रोमि 7:6 - बान्‍तावा राई

⁶ मेन ओन्‍ग़रि आन्‍कान काक़म य़ङ्‌हुप्‌ओ अ़सावा आन्‍कान्‌एदा मात्‍द़ङ, देकिनालो मोदा स़न्‌कि आन्‍कान य़ङ्‌हुप्‌दाङ्‌का फोङ्‌सिन्‌युङ्‌सिन। खोन्‌ओसा हान बुया छाप्‍ताओ य़ङ्‌हुप्‌दा काङ्‌याङ्‌सा माआङ, मेन सेङ्‌लावाओ अ़ऩङ्‌वा ह़ङ्‌म़ङ्‌दा आन्‍कान निनाम्‍हाङ ब़क्‍तुम।

रोमि 7:6 交叉參考

रोमि 1:9

अ़ङ्‌का झारा अ़ङ्‌साकोङ्‌वाआ खोक्‍कोसोओ अ़चुछाओ अ़चुनुय़ङ्‌खान खालुमादा खोक्‍को ब़रुङ, खोन्‍कि अ़धुन अ़ङ्‌यामात्‍मादा अ़ङ्‌का खानानिन मित्‍नानिन्‌ओ य़ङ निनाम्‍हाङ अ़ङ्‌सालुम्‍स़ङ म़युङ्‌याङ।

रोमि 12:2

ओ हेन्‍खामादाओ अ़च़माथाङ्‌माचिवा मान्‍च़दानिन, मेन आम्‍नुओ मिन्‍मादा अ़ऩङ्‌वा लिसानिन्‌कि झारा फान्‍तानिन्‍चिन। खोन्‍किना निनाम्‍हाङ्‌ओ अ़नुवाक, अ़चुऩङानुओ खोन्‍कि अ़छ़ङ अ़चुमिन्‍मा दि ओ, मो खानानिन्‌आ सिन्‍मा त़ऱम।

रोमि 6:11

मोवात्‍नि खानानिन्‌एदाछाङ हेवाओ अ़सावा मात्‍द़ङ, मेन ख्रिस्‍त येसुएदा निनाम्‍हाङ्‌ओ निम्‍पाङ अ़ह़ङ त़लिसिन्‌ओ मित्‍मान्‍चिन्‍दोत।

रोमि 6:19

खानानिन्‌आ तुप्‍मा त़ऱम्‍ने, अ़ङ्‌का अ़मात्‍ऩङ्‌चिदा चेप्‍ङाङा। खानानिन्‌आ अ़क्‍दु आम्‍नुओ पोक्‍फुत्‌चि पोप्‍माय़ङ खोन्‍कि च़लोक हेवाओ निम्‍पाङ त़याङुम्‍च़म, हान मोवात्‍निङा खानानिन सेङ्‌लो त़लिनिन्‌ओसा झारा आम्‍नुओ पोक्‍फुत्‌चि साम्‌योक्‍मि काचिदा याङानुम्‍च़म।

रोमि 6:2

देम्‍खाछाङ माआङ! आन्‍कान्‌एदा हेवाओ अ़सावा मात्‍द़ङ, देत्‍नि आन्‍कान हान्‍छाङ मोदाङा ह़ङ्‌मा?

रोमि 6:22

मेन हान आम्‍नुओ हेवादाङ्‌का त़फोङ्‌सिन्‌किना निनाम्‍हाङ्‌ओ अ़चुहारुक त़लिसिन्‌युङ्‌सिन। खोन्‍कि खानानिन्‌आ त़तोक्‍तुम्‌ओ काचि सिवाआ सेङ्‌माय़ङ्‌दा त़तित्‍तिन। ओसोओ अ़सिवा अ़लुक्‍निन्‌ओ ह़ङ्‌म़ङ ओ।

रोमि 6:4

खोन्‌ओसा बप्‍तिस्‍मालाम्‍पा आन्‍कान खोक्‍कोएनान अ़क्‍नि खुम्‍तिन। देत्‍नि निनाम्‍हाङ पापाओ साम्‍स़रिओ अ़चुसावालाम्‍पा ख्रिस्‍त म़सुवादाओदाङ्‌का म़खोन्‍तालोन्‍ता, मोवात्‍निङा आन्‍कान्‌छाङ अ़ऩङ्‌वा ह़ङ्‌म़ङ्‌ओ लाम्‌दा कोलिन्‍ने।

रोमि 7:1

ब़ब़, नाना खोन्‍कि निछाचि ओ, खानानिन य़ङ्‌हुप कासिन्‍चि, दि म़ना ह़ङ्‌याङ्‌तारि ओन्‍ङा य़ङ्‌हुप्‌आ लाउ निकिना त़सिन्‍तिमिन्‌येन?

रोमि 7:2

अ़मात्‍ऩङ्‌ओ निम्‍पाङ, अ़क्‍छा साया काम्‍साओ मेत्‍छामा अ़खिम्‍हाङ्‌पा ह़ङ्‌याङ्‌तारि अ़खिम्‍हाङ्‌पाएनान य़ङ्‌हुप्‌आ क़म्‍तुचि, मेन अ़खिम्‍हाङ्‌पा स़नालो सायाकाम्‍माय़ङ य़ङ्‌हुप्‌दाङ्‌का अ़खिम्‍हाङ्‌मा फोङ।

रोमि 7:4

खोन्‌ओसा अ़ङ्‍ब़ब़, नाना खोन्‍कि निछाचि ओ, खानानिन्‌छाङ ख्रिस्‍तओ अ़चुपोक्‌ओ अ़फुत्‌ओसा य़ङ्‌हुप्‌एदा त़स़न्‌युङ्‌सिन। खोन्‍कि ओन्‍ग़रि खानानिन म़सुवादाओदाङ्‌का म़खोन्‍तालोन्‍ताओ ख्रिस्‍तएनान अ़क्‌तात त़लिसिन्‌युङ्‌सिन। मोवात्‍निओसा, आन्‍कान निनाम्‍हाङ्‌ओ निम्‍पाङ अ़नुवाक काचिओ अ़सिवा सिमा ऱम।

२ कोरिन्‍थि 3:6

अ़ऩङ्‌वा हिप्‍माय़ङ्‌दा खोक्‍कोसाआ आन्‍कान्‍का काचि मुमा काऱ काब़त्‌वा ऩमुन्‌युङ्‌सिन्‍का। छाप्‍माय़ङ य़ङ्‌हुप्‌आ माआङ, मेन सेङ्‌लावादा। देकिनालो छाप्‍माय़ङ य़ङ्‌हुप्‌आ ना म़सेत, मेन सेङ्‌लावाआ ह़ङ्‌म़ङ म़प़।

२ कोरिन्‍थि 5:17

देकिनालो साङ ख्रिस्‍तदा युङ्‌याङ, खो अ़ऩङ्‌वा मुन्‍माय़ङ ओ। बुयाओ खाराचिआयुङ्‌सा, खानुम, अ़ऩङ्‌वा तायुङ्‌सा।

गलाति 3:13

आन्‍को निम्‍पाङ माङ्‌हिम म़लिसाकि य़ङ्‌हुप्‌आ तारुओ माङ्‌हिम्‌दाङ्‌का ख्रिस्‍तआ आन्‍कान म़लेइसा, देकिनालो “स़ङ्‌दा क़ङ्‌माय़ङ झारा माङ्‌हिम लि”नि छाप्‌याङ।

गलाति 6:15

सिप्‍मायाम्‍बुन पाक्‍तुम्‌नुछाङ अ़पाक्‍तिमिन्‌नुछाङ, मेन अ़ऩङ्‌वा लावामि ह़ङ्‌म़ङ तोक्‍मा अ़च़वाङ ओ।

एफिसि 4:24

खोन्‍कि निनाम्‍हाङ्‌ओ अ़चुकात्‍मादा अ़नुछ्‍याओ साम्‌योक्‍मि खोन्‍कि सेङ्‌माय़ङ्‌दा मुयाओ अ़ऩङ्‌वा च़माथाङ्‌मा लोआनुम।

फिलिप्‍पि 3:3

देकिनालो सेङ्‌लावालाम्‍पा काब़क आन्‍कान्‌ङा ओ, खोन्‍कि ख्रिस्‍त येसुआ दि अ़मुवायुङ्‌सा मोदा आन्‍कान तोक्‍पो कालि खोन्‍कि च़माथाङ्‌मादा सोम्‍कुवा मान्‍मुकादा अ़नुछ्‍याओ सिप्‍मायाम्‍बुन कापाक आन्‍कान्‌ङा ओ।

कलस्‍सि 3:10

खोन्‍कि ओन्‍ग़रि अ़ऩङ्‌वा ह़ङ्‌म़ङ त़लोउम्‌युङ्‌सुम। खानानिन च़लोक आम्‍नुओ कामुन्‍पाओ अ़चुकात्‍मावा लियाङ्‌सा त़खारिन्‌येन, खोन्‍कि खोक्‍को नुलोक त़तुप्‍तुम।