Joshuwa 6:1 - Baibo Busansulushi Bwa Libuku Ili

¹ Minjililo ya kundabala inene ya Jeliko yakalinga kucalwa cankusu kwaamba ayi bene Isilaeli babule kwakwinjilila. Aboobo taaku wakalinga kwinjila nabi kuswa.

Joshuwa 6:1 交叉參考

2 Samwelo 10:5

Basankwa abo bakalinga kuloonda kuboola kumishaabo mukwiinga bakalinga kufwite nsoni abuumbi. Defedi ndyaakanyumfwa, wakatuma beshinkombe ayi baye babakumanye akubalwiita ayi bekale muJeliko kushikila ndesu shikakule.

2 Baami 17:4

Sombi mwaaka umwi Osheya wakatuma nkombe kuli So mwaami wa bene Ijipiti kusenga lucafwo kuli nguwe. Wakacileka kupa misonko ya pamwaaka amwaaka kumwaami wa bene Asilya. Shalimanesa ndyaakanyumfwa cikani ico, wakacata Osheya akumubika muntolongo.

2 Baami 2:4

Lyalo Elija wakaambila Elisha ayi, “Ono kala pano, Mwaami Lesa wandwiita ayi nebo nje kuJeliko.” Sombi Elisha wakakumbula ayi, “Bweenka mbocibete lushinisho ayi Mwaami Lesa ngumuumi, amwebo mbomuli boomi, mbweeke ubo anebo teshi mpansaaneewo amwebo.” Aboobo bakaya boonse kuJeliko.

Kulumbaisha 127:1

Na Mwaami Lesa wabula kuyaka ŋanda, ngayi bayaki basebenselabo kapongo kafwite. Na Mwaami Lesa wabula kulindilila ndabala, ngayi beshikulindilila balipenshabo akutoona.

Joshuwa 16:7

Lyalo kuswa kuJanowa, yakakunkulukila kuAtaloti alimwi akuNaala akuya mukucinka muJeliko akweela muMulonga wa Joodani.

Joshuwa 18:21

Ono mandabala anene a mukowa wakwe Benjameni kweelana ashipani shabo, ngaaya. Jeliko, Beti Ogila, Emeki Kesisi,

Joshuwa 2:1

Mpomunyaawo Joshuwa wakatuma beshikusensa bobilo cabushishi kuswa kuShitimu ayi baye bakasense cishi ca Kenani, bunene bunene ndabala inene ya Jeliko. Ndibakashika mundabala iyo, bakaya mukwikala muŋanda ya mwanakashi mufuule wiitwa ayi Laabu.

Joshuwa 2:24

Bakaambila Joshuwa ayi, “Ncalushinisho Mwaami Lesa watupa cishi coonse. Bantu boonse kulya baliloondete abuumbi ceebo ca ndiswe.”

Joshuwa 2:7

Mpeeke bantu ba mwaami bakatalika kukonkela beshikusensa, akulanga kunshila iya pamisena yakusubukilawo Mulonga wa Joodani. Ndibakaswabo, amwinjililo wa ndabala bakoocala.

Joshuwa 5:15

Mutanjilili wa bashilumamba ba Mwaami Lesa ulya wakakumbula Joshuwa ayi, “Fuula nkwabilo shako ceebo pamusena mpooimfwi palisalalite.” Alakwe Joshuwa wakacita mbomunya ubo.

Joshuwa 6:2

Mpeeke Mwaami Lesa wakaambila Joshuwa ayi, “Nyumfwa, ntokwaaba ndabala ya Jeliko pantu pomwi amwaami wa njiyo alimwi abashilumamba ba njiyo mumaansaako.