1 Bene Kolinto 3:10 - Baibo Busansulushi Bwa Libuku Ili

¹⁰ Lesa muluse ulo ndwaakantondesha, nebo ndakakaba lwiimbi mbuli muyaki ucishi kabotu, sombi umwi muntu utooyakaawo. Ono womwi awomwi ulyeelete kucenjela mbuli mbwaatooyaka.

1 Bene Kolinto 3:10 交叉參考

1 Bene Kolinto 3:11

Ceebo taaku muntu weenga wakaba lwiimbi lumwi kuleka loolo lwakakabwa kale. Lwiimbi ulo nguJesu Klistu.

Bene Efeso 2:20

Anu amwebo mwayakilwa waawo pakayakila batumwi alimwi abalaluki, Klistu Jesu mwiine ndyelibwe lya mulikonko lya ŋanda.

Bene Loma 15:20

Lyoonse ndisuni bunene kushimikila Makani Abotu mumisena bantu mobatana kunyumfwaawo kale shapali Klistu kwaamba ayi ntakatoleleli mulimo wakatalika umwi muntu.

Danyelo 12:3

Basongo balaakunoobala bweenka butuba mwiculu, abo batanjilila bantu baanji mubululami, balaakunoobala anga ninyenyeenshi kwalyoonse alyoonse.”

Mateyo 24:45

“Ino nguli musebenshi ushomeka ucite maano? Ngooyo mwaami wakwe ngwaakapa mulimo wakubona babye, akunoobapa cakulya paciindi ceelete.

Ciyubululo 21:19

Mabwe a lwiimbi lwa lubumbu lwa ndabala inene iyo akaboteshekwa amabwe amakwebo apusenepusene. Libwe lyakutaanguna mulwiimbi ulu lyakalinga lya libwe lyamakwebo libeka abuumbi, lyabili lyakalinga kuboneka anga ndiculu, lyatatu lyakalinga lyamabalamabala, lyane ndyaemalodi,

1 Bene Kolinto 9:2

Nakubi kwaamba ayi bamwi tabanjeeyeli kuba mutumwi, sombi kuli ndimwe ncakwiila ndi mutumwi mukwiinga wa cibusa canu aMwaami Jesu mwebo nobeene mulatondesha ayi ndi mutumwi.

Mateyo 7:24

“Aboobo uyo woonse unyumfwa maswi angu aya akwaacita, uli anga ngumuntu ucite maano wakayakila ŋanda yakwe palibwe.

1 Pita 4:11

Uyo woonse ushimikila, ulyeelete kwaamba maswi akwe Lesa. Uyo woonse usebensa milimo mucoonde, ulyeelete kusebensa kweelana ankusu Lesa nshaamupa, kwaamba ayi mushintu shoonse Lesa alemekwe kwiinda muli Jesu Klistu. Bulemu ankusu nshakwe Jesu Klistu lyoonse alyoonse. Ameni.

2 Timoti 2:15

Koelesha cankusu ayi ulyaabe kuli Lesa, mbuli musebenshi usuminishikwa ucita mulimo utamulenshi nsoni, uyo wiisha ciluleme maswi a lushinisho.

Bene Kolose 4:17

Amulwiite Akipasi ayi, “Sebensa kabotu akumanisha milimo yoonse yakakupa Mwaami Jesu.”

Bene Loma 12:3

Mukwiinga wa cipo Lesa ncaakampa kwiinda muluse lwakwe, ntoomwaambila ayi mutanoolitukumuna, sombi muliceeshe mumiyeeyo yanu akulibika mpomweelete kweelana alushomo Lesa ndwaakamupa.

Bene Loma 1:5

Kwiinda muli nguwe, Lesa wakampa mulimo unene wa butumwi kwaamba ayi nsebensele Klistu mukulengesha bantu ba mishobo yoonse ayi bamushome akunoomunyumfwila.

Milimo ya Batumwi 18:27

Lyalo Apolosi wakayeeya kuya kuAkeya. Bashomi ba muEfeso bakamuyumya kwiinda mukulemba nkalata yakutola kubashomi ba muAkeya kwaamba ayi bamutambule kabotu. Ndyaakashika, wakacafwa bumbi abo bakalinga kushoma muli Jesu kwiinda muluse lwakwe Lesa.

Luka 11:35

Paceebo ceeco amucenjele kwaamba ayi mumuni uli muli ndimwe utabi munshinshe.

Shikushimikila 12:9

Shikushimikila uyu wakalinga musongo, wakeeisha bantu shintu shiinji. Wakayeeya akuyandoola alimwi akulemba tushimpi tuunji.

Jemusi 3:1

Nobamakwesu, baanji pakati kanu batanoolilila kuba bafundishi mukwiinga mulishi kwaamba ayi swebo sotwiisha, Lesa ulaakutoombolosha kwiinda bamwi.

1 Timoti 4:16

Cenjela abuumi bwako alimwi akwiisha kwako. Kotolelela kucita shintu ishi ceebo mukucita boobo ulaakulipulusha omwiine alimwi abaabo bakukutika.

Bene Kolose 1:29

Kwaamba ayi cicitike ici, ndasebensa abuumbi kwiinda munkusu shakwe Klistu isho shisebensa cankusu muli ndime.

Bene Loma 15:15

Sombi mumakani amwi ali munkalata iyi ndamulembela cakutashisaawo kwaamba ayi mwiibalushe. Ndacita boobo ceebo ca luse Lesa ndwaakampa lwakuba musebenshi wakwe Klistu Jesu kubaswamashi bakunsengwe.

Luka 21:8

Jesu wakaamba ayi, “Amucenjele kwaamba ayi kutakabi muntu nabi womwi eshi akamucenjeeke. Mukwiinga bantu baanji balaakwisa muliina lyangu kabaamba ayi, ‘Ndime wooyo Usalitwe wakwe Lesa!’ alimwi ayi, ‘Ciindi cashikila!’ Mutakabakonkeli.

Sekaliya 4:9

“Selubabelo ngowakayaka lwiimbi lwa Ŋanda yangu alimwi ulaakwiimanisha. Shintu ishi shaakucitika, bantu bangu balaakwishiba ayi anu ndime neMwaami Lesa Shinkusu shoonse ndakakutuma kuli mbabo.

2 Makani 2:12

Aalumbaishikwe Mwaami Lesa, Lesa wa bene Isilaeli wakalenga liculu acishi ca panshi! Wapa mwaami Defedi mwaana musongo, uswite lushibo mumilimo iinji, uyo utooyanda kutalika kumuyakila Ŋanda alimwi akuliyakila ŋanda ya bwaami.

Ciyubululo 21:14

Lubumbu lwa ndabala iyi lwakalinga kuyakitwe palwiimbi lwa mabwe ali likumi aobilo apo pakalinga kulembetwe meena a batumwi ba Mwanaambelele bali likumi abobilo.

2 Bene Kolinto 10:15

Aboobo tatulilumbaishi pamilimo yakacita bamwi kusotoka manyinsa Lesa ngwaakatupa. Sombi tulayanda ayi lushomo lwanu lukomene alimwi ayi tukakonshe kucita milimo imwi iindaawo pakati kanu, kweela mumanyinsa Lesa ngwaakatupa.

Tushimpi 9:1

Busongo bwakayaka ŋanda ya mbubo akubesa macinko a njiyo ali osanwe aobilo.

1 Bene Tesalonika 3:2

Twakatuma Timoti mukwabesu muli Klistu, uyo ngotuli akwe pantu pomwi mumulimo wakwe Lesa wakushimikila Makani Abotu aamba pali Klistu. Twakamutuma kwaamba ayi ese amuyumyeyumye akushimpya lushomo lwanu,

2 Pita 3:15

Mulyeelete kwishiba ayi kukalika moyo kwa Mwaami wesu, ncoolwe ncaatoomupa kwaamba ayi mupulushikwe. Alakwe Paulo, mukwabesu usunikwi, wakamulembela shamakani ngomunya aya kwiinda mubusongo bwakamupa Lesa.

Kulonga 36:4

Lyalo basankwa bacishi milimo abo bakalinga kusebensa mulimo uyo bakaya

Tushimpi 12:8

Na muntu ulicite busongo, bantu balamulumbaisha, sombi na muntu taacite maano, bantu balamusebaanya.