9 खोन्नालो दि आन्कान यहुदिचि निचिदाङ्का च़लोक अ़नुवाक मुन्येन म़ल़क? देम्खाछाङ माआङ, देकिनालो यहुदिचि खोन्कि ग्रिक्चि ह्वातात्माङ हेवाओ अ़क़म्मादा म़याक्याङ निकिना बुयाङा अ़ङ्का खाङ्मेत्नायुङ्नानिन।
ओ खाकि येसु काबुत फरिसि अ़मिन्मादा आप्पि मिना, “ओ म़ना निनाम्हाङ्य़ङ खाकालु ओनालो ना खोक्को कानोप मेत्छामा दियाको हेवामिओ निकिना सिन्मादोराङाओ।”
निनाम्हाङ्ओ अ़चुच़ऱपा झारा म़नाचिओ अ़चुहेवा खोन्कि अ़चुओ अ़अ़त्पाओ अ़देङ्सालाप्पादा निनाम्मादुङ्का खाङ्मुसायुङ्सा। मो अ़चुओ अ़अ़त्पा काचिआ अ़छ़ङ तिमुयुङ्सु।
निनाम्हाङ्ओ अ़चुसोम्तुक्मा झारा म़नाचिएदा याक्ने निम्पाङ खोक्कोसाआ झारा लोमान्तेत म़मुचि।
खोन्नालो दि? इस्राएल्आ दि नुलोक लामुङुओ, मो मान्तोक्दो। मेन छेन्माय़ङ्ओचिआ मो अ़तोक्ता, नि झारा ऱक्भाक म़लिसा।
खोन्ओसा नि छ़ङ्काछेन म़ना, खाना साङ्नुछाङ, अ़ऩङ मुमा त़तोक्नान, देकिनालो खाना नि छ़ङ्त़छेन्तुहिदा दिदा खाना छ़ङ्त़छेन्तु, मो य़ङ्दा खाना छ़ङ्ऩछेन, देकिनालो खाना छ़ङ्काछेन्छाङ मो काचि त़मु।
खोन्नालो यहुदिचिआ दि अ़तोक म़ल़क माङ्लो सिप्मायाम्बुन्आ दि अ़नुवाक मु?
हान आन्कान सिन्तुम्योम, देत्नि य़ङ्हुप य़ङ्याङ, ओसाआ य़ङ्हुप्दा कायुङ्चि लोचि, खोन्ओसा झारा दोचि वाइवेत म़युङ्ने खोन्कि हेन्खामादाओ झारा म़नाचि निनाम्हाङ्आ अ़चुछ़ङ म़छेन्तुचि।
मेन आन्मान्साम्योक्मिआ निनाम्हाङ्ओ अ़चुसाम्योक्मि नुलोक खाङ्मुसुनालो आन्कान दे य़ङिन? दि निनाम्हाङ्ओ अ़चुमाइसुङ आन्कान्एदा ताहिदा खा-खाक्को म़नाचि खोक्कोसाआ अ़फिसानि म़य़ङ। मो अ़नुछ्या ओ?
हान दि म़ल़क? दि आन्कान य़ङ्हुप्ओ अ़क़म्मादा अ़याइमिन्येन, मेन सोम्तुक्माओ अ़क़म्मादा आन्कान याइन्येन्ओसा हेवा मुमा म़ल़क? देम्खाछाङ माआङ।
आन्कान सिन्तुम्योम, य़ङ्हुप लावामि ओ, मेन अ़ङ्का मान्साम्योक्मि मुङाङा, खोन्कि हेवाओ अ़हारुक्वात्नि अ़ङ्का इनाङ्युङ्साङ।
अ़ङ्का दे य़ङ्ङाङा म़ल़क? सेम्पोक हेन्खोक्वा प़माओ अ़काचि याक्याङ? माङ्लो सेम्पोक अ़नुछ्याओ माङ्चि ओ?
खोन्नालो अ़ङ्का दे च़मा म़ल़क? अ़ङ्का अ़ङ्लावाआ यामात्ङा, खोन्कि अ़ङ्खारुआछाङ यामात्ङा। अ़ङ्लावाआ छाम्लु, खोन्कि अ़ङ्खारुआछाङ छाम्लु।
निचिदाङ्का खानानिन दिदा तोक्पो त़मुन्येन? खानानिन्आ मान्तोक्त़युक्तुम्ओ दि युङ्याङ? खोन्कि खानानिन मो निनाम्हाङ्दाङ्का त़तोक्तुम्युङ्सुम्नालो मो मोहा त़तोक्तुम्ओ माआङ्वा देकि खानानिन ऱक्भाक त़मुन्येन?
य़ङ्हुप्दा सोम्कुवा कामु झारा माङ्म़हिम, देकिनालो साम्कालिन्दा ओवात्नि छाप्तायुङ्सा, “य़ङ्हुप छाप्लाखादा छाप्ताओ झारा य़ङ्चिदा मान्युङ्कादा खोन्कि मो मान्मुकादाचि झारा माङ्म़हिम।”
मेन साम्कालिन्आ खालुसु, झारा हेन्खामा हेवाआ क़म्तुयुङ्सु, खोन्ओसा खाक्को हिप्माय़ङ येसु ख्रिस्तएदा साकोङ्छ़ङ्लाम्पा प़माय़ङ्ओ, मो साकोङ्छ़ङ कामुचि म़प़ने।
अ़ताकावाने! मुलो य़ङ ओङा ओ, अ़अ़त्पा मिन्माआङाने माङ्लो अ़नुवाक मिन्माआङाने झाराकापाराआ ख्रिस्त खालुने।
