तितस 2:12 - बान्‍तावा राई

¹² ओ सोम्‍तुक्‍माआ आन्‍कान खान्‌अ़त्‌ओ ह़ङ्‌म़ङ खोन्‍कि हेन्‍खामादाओ च़क्‍ख़य़ छित्‍म़मेत, खोन्‍कि ओ सोम्‍तुक्‍माआ आन्‍कान आप्‍पि क़म्‍तिन्‍चिन्‌कि ओ हेन्‍खामादा निनाम्‍हाङ्‌ओ अ़चुमिन्‍मावा च़मा खोन्‍कि निनाम्‍हाङ्‌एनान तोङ्‌ओ ह़ङ्‌म़ङ क़प्‍मा ऱम।

तितस 2:12 交叉參考

मत्‍ति 12:32

साङ म़नाओ अ़छाओ अ़देङ्‌सालाप्‍पादा चेप, मो अ़लेत। मेन साङ सेङ्‌लावाओ अ़देङ्‌सालाप्‍पादा चेप, मो ओ जुगादा खोन्‍कि तायाङ्‌ओ जुगादाछाङ अ़लेत्‍निन।

मत्‍ति 16:24

खोन्‍किना येसुआ अ़चुकाखेङ्‌पाचि म़लोचि, “साङ अ़ङ्‌का त़ङ्‌मा स़याङ्‌नालो खो आप्‍पि अ़मित्‍चिऩङ छित्‍मादोत, खोन्‍कि अ़क्रुस खुन्‍माकि अ़ङ्‌का त़ङ्‌मादोत।

मत्‍ति 28:20

अ़ङ्‌का खानानिन लोनानिन्‌ओ झारा य़ङ्‌चि मोचि मुमा चिन्‍तानुम्‍च़म। खानुम, अ़ङ्‌का जुगाओ आदेङ्‌तारि अ़धुन खानानिन्‌एनान युङ्‌ङायुङ्‌ङा।”

लुका 1:6

मोचि ह़वाङ्‌साआ निनाम्‍हाङ्‌ओ अ़चुमिन्‍मावात्‍नि अ़नुवाक ह़ङ्‌म़ङ ह़ङाङाचि। निनाम्‍हाङ्‌ओ झारा लोमाय़ङ्‌चि खोन्‍कि य़ङ्‌हुप्‌चि खोचिआ मान्‍धान्‍केमाङ अ़मुवाचुचि।

लुका 1:75

मोवात्‍नि आन्‍कान ह़ङिन्‌येन्‌ओन खोक्‍कोसोओ अ़चुबुदा सेङ्‌लो खोन्‍कि साम्‌योक काचि मुयाङ्‌सा ह़ङिन्‌येन्‌ओन खोक्‍को ब़क्‍मा ऱम्‍ने।

युहन्‍ना 14:30

अ़ङ्‌का खानानिन्‌एनान हान ब़द्‍धे अ़चेप्‍ऩङ, देकिनालो ओ हेन्‍खामाओ हाङ्‌काचि कामु तायाङ। मोसोओ अ़सावा अ़ङ्‌काएदा दित्‍छाङ मात्‍द़ङ।

युहन्‍ना 6:25

मोचि धियाङ्‌वामाओ ह्‍याउधेत कफर्नहुम्‌दा म़ताला खोन्‍कि येसु अ़धिराकि खोक्‍को अ़सेना, “रब्‍बि, खानानिन ओदा देम्‍खा त़तान ओ?”

छाम्‍माय़ङ 24:16

खोन्‌ओसा अ़ङ्‌का अ़धुन निनाम्‍हाङ्‌ओ अ़चुबुदा खोन्‍कि म़नाचिओ अ़चुबुदा दित्‍छाङ अ़अ़त्‍पा काचि मान्‍मुदामा लाम्‍ङाङा।

छाम्‍माय़ङ 24:25

मेन पावल्‌आ साम्‌योक्‍मिओ अ़तुक्‌वादा, क़म्‍मान्‍चिन्‌ओ अ़तुक्‌वादा खोन्‍कि तायाङ्‍ओ निनाम्‍हाङ्‌ओ अ़चुछ़ङ्‌छेन्‍मा लेन्‌ओ अ़तुक्‌वादा खाएत्‍तुहिदा फेलिक्‍स्‌ओ अ़क़माकारा। खोन्‍कि खोसाआ लो, “ओन्‍ग़रि खात्‍मा त़ऱ, अ़ङ्‌का काङाओ ग़रि खाना बुत्‍नाने।”

रोमि 12:2

ओ हेन्‍खामादाओ अ़च़माथाङ्‌माचिवा मान्‍च़दानिन, मेन आम्‍नुओ मिन्‍मादा अ़ऩङ्‌वा लिसानिन्‌कि झारा फान्‍तानिन्‍चिन। खोन्‍किना निनाम्‍हाङ्‌ओ अ़नुवाक, अ़चुऩङानुओ खोन्‍कि अ़छ़ङ अ़चुमिन्‍मा दि ओ, मो खानानिन्‌आ सिन्‍मा त़ऱम।

रोमि 6:12

खोन्‌ओसा पोक मित्‍मावात्‍नि तुङ्‌मा अ़दोत्‍निन्‍ने निकिना आम्‍नुओ स़दाओ पोक्‌दा हेवा हाङ मुमा मान्‍प़दानुम।

रोमि 6:19

खानानिन्‌आ तुप्‍मा त़ऱम्‍ने, अ़ङ्‌का अ़मात्‍ऩङ्‌चिदा चेप्‍ङाङा। खानानिन्‌आ अ़क्‍दु आम्‍नुओ पोक्‍फुत्‌चि पोप्‍माय़ङ खोन्‍कि च़लोक हेवाओ निम्‍पाङ त़याङुम्‍च़म, हान मोवात्‍निङा खानानिन सेङ्‌लो त़लिनिन्‌ओसा झारा आम्‍नुओ पोक्‍फुत्‌चि साम्‌योक्‍मि काचिदा याङानुम्‍च़म।

रोमि 8:13

देकिनालो हेवामि मित्‍मावात्‍नि त़ह़ङिन्‌नालो खानानिन त़स़न, मेन सेङ्‌लावालाम्‍पा पोक्‌ओ हेवामि काचिचि त़लुक्‍तुम्‍च़म्‌नालो खानानिन त़ह़ङिन।

२ कोरिन्‍थि 1:12

हेन्‍खामादा खोन्‍कि च़लोक्‌वा खानानिन्‌एनान्‌ओ आन्‍काओ तुप्‍मादा आन्‍कान्‍का काचि मुम्‍काहिदा ओ हेन्‍खामादाओ चाप्‍चाआ माआङ, मेन सेङ्‌लो खोन्‍कि अ़छ़ङ्‌दा आन्‍कान्‍का मुम्‍का। ओ य़ङ्‌दा आन्‍काओ ऩङानु, खोन्‍किना आन्‍काओ छेन्‍खातायाआछाङ मोसोओ अ़सालुम्‍स़ङ प़।

२ कोरिन्‍थि 7:1

खोन्‌ओसा सोमातुक्‍निङ्‌निओ यावाचि ओ, आन्‍कान्‌एदाओ हिप्‍माय़ङ्‌चि म़युङ्‌याङ्‌ओसा आन्‍पोक खोन्‍कि आन्‍लावा झारा पोप्‍मादाङ्‌का आन्‍कान आप्‍पि सेङ्‌सिन्‍चिन्‍ने, खोन्‍कि निनाम्‍हाङ्‌ओ अ़चुकित्‍मादा झारा सेङिन्‍ने।

गलाति 1:4

आन्‍निनाम्‍हाङ पापाओ अ़चुमिन्‍मावा येसु ख्रिस्‍तआ आइमित्‌ओ अ़अ़त्‍पा हेन्‍खामादाङ्‌का आन्‍कान फोङ्‌लोइसि आन्‍हेवाचिओ अ़फान्‌दा खोक्‍को आप्‍पि म़पुवान्‍चिन।

गलाति 5:24

खोन्‍कि साङ्‌चि ख्रिस्‍त येसुओचि ओ, मोचिआ हेवामि च़माथाङ्‌मा मोसोओ अ़पोक मित्‍माचि खोन्‍कि अ़मिन्‍माचि क्रुस्‌दा अ़ख़न्‍तायुङ्‌सा।

एफिसि 1:4

निनाम्‍हाङ्‌ओ अ़चुबुदा सेङ्‌याङ्‌ओ खोन्‍कि थुपि मात्‍द़ङ्‌ओ लिसिन्‍ने निकिना हेन्‍खामा मुन्‍मा बुयाङा आन्‍कान सोमाम़तुक्‍ताकि ख्रिस्‍तएदा आन्‍कान म़छेन्‍ता।

एफिसि 2:2

मोन्‍ग़रि खानानिन ओ हेन्‍खामादाओ अ़अ़त्‍पा लाम्‌दा त़कोलिन्‌येन। खानानिन्‌आ नाम्‍छ़ऱदुओ सावाओ अ़हाङ्‌पा त़त़ङ्‌तुम्‌योम, मो लावाङा निनाम्‍हाङ्‌आ लोमाय़ङ्‌वा मान्‍च़कादा छाचिएदा आइमित काचि मुयाङ।

कलस्‍सि 1:22

मेन खोक्‍कोसोओ अ़चुछाओ अ़चुपोक्‌ओ हेन्‍खोक्‌वालाम्‍पा निनाम्‍हाङ्‌ओ अ़चुयावा ऩमुन्‌युङ्‌सिन। खोन्‌ओसा ख्रिस्‍तआ खानानिन निनाम्‍हाङ्‌ओ अ़चुबुदा ऩतारिन्‌हिदा सेङ्‌लो, थुपि मात्‍द़ङ्‌ओ खोन्‍कि मान्‍फिकादा त़लिसिन्‍ने।

१ थेसलोनिकि 4:7

देकिनालो निनाम्‍हाङ्‌आ आन्‍कान पोप्‍नान्‍चिन्‍सि माआङ, मेन सेङ्‌याङ्‌ओ च़माथाङ्‌मादा ह़ङ्‌माओ निम्‍पाङ म़बुत्‍ताओ ओ।

१ थेसलोनिकि 4:9

मेन साकोङ्‌छ़ङ कामुचिएदा सोमातुक्‍मुमाओ अ़तुक्‌वादा आन्‍कान्‍का खानानिन दित्‍छाङ छाप्‍मा अ़दोत्‍निन, देकिनालो अ़क्‍छा निएदा सोमातुक्‍मुमाओ निनाम्‍हाङ्‌आङा खानानिन ऩचिन्‍तिन्‌युङ्‌सिन।

१ तिमोथि 4:12

सावाछा त़मुयाङ्‌ओसा साङ्‌आछाङ खाना आम्‍साया ऩपेप्‍नान्‍ने। मेन साकोङ्‌छ़ङ कामुचिएदा आम्‍हान्‍मा, च़माथाङ्‌मा खोन्‍कि सोमातुक्‍मा, साकोङ्‌छ़ङ खोन्‍कि सेङ्‌मादा खाना अ़क्‍छा अ़मात्‍ऩङ लिसा।

१ तिमोथि 6:17

ओ हेन्‍खामादाओ कातोक्‌चि ऱक्‍भाक मान्‍लिदानिन्‌नि लोचि। अ़छ़ङ मात्‍द़ङ्‌ओ चासुम्‍छेन्‍बिदा माआङ, मेन आन्‍कान ऩङानुमान्‍चिन्‌ओ निम्‍पाङ झारा सामा ब़द्‍धे याङ्‌मा काप़ निनाम्‍हाङ्‌एदा मोचि सोम्‍कुवा म़मुने।

१ तिमोथि 6:9

मेन खाक्‍को म़नाचि कातोक लिमा म़लाम, मोचि चिन्‍माखाङ्‌मादा म़छुक, खोन्‍कि वाय़दा म़धा खोन्‍कि ब़द्‍धे खामान्‍सिन खोन्‍कि क़माकात्‍तुओ मिन्‍मादा म़वाङ। मोसाआ म़नाचि चिन्‍मा खोन्‍कि लुक्‍मादा सारुचि।

२ तिमोथि 3:12

अ़नुछ्‍याङा ख्रिस्‍त येसुएदा साम्‌योक्‍मि ह़ङ्‌म़ङ ह़ङ्‌मा कालाम्‌चि झारा दुखादा म़छुक।

२ तिमोथि 4:10

देकिनालो देमास्‌आ, ओ आइमित्‌ओ हेन्‍खामा सोमातुक्‍तुकि अ़ङ्‌का अ़छिराङ्‌दाङ्‌युङ्‌साङ, खोन्‍कि खो थेसलोनिके खारायुङ्‌सा। क्रेसेन्‍स गलातिया खारायुङ्‌सा, खोन्‍कि तितस दलमातियादा।

तितस 3:3

देकिनालो आन्‍कान आप्‍पिछाङ अ़क्‍दु खामान्‍सिन, लोमावा मान्‍च़कादा खोन्‍कि लाम मान्‍तुम्‍केसुम्‌युङ्‌सुम। आन्‍कान झाराकापाराओ राका खोन्‍कि ताकावा च़माओ अ़हारुक्‌चि मुन्‌येन। आन्‍ह़ङ्‌म़ङ अ़त्‍लो मित्‍मा खोन्‍कि छुन्‌दा खाइसुम्‌योम, चिप्‍माकात्‍लो मुन्‌येन, खोन्‍कि अ़क्‍छा निआ चिप्‍मा कात्‍काकात मुन्‌येन।

हिब्रु 8:11

हान्‌दाङ्‌का “हाङ्‌पा निनाम्‍हाङ सिन्‍तानुम”निकिना खाक्‍कोछाङ म़नाआ अ़तेन्‍पाङ माङ्‌लो अ़द़क्‍छाबुवाचि अ़चिन्‍तुन्‍चिन। देकिनालो अ़चुप्‍पोदाङ्‌का अ़धिवातारिओचिआ झारासा अ़ङ्‌का ऩसिन्‍ङा।

याकुब 1:27

आन्‍निनाम्‍हाङ पापाओ अ़चुबुदा सेङ्‌याङ्‌ओ खोन्‍कि मान्‍पोप्‌ओ साम्‌योक ओङा ओ: अ़चाअ़त्‍मादा म़छुक्‍ताओ हेत्‍छाकुवाचि खोन्‍कि मेन्‍मित्‍माचि खाङ्‌माचि खोन्‍कि हेन्‍खामादाओ अ़अ़त्‍पा य़ङ्‌चिदाङ्‌का मान्‍पोप्‌दामान्‍चिन ओ।

२ पत्रुस 2:9

ओवात्‍नि निनाम्‍हाङ काब़क्‌चि चिन्‍माखाङ्‌मादाङ्‌का लेइसि खोन्‍कि मान्‍साम्‌योक्‍मिचि दन्‍दा प़माचि निम्‍पाङ छ़ङ्‌छेन्‍माओ लेन्‌तारि देत्‍नि रात्‍मायुङ्‌माओ, हाङ्‌पा म़लेयाङ।

२ पत्रुस 3:11

ओ झारा य़ङ्‌चि ओवात्‍नि म़ह़त्‍खात्‌ओसा खानानिन दियाको म़ना लिमादोत? आम्‍नुओ ह़ङ्‌म़ङ निनाम्‍हाङ्‌ओ निम्‍पाङ सेङ्‌याङ्‌ओ खोन्‍कि साम्‌योक्‍मि च़माथाङ्‌मादा प़मादोत।

१ युहन्‍ना 2:27

मेन खानानिन्‌आ ख्रिस्‍तलाम्‍पा सेङ्‌लावा त़तोक्‍तुम्‌युङ्‌सुम, खोक्‍को खानानिन्‌एदा म़युङ, साङ्‌आछाङ खानानिन चिन्‍मा अ़दोत्‍निन, देकिनालो खानानिन सेङ्‌लावाआङा झारा य़ङ्‌ओ अ़तुक्‌वादा ऩचिन्‍तिन। खोक्‍कोसाआ ऩचिन्‍तिन्‌ओ य़ङ अ़छ़ङ मु, खोन्‍कि सोज्‍जेओ अ़मुनिन। खानानिन ऩचिन्‍तिन्‌वात्‍नि ख्रिस्‍तदा युङायाक्‍तानिन।

१ युहन्‍ना 2:6

साङ निनाम्‍हाङ्‌एदा युङ्‌ङानि य़ङ, खो ख्रिस्‍तओ अ़चुच़माथाङ्‌मावात्‍नि कोन्‍मादोत।

१ युहन्‍ना 5:19

आन्‍कान सिन्‍तुम्‌योम आन्‍कान निनाम्‍हाङ्‌ओ अ़चुछाचि ओ, खोन्‍कि झारा हेन्‍खामा सैतानाओ अ़क़म्‍मादा याक्‌याङ।

यहुदा 1:18

मोचिआ खानानिन ऩलोन्‌युङ्‌सिन ओ, “आदेङ्‌ओ ग़रिदा निनाम्‍हाङ कासुङ्‌चि म़ताकि अ़चुओ मान्‍साम्‌योक्‍मि अ़त्‍लो मिन्‍मादा म़वाङ।”

खाङ्‌मुमा 14:12

निनाम्‍हाङ्‌ओ अ़चुम़नाचि खोचिआ निनाम्‍हाङ्‌ओ अ़चुलोमाय़ङ अ़मु खोन्‍कि येसुएदा साकोङ्‌छ़ङ म़मु, मोचि काहुङ लिमाकि युङ्‌मादोत।