3 देकिनालो अ़नुवाक काचिओ निम्पाङ माआङ, मेन अ़अ़त्पा काचि कामुचिआ हाङ्काचि कामुचि कित्तुम्च़म। दि खाना हाङ्काचि कामुचिओ कित्मादा युङ्मा त़स़नानान? खोन्नालो अ़नुवाक काचि मुवा खोन्कि खाना खोसाआ त़चोन।
खोन्ओसा साङ हाङ्काचि कामुचिओ अ़चुदेङ्सालाप्पादा फित्चि मु, मोसाआ निनाम्हाङ्आ अ़युङ्साओसो अ़देङ्सालाप्पादा फित्चि मु, खोन्कि साङ्चि फित्चि म़मु, मोचिआ दन्दा अ़तोक।
देकिनालो खाना नुलोक मुमाओ निम्पाङ खो निनाम्हाङ्ओ अ़चुकाब़त्पा ओ। मेन खाना अ़त्लो त़च़नालो क़सा, देकिनालो मोसाआ बान्छोन मोहा अ़बित्तुन। अ़त्लो काचि कामुचिएदा निनाम्हाङ्ओ अ़चुदन्दा कातात खो निनाम्हाङ्ओ अ़चुकाब़त्पा ओ।
