Malilo 2:16 - Baibo Busansulushi Bwa Libuku Ili

¹⁶ Balwani bako boonse batookucelebula akukulangilisha cakukupata. Batookushibuluka akulumanya meeno akwaamba ayi, “Tweelobya. Ubu mbobushiku mbotwakalinga kulindilila. Ndushinisho twakalinga kubulangila ayi tukabuboone.”

Malilo 2:16 交叉參考

Kulumbaisha 109:2

Bantu babiibi, babeshi batoondwana, ee, bacalula milomo yabo akwaamba shakumbekesha.

Kulumbaisha 112:10

Muntu mubiibi ulaakushibona akukalala. Ulaakulumanya meeno akuya cinyanga tibili wafwa. Kulangila kwakwe teshi kukacitikeewo.

Kulumbaisha 124:3

naakwiinga bakatumina katucili boomi bukali bwabo ndibwakatunyakila.

Kulumbaisha 22:13

Bandakamina anga ninkalamu itoobulumina munyama ayi imulume.

Kulumbaisha 35:16

Bakancelebula camusebaanyo bweenka bucita bakunsengwe. Bakalinga kunoolumanya meeno kubukali pali ndime.

Kulumbaisha 35:21

Balambekesha cakoolobesha ayi, “Ee, ncaakacita twakacibona ameenso esu!”

Kulumbaisha 35:25

Mutabaleeki kutalika kwaamba ayi, “Ee, bulya ncetusuni cacitika!” Nabi kwaamba ayi “Twamucita! Wakalinga kwaalya waaluba!”

Kulumbaisha 37:12

Bamucita shibi balapinga kucaya baluleme, balalumanya meeno kubukali pali mbabo.

Kulumbaisha 41:8

Balaamba ayi, “Bulwashi mbwaatoociswa mbubiibi, alimwi teshi bumulekeewo, utoofwa.”

Kulumbaisha 56:2

Beshikuncaya liina balantandaanya lilaya mukwipila. Mbaanji batoondwana kwiinda mukulisumpula kwabo.

Kulumbaisha 57:3

Ulakumbula kusenga kwangu kuswa kwiculu akumpulusha. Abo bantandaanya ulabakalalila. Munshila iyo ulantondesha lusuno lwakwe lutamaani, ulantondesha akushomeka kwakwe.

Isaya 49:19

“Cishi canu cakalinga canyonyooka alimwi calinga mumatongo. Sombi baakwisa bene mishaanu abo, cishi ico cilaakuceyabo kulaale kwaamba ayi bekaleemo. Lyalo abo bakalinga banyonyoola cishi canu balaakutombwetwabo kulaale.

Jelemiya 26:6

Ono na mutolelele kutanyumfwila, ndaakucita Ŋanda yangu ino bweenka mbondakacita musena wa Shilo. Lyalo liina lya ndabala ino lilaakunoosebenseshekwa mukushingana pakati ka mishobo yoonse ya mucishi ca panshi.’ ”

Jelemiya 29:18

Ndaakubatandaanya kunkondo, nsala amwaalu akubalengesha kupatwa kubwaami boonse bwa pacishi ca panshi. Lyalo balaakuba cintu ceelete kushinganwa, kuloondwa, kushibulukwa akusekwa pakati ka mishobo iyo njendakabatandilaako.

Jelemiya 50:17

Mwaami Lesa waamba ayi, “Bene Isilaeli balipalangenebo anga nimbelele shatandaanishikwa kunkalamu. Mutaanshi kubanyonyoola ngumwaami wa bene Asilya. Pesule wakapwayoola mafuwa abo nguNebukadinesa mwaami wa bene Babiloni.

Jelemiya 50:7

Ncakwiila uyo woonse wakabacana wakabanyonyoola. Balwani babo bakalinga kwaamba ayi, ‘Swebo tatucitewo mulandu ceebo bakabishisha Mwaami Lesa uyo wakalinga kubalama, ee, Mwaami Lesa uyo bamashali babo bakulukulu, ngobakalinga kucinkitemo manungo.’

Jelemiya 51:34

Bene Jelusalemu baamba ayi, “Nebukadinesa mwaami wa bene Babiloni wakatumana. Watulengesha kufulungana akutusandula kuba nongo itacite cintu. Watuminabo anga ninsato akususha lifumo lyakwe ashoonse nshaakalinga kusuni. Lyalo wakashipulula mbwaatakalinga kusuni.”

Malilo 1:21

“Bantu balinyumfwite kutongela kwangu, sombi taaku nabi womwi wakuŋumbulusha. Balwani bangu boonse balinyumfwite shamapensho angu alimwi batoosangalala pashintu isho nshemwancita. Ndamusenga kwaamba ayi mulete bushiku ubo mbomwakashomesha kwaamba ayi abalo bakapenge bweenka mbondapenga.

Malilo 3:46

“Balwani besu boonse batootutukana akutucelebula.

Esekelo 23:32

Mwaami Lesa Shinkusu shoonse waamba ayi, “Ulaakunwa munkomeshi yeenka ya munene wako. Nkomeshi iyo njinene alimwi njilaamfu. Ilaakukuletela kushibulukwa akusekwa ceebo ilinyamwite shiinji.

Esekelo 25:15

Mwaami Lesa Shinkusu shoonse waamba ayi, “Bene Filisiti bakaboosha cishole amyoyo yalunkutwe amfundilishi njebakalinga kucite kumyoyo ayi banyonyoole bene Juda balwani babo bakulukulu.

Esekelo 25:3

Ubalwiite ayi nebo neMwaami Lesa ntokwaamba ayi, ‘Mwebo mwakasangalala kubona Ŋanda yangu ndiyakabishikwa, cishi ca Isilaeli ndicakanyonyoolwa alimwi abene Juda ndibakatolwa busha.

Esekelo 25:6

“Nebo neMwaami Lesa Shinkusu shoonse ndaamba ayi, ‘Mwebo mwakakambilila, mwakasotooka alimwi akusangalala abuumbi pamapensho a cishi ca Isilaeli.

Esekelo 36:3

“Paceebo ceeco laluka akubalwiita ceeco ncendaamba nebo neMwaami Lesa Shinkusu shoonse. Mishobo ishingulukite ndiyakakoma akusaala tulundu twa Isilaeli, yoonse yakasebaanya bene Isilaeli.

Esekelo 5:15

Ncakwiila ndaakumulengesha kuba cintu ceelete kucobolwa akucelebulwa. Mulaakuba cintu cakucenjesheshaako alimwi cintu ciloondesha kumishobo imushingulukite. Ishi shilaakucitika bushiku ndaakumupa mulandu mubukali bwangu, ee, mubukali buyoosha alimwi amukumukalalila cankusu. Nebo neMwaami Lesa ndaamba.

Osiya 8:8

Bene Isilaeli bamana ncito, bababo anga njimishobo imwi. Tabacite incito balibo anga nshikaye.

Mika 4:11

Bulya ono bamumishobo iinji babungana ayi bakulwaane. Boonse baamba ayi, “Ndabala iyi ilyeelete kunyonyoolwa, ndushinisho tutooyanda kusangalala pakubona ndabala ya Siyoni keenyonyookite.”

Milimo ya Batumwi 7:54

Ono beendeleshi ba nkuta ndibakanyumfwa maswi akaamba Sitifini, bakakalala abuumbi, kababimbabo.