Ono nebo ceebonshi ntokuungumana bobulya? Ceebonshi ndapenga bobulya amoyo? Nebo aanangilebo muli Lesa. Ndaakumulumbaisha alimwi, ee, kulumbaisha Lesa wangu uyo umpulusha.
Nabi ayi Lesa utooncaya, ndanoocinkite manungo muli nguwe. Sombi ndaakutondesha pameenso akwe ayi nshicite mulandu mucikani cangu ici.
Bantu aba bakalinga kucinkite manungo muli Lesa, aboobo bakapaila kuli nguwe ayi abacaafwe. Lesa wakabacafwa akubalengesha kukoma bene Agi abaabo mbobakalinga kucafwanaabo.
Defedi wakapenshekwa abuumbi mumoyo mukwiinga bashilumamba bakwe bakalinga kwaamba ayi batoomuuma mabwe. Womwi awomwi pakati kabo wakalinga kukalalite ceebo ca bana bakwe bakatolwa busha. Nakubi boobo Mwaami Lesa, Lesa wakwe wakamuyumyayumya.
NoBaami baLesa ndimwe mumpa shiyandika shoonse mubuumi bwangu. Ndashomesha ayi ndaakunookonkela maswi anu.
Ono nebo ceebonshi ntokuungumana bobulya? Ceebonshi ndapenga bobulya amoyo? Nebo anangilebo muli Lesa. Ndaakumulumbaisha alimwi, ee, kulumbaisha Lesa wangu uyo umpulusha.
Teshi bakapekweewo cipansha ca cishi mbuli mikowa imwi yoonse. Balo ncebakapekwa ncoolwe cakuba bapailishi ba Mwaami Lesa, Lesa wanu kweelana ambwaakashomesha.
Lyalo Shinkusu shoonse utooba golodi wako ee, utooba silifa wako.
Sombi nebo kulangila kwangu kunanooli muli ndimwe lyoonse. Ndanoomulumbaishabo lyoonse alyoonse.
Kulisukama ndikwakalinga kuncata, mwebo mwakanjumyayumya akunsangalasha.
Sombi nebo ndanoolangila lucafwo kuswa kuMwaami Lesa. Ndanoolindila Lesa Mupulushi wangu. Ndushinisho Lesa wangu ulaakunkutika.
