Luka 4:1 - Baibo Busansulushi Bwa Libuku Ili

¹ Jesu wakaswaako kuMulonga wa Joodani kaaswite Mushimu Usalashi uyo wakamutanjilila kuya muluyanga.

Luka 4:1 交叉參考

1 Baami 18:12

Ino na cicanike kwaamba ayi mushimu wa Mwaami Lesa wamutola kumusena utashibikitwe ndaswaawobo? Ono na ndwiite mwaami Aabu ayi muli kokuno, sombi abule kumucanaako, ncakwiila ulaakuncaya. Amwiibaluke kwaamba ayi nebo nemusebenshi wanu ndi muntu ulambila Mwaami Lesa abuumbi kuswabo kubwanike bwangu.

1 Baami 19:4

akweenda mushinso wa bushiku bomwi muluyanga. Mpeeke wakeemikana akwikala mucimfule ca cisamu, lyalo wakayeeya ayi ncibotu akufwabo. Wakapaila ayi, “Ndatentuka noBaami baLesa. Ono amutolebo buumi bwangu. Nebo nshiindi bamashali bangu bakulukulu!”

Isaya 61:1

Mushimu wa Mwaami Lesa Shinkusu shoonse uli pali ndime, mukwiinga wansala kwaamba ayi nshimikile makani abotu kubakandu. Wantuma kwaamba ayi njumyeyumye batyongooka mumyoyo akwaambilisha lwaanguluko kubaabo baangitwe, akucita kwaamba ayi boofu balashe.

Esekelo 3:14

Lyalo Mushimu wakwe Lesa wakanyamuna akuntola. Ndakaya kaandi mubishi alimwi amoyo koocisa. Lyaansa lya nkusu lya Mwaami Lesa lyakalinga pali ndime.

Mateyo 3:16

Jesu ndyaakamanabo kubombekwa wakaswa mumaanshi. Mpomunyaawo liculu lyakacaluka, lyalo wakabona Mushimu wakwe Lesa kauselukila pali nguwe anga nimpolobe.

Luka 2:27

Mushimu Usalashi wakamutanjilila Simyoni kuya kuŋanda yakwe Lesa. Bashali bakwe Jesu bakamwinjisha ayi bamucite kweelana aMilawo.

Luka 3:3

Mpeeke wakaya cishimikila mumishi yoonse yakalinga kushingulukite Mulonga wa Joodani, kaabaambila ayi, “Amusanduke kuswa kushibiibi shanu mubombekwe ayi Lesa amulekelele shibiibi shanu.”

Luka 3:38

Kenani mwanaakwe Enoshi, Enoshi mwanaakwe Seti, Seti ngomwanaakwe Adamu, Adamu mwanaakwe Lesa.

Luka 4:14

Jesu wakaboolela kuGalili Mushimu Usalashi kauli anguwe. Wakaya mpuwo mucishi coonse cilya.

Luka 4:18

“Mushimu wa Mwaami Lesa uli pali ndime, mukwiinga wansala kwaamba ayi nshimikile Makani Abotu kubakandu. Wantuma kwaamba ayi ŋambilishe lwaanguluko kubaabo baangitwe akucita kwaamba ayi boofu balashe akulubula baabo bapenshekwa.

Joni 1:32

Joni wakapa bukamboni mukwaamba ayi, “Ndakabona Mushimu Usalashi kauswa kwiculu anga nimpolobe akwikala pali nguwe.

Joni 3:34

Ee, uyo Lesa ngwaakatuma ulaamba maswi akwe Lesa ceebo ulamupa Mushimu Usalashi cakuteeleka.

Milimo ya Batumwi 1:2

kushikila bushiku ndyaakatolwa kwiculu. Sombi kaatana kutolwa kwiculu, kwiinda munkusu sha Mushimu Usalashi, Jesu wakalwiita batumwi abo mbwaakasala nshebakalinga kweelete kucita.

Milimo ya Batumwi 10:38

Mulishi makani akwe Jesu wa kuNasaleti, mbuli Lesa mbwaakamusala akumupa Mushimu Usalashi ankusu. Mukwiinga Lesa wakalinga anguwe, wakeenda koonse koonse kaaya bucita shibotu kubantu akushilika baabo boonse bakalinga munkusu shakwe Satana.

Milimo ya Batumwi 8:39

Ndibakaswa mumaanshi, Mushimu wa Mwaami wakanyamunawo Filipo. Kuswawaawo mweendeleshi uyo taakwe kumubonaawo alimwi, sombi wakatolelela lweendo lwakwe kaasangalete.