Joshuwa 7:12 - Baibo Busansulushi Bwa Libuku Ili

¹² Nceceeco bene Isilaeli ncebakomenwa kubalwani babo. Batoopiluka akucica balwani babo ceebo balo beene babikwa pakunyonyoolwa. Paceebo ceeci teshi mbeewo amwebo na mubule kunyonyoola shoonse nshendakamwaambila ayi mutabwesi.

Joshuwa 7:12 交叉參考

Kulumbaisha 44:10

Mwakatulengesha kuboola pesule kuloonda balwani besu, abalo balwani abo bakasaala buboni bwesu.

Kulumbaisha 60:10

Taaku abamwi sobwe, ndimwe nweenka nomwatukaka, ee, mwebo nweenka nobaLesa nomwacileka kuya abashilumamba besu kunkondo.

Tushimpi 28:1

Bamucita shibi balacicabo nabi taakuuwo abatoobatandaanya, sombi baluleme mbayumu myoyo bweenka mbuli nkalamu.

Isaya 59:2

Sombi shilubo shanu nsheshamupansaanya aLesa wanu. Shibiibi shanu nsheshalengesha Lesa kutanookutika kusenga kwanu.

Jelemiya 23:33

Mpomunyaawo Mwaami Lesa wakaambila ndime neJelemiya ayi, “Na bantu aba, balaluki nabi bapailishi bakwiipushe ayi, ‘Ino ngumukulinshi ngoocite wa Mwaami Lesa?’ Ukabaambile ayi, ‘Mwebo nweenka ndimwe mukuli wakwe. Sombi Mwaami Lesa waamba ayi ulaakumusowa.’

Jelemiya 6:8

Webo Jelusalemu, nyumfwa kucenjeshekwa. Kwabula boobo ntookufutatila akulengesha cishi cako kuba matongo cakwaamba ayi taaku muntu weshi akakonshe kwikalaamo.”

Osiya 9:12

Nakubi kwaamba ayi bakakushewo baana ndaakumana kubalobya boonse. Kulaakuba mapensho anene abuumbi ndaakubafutatila bantu aba!”

Abakuku 1:13

Meenso anu alisalalite abuumbi cakunoolangabo bubi kabucitika. Tamukoonshi kusuminisha ayi shitaluleme shinoocitikabo. Ino ono ceebonshi mutokweebelabo bamucita shibi aba batashomeki? Ino ceebonshi mulyuumwitebo bamucita shibi kabanyonyoola cakumaninina bantu baluleme kwiinda mbabo?

Shakubelenga 14:39

Ono Mose ndyaakalwiita bene Isilaeli maswi akaamba Mwaami Lesa, bakalila abuumbi.

Shakubelenga 14:42

Mutayiiko mukwiinga Mwaami Lesa taabete amwebo alimwi balwani banu batoomukoma.

Shakubelenga 14:43

Pakunoolwana abene Amaleki alimwi abene Kenani, mutoofwita munkondo. Mwaami Lesa taabete amwebo ceebo mwakaaka kumukonkela.”

Shakubelenga 14:45

Mpeeke bene Amaleki alimwi abene Kenani abo bakalinga kwikala kooko bakatalika kulwanaabo akubakoma. Kuswawaawo bakabatandaanya akwisa mukubashisha kundabala ya Oma.

Dutolonomi 7:26

Kutaleta cibumbwabumbwa nabi comwi muŋanda yanu mukwiinga lishingo lyeenka lili pali nshisho inga lyaba apali ndimwe. Mulyeelete kushipata akushisebaanya mukwiinga Mwaami Lesa wakashishingana.

Joshuwa 6:18

Sombi tamweelete kubwesa cintu nabi comwi ico ceelete kunyonyoolwa. Na mucite boobo, ingayi mwaleta mapensho alimwi abunyonyooshi mumisumba yanu nobene Isilaeli.

Boomboloshi 16:20

Mpeeke wakoolobesha ayi, “BaSamusoni mbaabo bene Filisiti bamunjilila.” Ono ndyaakashinshimuka, lakwe kaayeeya ayi, “Ntooswita pansengwe nkalipakamune bweenka mbooncita lyoonse.” Lakwe kaateshi kwaamba ayi Mwaami Lesa wamushiya.

Boomboloshi 2:14

Aboobo Mwaami Lesa wakabaaba mumaansa a beshikusaala, abo bakasaala shintu shabo, akubalwani babo abo bakalinga kubashingulukite cakwaamba ayi bakaalilwa kulifuna.

Boomboloshi 2:4

Mpeeke munjelo uyo ndyaakamana kwaamba maswi ayo kubene Isilaeli, bantu boonse bakalila cakoolobesha.

1 Samwelo 14:38

Mpeeke Saulo wakaambila bamatanjilili ba bashilumamba ayi, “Amwisookuno tubone cibiibi cacitwa sunu.