3 देकिनालो ख्रिस्तआ खोक्को आप्पि अ़चुऩङा मान्नुम़दान्चिन, मेन ओवात्नि छाप्याङ, “खानानिन कासुङ्चिओ अ़चुसुङ्मा अ़ङ्काएदा छुक्ता।”
काखेङ अ़काचिन्पावात्नि खोन्कि हारुक अ़हाङ्पावात्नि लिमादा अ़सोम्स़ने। मेन मोचिआ अ़ङ्का खिम्हाङ्पाङा चाकावालावाचिओ अ़चुहाङ बालजिबुलनि ऩलोङाङानालो अ़ङ्खिम्लुम्पाचि देम च़लोक अ़त्लो म़लोचि!
खोन्किना खोक्को अ़क्चित ह्यात्नि म़खाराकि बाखादा म़बोम्सान्चिन खोन्कि याम़मारा, “आपो, लिमा ऱनालो ओ दुखाओ लाङ्चोक्खुङ्ओ दुखा अ़ङ्काएदाङ्का माङ्निप़नि। खोन्नुछाङ अ़ङ्मिन्मावा माआङ, मेन आम्नुओ मिन्मावा लिने।”
येसु ह्वादुओदु म़लासाखाराकि याम़मारा, “आपो, अ़ङ्का ओ मान्दुङ्माङ अ़नुनिन्नालो आम्नुओ मित्मा तालाने।”
खोन्किना खोक्कोएनान क्रुस्दा ख़न्ताङाचिओ मो काङाप्खात्चिआछाङ मोवात्निङा खोक्को अ़सुङ्ताचु।
अ़ङ्लोमाय़ङ्चि त़मुम्च़म्नालो खानानिन अ़ङ्सोमातुक्मादा त़याइन। मोवात्निङा अ़ङ्का अ़ङ्पापाओ अ़चुलोमाय़ङ्चि मुङ्युङ्सुङ्च़ङ खोन्कि खोक्कोसोओ अ़चुसोमातुक्मादा युङ्ङा।
साङ्आछाङ मान्मुयुक्तुओ म़दोम्दाओ काचिचि अ़ङ्का मोचिओ अ़चुरादा मान्मुङाओ दे, मोचि हेवाओ लाहि मान्पाक्चिओ। मेन हान मोचिआ ओ म़दोम्दाओ काचिचि अ़खायुङ्साकिछाङ मोचिआ अ़ङ्का खोन्कि अ़ङ्पापा ह़वाङ्माङ ऩङाऩछिरायुङ्साच्या।
येसुआ मोचि म़लोचि, “अ़ङ्का काछुत्ओ अ़चुमिन्मावा च़मा खोन्कि खोक्कोसोओ अ़चुकाचि तामालामाङा अ़ङ्चामायु ओ।
अ़ङ्का आप्पि दित्छाङ मुमा अ़ऱऩङ। देत्नि अ़ङ्का एनुङ, मोवात्निङा अ़ङ्का छ़ङ्छेन्ङा। खोन्कि अ़ङ्छ़ङ्छेन्मा नुलोक कान, देकिनालो अ़ङ्का अ़ङ्मिन्मावा च़मा अ़लाम्ऩङ, मेन अ़ङ्का काछुत्ओ अ़चुमिन्मावा च़ङा।
अ़ङ्को आप्पिओ अ़ङ्मिन्मा तालासि अ़ङ्का निनाम्मादुङ्का धाङ्ओ माआङ, मेन अ़ङ्का काछुत्ओ अ़चुमिन्मा तालासि धाङ्ओ।
अ़ङ्का काछुत अ़ङ्काएदा म़युङ्याङ। खोक्कोसाआ अ़ङ्का अ़ङ्दाप्म़ङ मान्छित्दाऩयुक्ङा, देकिनालो अ़ङ्का अ़धुन खोक्कोसोओ अ़चुऩङानुसुङ।”
देकिनालो आन्हाङ्पा येसु ख्रिस्तओ अ़चुसोमातुक्मा खानानिन त़सिन्तुम्योम। खोक्को कातोक म़मुवाङानुछाङ आम्नुओ निम्पाङ खोक्को मान्तोक्कादा म़लिसा, खोन्ओसा खोक्कोसोओ अ़मान्तोक्दामादाङ्का खानानिन कातोक लिमा रुवानिन।
झारा आम्नुओ रादा येसु ख्रिस्तदा याआङावाको मिन्मा याक्ने।
अ़चुकात्मादा म़नावात्नि म़लिसाकि आप्पि म़सिम्सान्चिन, खोन्कि अ़चुस़मादामातारि निनाम्हाङ्ओ अ़चुलोमाय़ङ अ़मुवाकि क्रुस्दाछाङ म़सुवा।
