4 देकिनालो खाना नुलोक मुमाओ निम्पाङ खो निनाम्हाङ्ओ अ़चुकाब़त्पा ओ। मेन खाना अ़त्लो त़च़नालो क़सा, देकिनालो मोसाआ बान्छोन मोहा अ़बित्तुन। अ़त्लो काचि कामुचिएदा निनाम्हाङ्ओ अ़चुदन्दा कातात खो निनाम्हाङ्ओ अ़चुकाब़त्पा ओ।
निछाचि ओ, देम्खाछाङ आप्पि अ़फान मान्लात्दानिन, मेन निनाम्हाङ्ओ अ़चुमाइसुङ्दा लेत्तापुवानुम। देकिनालो छाप्तायुङ्सा, “अ़फान कालात अ़ङ्का ओ, अ़ङ्का अ़फान लात्तुङ।” नि निनाम्हाङ म़य़ङायुङ्सा।
खोन्ओसा खानाछाङ दाम्दु छोन्मादोत, देकिनालो पाङ्कातोक्चि हाङ्काचिओ निम्पाङ अ़धुन काचिदा कावाङ्युङ निनाम्हाङ्ओ अ़चुकाब़त्पाचि ओ।
खोन्कि ओसोओ अ़तुक्वादा साङ्आछाङ ख्रिस्तियान अ़निछाओ अ़खिम्हाङ्माएनान ताङ्लान अ़मुनिन्ने माङ्लो अ़त्लो अ़च़निन्ने, देकिनालो ओवाको झारा हेवाचिओ अ़फान कालात हाङ्पा म़युङ्याङ, आन्कान्काआ खानानिन बुयाछाङ लोनियुङ्नि खोन्कि चात्लो चाप्चेत्नियुङ्नि।
माङ्लो हाङ्कामुचिङाने, निनाम्हाङ्आ मोचि अ़अ़त्पा काचि कामुचि दन्दा प़सि खोन्कि अ़नुवाक काचि कामुचि चोइसि म़छुत्तुचिओ।