3 मोवात्निङा, अ़खिम्हाङ्पा ह़ङ्याङ्हिदा, मो नि दुवाछाएदा खात्नालो मो “ताङ्लान कामु”नि लो। मेन अ़खिम्हाङ्पा स़नालो मो मेत्छामा य़ङ्हुप्दाङ्का फोङ खोन्कि नि दुवाछाएनान सायाकाम्नुछाङ, मो ताङ्लान कामु अ़लिनिन।
मेन अ़ङ्का खानानिन लोनानिन, साङ्आ अ़खिम्हाङ्मा ताङ्लान्दाङ्का नि अ़तुक्वाआ छिरु, बुयाओ अ़खिम्हाङ्पाआ मो ताङ्लान कामुमा मु, खोन्कि साङ्आ मो छित्माय़ङ मेत्छामाएनान सायाकाम, खोछाङ ताङ्लान कामु लि।
अ़मात्ऩङ्ओ निम्पाङ, अ़क्छा साया काम्साओ मेत्छामा अ़खिम्हाङ्पा ह़ङ्याङ्तारि अ़खिम्हाङ्पाएनान य़ङ्हुप्आ क़म्तुचि, मेन अ़खिम्हाङ्पा स़नालो सायाकाम्माय़ङ य़ङ्हुप्दाङ्का अ़खिम्हाङ्मा फोङ।
खोन्ओसा अ़ङ्ब़ब़, नाना खोन्कि निछाचि ओ, खानानिन्छाङ ख्रिस्तओ अ़चुपोक्ओ अ़फुत्ओसा य़ङ्हुप्एदा त़स़न्युङ्सिन। खोन्कि ओन्ग़रि खानानिन म़सुवादाओदाङ्का म़खोन्तालोन्ताओ ख्रिस्तएनान अ़क्तात त़लिसिन्युङ्सिन। मोवात्निओसा, आन्कान निनाम्हाङ्ओ निम्पाङ अ़नुवाक काचिओ अ़सिवा सिमा ऱम।
