32 Anu mboboobo Mose mbwaakabaanya cishi cakalinga kwicwe lya Jeliko alimwi aMulonga wa Joodani ndyaakalinga mushinyika sha Moabu.
Mucishi cabo mwakalinga amusa wa Gilyadi pantu pomwi aAshitaloti alimwi aEdileyi, ayo akalinga ngomandabala anene a mwaami Ogi wa kuBashani. Cishi coonse ici cakapekwa kumusa wa bamulunyungu lwakwe Makiya mwanaakwe Manase.
Ono Mose taakwe kupawo mukowa wa bene Lefi cishi ayi cibe cinebo mukwiinga balo cipansha cabo nguMwaami Lesa, Lesa wa bene Isilaeli, kweelana aMwaami Lesa mbwaakabashomesha mwiine.
Mose wakalinga wapa kale mikowa yobilo alimwi amusa cishi ico cakalinga kwicwe lya Mulonga wa Joodani ayi ncinebo. Sombi bene Lefi taakwe kubapawo cishi ayi ncinebo.
