Joshuwa 3:1 - Baibo Busansulushi Bwa Libuku Ili

¹ Ndibwakaca macuunsacuunsa, Joshuwa alimwi abene Isilaeli boonse bakaswa kuShitimu uko nkobakalinga akuya mukuyaka misumba kuMulonga wa Joodani pakunoolindila kuusubuka.

Joshuwa 3:1 交叉參考

Matalikilo 21:14

Ndibwakaca, Abulaamu wakapa Aga shakulya ankomwi ya cipaya keeswite maanshi. Mpeeke wakabwesa mwaana wamubelekesha akumwaambila ayi anooya. Aga wakanyamuka kaaya ceendaanabo muluyanga lwa Biyasheba.

Matalikilo 22:3

Macuunsacuunsa bushiku bwakaboolaawo wakatimbula nkuni shakutentesha mulambu, watantika pambongolo yakwe akunyamuna Isaki pantu pomwi abasebenshi bobilo. Bakanyamuka akuya kumusena Lesa ngwaakamulwiita.

Kulumbaisha 119:60

Ndafwambaana kucita kweelana amilawo yanu, ncakwiila nshishingooki napaceyuubo.

Jelemiya 25:3

“Kwamyaaka makumi obilo amyaaka yotatwe, nkokwaamba ayi kuswa mumwaaka walikumi ayotatwe wa bwaami bwakwe Josiya mwanaakwe Amoni mwaami wa bene Juda kushikila sunu, ndalinga kutambula maswi a Mwaami Lesa alimwi ndalinga kumulwiita cakushomeka ciindi coonse maswi ayo, sombi mwebo temwalinga kukutikaawo, napaceyi.

Jelemiya 26:5

alimwi akunyumfwa maswi a balaluki basebenshi bangu abo mbondakalinga kumutumina ciindi coonse. Mwebo tamukwe kukonkelawo kale nshebakaamba.

Jelemiya 7:13

Ndimwakalinga kucita shintu shoonse ishi, nakubi kwaamba ayi ndakamwaambilaawo pashintu isho mankanda aanji aanji, tamukwe kukutika. Ndakamwiita, sombi tamukwe kukumbula.

Mika 6:5

Nobantu bangu, amwiibaluke Balaki mwaami wa bene Moabu ncaakapinga kucita kuli ndimwe. Amwiibaluke Balaamu mwanaakwe Beyo mbwaakakumbula. Amwiibaluke cakacitika mbomwakeenda kuswa kuShitimu kuya kuGilugala kwaamba ayi mwishibe milimo yangu ya bululami yakumupulusha.”

Shakubelenga 25:1

Ono bene Isilaeli ndibakalinga kuShitimu, basankwa bakatalika kukumana abanakashi bene Moabu abo bakalingaako.

Maako 1:35

Bushiku bwakaboolaawo kumuyamaca, Jesu wakabuka akuswa muŋanda. Lyalo wakaswa mundabala akuya kumusena kwatakalinga kwikala bantu uko nkwaakaya mukupailila.

Joshuwa 2:1

Mpomunyaawo Joshuwa wakatuma beshikusensa bobilo cabushishi kuswa kuShitimu ayi baye bakasense cishi ca Kenani, bunene bunene ndabala inene ya Jeliko. Ndibakashika mundabala iyo, bakaya mukwikala muŋanda ya mwanakashi mufuule wiitwa ayi Laabu.

Joshuwa 6:12

Bushiku bwakaboolaawo, Joshuwa wakafwambaana kubuka, abalo bapailishi bakanyamuna Libokoshi lya Cipangano ca Mwaami Lesa.

Joshuwa 6:15

Ingayi pabushiku bwasanu ashobilo, bakabuka kumuyamaca akushinguluka ndabala inene iyi mankanda osanwe aobilo mbuli mbobakalinga kucita lyoonse. Sombi ubo mbobushiku bweenkabo mbobakeeshinguluka mankanda osanwe aobilo.

Joshuwa 7:16

Ingayi buce macuunsacuunsa, Joshuwa wakaleta bene Isilaeli kunembo, kweelana amikowa yabo. Mpeeke kwakasalwa mukowa wakwe Juda.

Joshuwa 8:10

Mpeeke macuunsacuunsa pabushiku bwakaboolaawo, Joshuwa wakabunganya bashilumamba bakwe. Lyalo lakwe alimwi abamatanjilili ba bene Isilaeli, bakatanjila kunembo akunooya kuAi.

Boomboloshi 20:19

Bushiku bwakaboolaawo macuunsa bene Isilaeli bakabuka akuya mukuyaka misumba yabo pafwaafwi aGibiya.

1 Samwelo 17:20

Defedi wakafuma macuunsacuunsa bushiku bwakaboolaawo wakashiya mbelele mumaansa a mweembeshi umwi, walibambila akuya kwakamutuma baishi. Wakashika paciindi bashilumamba ndibakalinga kuya mumindando yabo ya nkondo kabaya coolobesha mwaambo wa nkondo.