Joshuwa 7:24 - Baibo Busansulushi Bwa Libuku Ili

²⁴ Lyalo Joshuwa alimwi abene Isilaeli boonse bakacata Akani mwanaakwe Sela, akubwesa silifa, cakufwala ca peculu, cipimpita ca golodi, bana bakwe basankwa abanakashi, ŋombe shakwe, mbongolo, mbelele, tente yakwe alimwi ashintu shimwi shoonse nshaakalinga kucite. Mpeeke bakatola Akani abamuŋanda yakwe alimwi ashintu isho shoonse kuCinyika ca Akoli.

Joshuwa 7:24 交叉參考

Matalikilo 18:25

Ndushinisho teshi mucaye batacite milandu pantu pomwi abacite milandu. Tamukoonshi kucita boobo, ceebo na mwacita boobo, nkokwaamba ayi batacite milandu batootondeshekwa bukali pantu pomwi abacite milandu. Ono ico tacicitiki. Moomboloshi wa cishi coonse ulyeelete kucita shintu cabululami.”

Jobo 20:15

Lyalo ulaakuluka bubile mbwaakamina. Lesa ngweshi akalengeshe ayi aluke bubile ubo mbwaakeepa.

Kulonga 20:5

Utafukamini cibumbwabumbwa cili coonse nabi kucilambila, mukwiinga nebo neMwaami Lesa, Lesa wanu, ndi shibusuba. Ndapa mulandu bantu abo bampatite, alimwi akubamulunyungu lwabo kushikila akulishalane lyatatu alyane.

Tushimpi 15:27

Uyo ubilila mukutashomeka ulaletela bamuŋanda yakwe mapensho, sombi uyo ukaka makulo, ulaakuba abuumi.

Shikushimikila 5:13

Kuli bubi bucisisha moyo mbondakabona mucishi ca panshi Buboni bucanwa, sombi kabutacite mpindu kumwinebo,

Isaya 65:10

Cinyika ca Shaloni cilaakuba mafulo a mbelele, acalo cinyika ca Akoli cilaakuba mulela wa ŋombe, ee, kuba misena ya shifubwa sha bantu bangu abo banambila.

Osiya 2:15

Lyalo uko ndaakubabooshesha myuunda yabo ya minyansa alimwi ndaakulengesha Cinyika ca Ako kuba mulyango wakulangila. Muluyanga umo balaakutalika kunkonkela bweenka mbobakalinga kucita kale kale, ee, ndibakaswabo mucishi ca Ijipiti.

Joshuwa 15:7

Lyalo kuswa kuCinyika ca Mapensho nyinsa yakeenda kuDebe. Mpeeke yakapetukila kundabala ya Gilugala kulubasu lwakumatwa, iyo ibambene amwinjililo wa Adumimu kumalenge a cinyika ici. Yakatolelela kuya kutuntupu twa Eni Shemeshi akucinka muEni Logeli.

Joshuwa 22:20

Amwiibaluke cakacitika Akani mwanaakwe Sela ndyaakasotoka mulawo wakapekwa pashintu shakaambwa ayi shilyeelete kunyonyooka. Sa te Lesa wakakalalila likoto lyoonse lya bantu bakwe bene Isilaeli? Ncakwiila Akani teshi ngowakafwa eenka ceebo ca cibiibi cilya.’ ”

Joshuwa 6:18

Sombi tamweelete kubwesa cintu nabi comwi ico ceelete kunyonyoolwa. Na mucite boobo, ingayi mwaleta mapensho alimwi abunyonyooshi mumisumba yanu nobene Isilaeli.

Joshuwa 6:21

Bakacaya shoonse shakalinga mundabala umo amipeeni yabo, nkokwaamba ayi bantu boonse, basankwa, banakashi, banike abacembele, kubikaawo aŋombe, mbelele alimwi ambongolo ayi shibe cipo kuMwaami Lesa.

Joshuwa 7:1

Nacibi boobo bene Isilaeli tabakwe kunyumfwila Mwaami Lesa ndyaakabaambila ayi tabeelete kubwesa cintu nabi comwi mundabala inene ya Jeliko ico ceelete kunyonyoolwa. Akani mwanaakwe Kami, mwishikulu wakwe Sabudi, mucipani cakwe Sela mumukowa wakwe Juda, wakabwesa shintu shimwi. Aboobo Mwaami Lesa wakakalalila bene Isilaeli.

Joshuwa 7:23

Shintu isho bakashikusha mutente akushitola kuli Joshuwa akubene Isilaeli bamwi boonse. Mpeeke bakashibika panshi kunembo lya Mwaami Lesa.

Joshuwa 7:26

Ingayi pali Akani, bakalundikawo mabwe aanji abuumbi, ayo aciliiwo abobulya. Nceceeco musena uyu ncewiitilwa ayi Cinyika ca Akoli nkokwaamba ayi Cinyika ca Mapensho. Kuswawaawo bukali bwa Mwaami Lesa bwakamana.