Joshuwa 18:1 - Baibo Busansulushi Bwa Libuku Ili

¹ Mpomunyaawo bene Isilaeli boonse bakabungana kuShilo alimwi akuyaka Tente ya Cipangano nkomunya uko. Cishi bakacibwesa,

Joshuwa 18:1 交叉參考

2 Samwelo 7:6

Kuswabo kuciindi ndindakafuna bene Isilaeli kuswa mucishi ca Ijipiti kushikila asunu, nshikwe kwikalaawo kale muŊanda. Ndakalinga kuya cilonga musena amusena atente keeli njeŋanda yangu.

1 Baami 14:2

Jeloboamu wakaambila mukaakwe ayi, “Lilubyelubye kwaamba ayi kubule muntu ukwishiba. Lyalo uye kuShilo uko kwikala mulaluki Aija uyo wakaambila ndime ayi ndaakuba mwaami wa bene Isilaeli.

1 Baami 14:4

Mpeeke wakaya kuŋanda yakwe Aija muShilo. Aija wakapofola ceebo cakucembela.

1 Baami 2:27

Mpeeke Solomoni wakakusha Abiyata pamulimo wa bupailishi bwa Mwaami Lesa. Ico cakalengesha maswi akaamba Mwaami Lesa kuShilo pamupailishi Eli abamulunyungu lwakwe, kucitika cancinencine.

Neyemiya 9:24

Mwakabalengesha kukoma cishi ca Kenani. Ee, mwakakoma bene Kenani abo bakalinga kwikalaamo. Mwakapa bantu banu nkusu shakucita mbuli mbobasuni kubantu bene Kenani pantu pomwi abamaami babo.

Kulumbaisha 78:60

Wakashiya tente yakwe kuShilo, iyo njaakalinga kwikalaamo pakati ka bantu bakwe.

Kulumbaisha 78:66

Wakatandaanya balwani bakwe. Wakabalensha nsoni shitamaani.

Jelemiya 26:6

Ono na mutolelele kutanyumfwila, ndaakucita Ŋanda yangu ino bweenka mbondakacita musena wa Shilo. Lyalo liina lya ndabala ino lilaakunoosebenseshekwa mukushingana pakati ka mishobo yoonse ya mucishi ca panshi.’ ”

Jelemiya 26:9

Ceebonshi utoolalukila muliina lya Mwaami Lesa ayi Ŋanda yakwe Lesa ino ilaakubabo bweenka mbuli musena wa Shilo andabala ino kunyonyoolwa akuba matongo?” Mpeeke bantu boonse bakanshinguluka muŊanda ya Mwaami Lesa.

Jelemiya 41:5

kwakesa bantu makumi osanwe aotatwe bakalinga kukulwite ndesu, kukwamwite shakufwala shabo alimwi bakalinga kulinengweete abo bakaswa kuShekemu, Shilo akuSamaliya. Bantu bakaleta shipo sha fulaulo atununkila kabotu kuŊanda ya Mwaami Lesa.

Shakubelenga 32:22

akubwesa cishi. Kuswawaawo inga mwaboolela mukwiinga mulaakucanika ayi mwaciita kweelana ambomwakashomesha Mwaami Lesa alimwi abene Isilaelinyinaanu. Lyalo Mwaami Lesa ulaakumusumina ayi cishi cili kwicwe lya Joodani ncanu.

Milimo ya Batumwi 7:45

Kuswawaawo, bamashali besu bakulukulu bakashiilwa Tente kuswa kubamashali babo. Mpeeke bakalinga kwiinyamuna ndibakalinga aJoshiwa, pakubwesa cishi ico Lesa ncaakatandamo mishobo imwi kunembo lyabo. Bakekala aTente iyo kushikila amunshiku shakwe Defedi

Joshuwa 18:2

sombi kwakalinga kwacaala mikowa yosanwe ayobilo ya bene Isilaeli iyo itana kupekwa cishi cinebo.

Joshuwa 18:8

Ono basankwa abo ndibakanyamuka ayi baye mukupima cishi ico mbocibete, Joshuwa wakabapa mulasho uyu ayi, “Kamuya mukabone akulemba mbuli cishi mbocibete. Kuswawaawo mukaboole kuli ndime kwaamba ayi nkoome cisolo kuno kuShilo mukumwiipushishaako kuMwaami Lesa.”

Joshuwa 19:51

Isho nsheshishi Eliyasa mupailishi munene, Joshuwa mwanaakwe Nani alimwi abamatanjilili ba shipani sha mumikowa ya bene Isilaeli nshebakababaanya kwiinda mukuuma cisolo kuShilo ayi beepushe Mwaami Lesa. Bakalinga kucita boobo pamwinjililo wa Tente ya Cipangano. Ubo mbobakamanisha kubaanya cishi ico coonse.

Joshuwa 21:2

kuShilo mucishi ca Kenani akwaamba ayi, “Mwaami Lesa wakaamba kwiinda muli Mose ayi mukatupe mandabala akwikalaamo pantu pomwi amafulo ashifubwa shesu.”

Joshuwa 22:12

Mpeeke bene Isilaeli bamwi boonse bakabungana kuShilo ayi bakaye bakabalwaane.

Joshuwa 22:19

Na cishi ncemwakapekwa tacisalalite kwaamba ayi inga tamukoonshi kulambililaamo, amuye mucishi ca Mwaami Lesa umo muli Tente ya Cipangano, tulaakwaabana misena. Ncibiibi kwaashukila Mwaami Lesa, pantu pomwi aswebo kwiinda mukuliyakila cipaililo nobeene citeshi ca Mwaami Lesa, Lesa wesu.

Joshuwa 22:9

Mpeeke bamumukowa wakwe Lubeni, Gadi alimwi amusa wa mukowa wakwe Manase bakaboolela kumishaabo. Bakashiya bene Isilaeli bamwi boonse kuShilo mucishi ca Kenani akuboolela kuGilyadi cishi cabo beene ico cakabapa Mwaami Lesa kwiinda muli Mose.

Boomboloshi 18:31

Anu bakalinga kulambila cibumbwabumbwa cakwe Mika ico kwaciindi coonse musena wakulambilaako Lesa ncewakalinga kuShilo.

Boomboloshi 21:12

Pabantu ba kuJabeshi Gilyadi, banakashi mbobakacana abo batana kukumanaawo kale abasankwa bakalinga 400. Mpeeke bakabatola kumisumba ya kuShilo, ndabala ili mucishi ca Kenani.

Boomboloshi 21:19

Mpomunyaawo bakeebaluka ayi, “Te kuli kusekelela kucitika myaaka yoonse kwa Mwaami Lesa kuShilo?” Ono ndabala ya Shilo yakalinga kumatwa a Betelo, kumalenge a Lebona akwicwe lya mukwakwa uswa kuBetelo kuya kuShekemu.

1 Samwelo 1:24

Lyalo ndyaakamulesha, wakamutola kuShilo. Wakatolelela amucende wa myaaka yotatwe, makilogilamu ali 10 a fulaulo, alimwi ankomwe ya cipaya keeswite waini. Wakatola Samwelo kuŊanda yakwe Lesa muShilo kaacili mwanike abuumbi.

1 Samwelo 1:3

Ono mwaaka amwaaka Elikana wakalinga kuya kuShilo mukulambila Mwaami Lesa Shinkusu shoonse akubenga milambu. Ofini aFineyasi, bana bakwe Eli, mbobakalinga bapailishi ba Mwaami Lesa uko.