रोमि 11:2 - बान्‍तावा राई

² निनाम्‍हाङ्‌आ बुया म़छेन्‍तुचिओ अ़चुम़नाचि ऩङामान्‍छित्‍म़दोचि। एलियाओ अ़तुक्‌वादा साम्‍कालिन दे य़ङ्‌याङ, दि खानानिन त़सिन्‍तिमिन? खोसाआ इस्राएल्‌ओ अ़देङ्‌सालाप्‍पादा निनाम्‍हाङ्‌एदा देत्‍नि यामात?

रोमि 11:2 交叉參考

मर्कुस 12:26

म़सुवादाओचिओ अ़चुलामाखोन्‍मालोन्‍माओ अ़तुक्‌वादा दि खानानिन्‌आ स़ङ्‌फोम्‍सुवादा लेराङाओ दोय़ङ्‌लाओ अ़तुक्‌वादा निनाम्‍हाङ्‌य़ङ खाकालु मोसाओ अ़छाप्‍लाखादा खानानिन्‌आ मान्‍खिप्‍त़युक्‍तुम? निनाम्‍हाङ्‌आ मोसा अ़लोवा, ‘अ़ङ्‌का अब्राहाम्‌ओ अ़निनाम्‍हाङ, इसहाक्‌ओ अ़निनाम्‍हाङ खोन्‍कि याकुब्‌ओ अ़निनाम्‍हाङ ओ।’

लुका 4:1

येसु सेङ्‌लावाआ भेप्‍तुकि यर्दन याङ्‌वामादाङ्‌का म़लोन्‍ता खोन्‍कि सेङ्‌लावाआ खो लेक्‍लेक्‍लेक्‌वाओदा अ़खात्‍ता।

युहन्‍ना 4:11

मो मेत्‍छामाआ खोक्‍को लो, “हाङ्‌पो खानानिन्‌एदा अ़अ़क्‍खा मात्‍द़ङ, खोन्‍कि कुपारिछाङ ग़ङ्‌याङ। खोन्‍कि खानानिन्‌आ खादाङ्‌का मो ह़ङ्‌म़ङ्‌ओ चाक्‌वा त़तारुम?

छाम्‍माय़ङ 13:48

निरावाचिआ ओ य़ङ अ़एनाकिना मोचिओ अ़चुऩङानुवा, खोन्‍कि निनाम्‍हाङ्‌ओ अ़चुय़ङ अ़चोन्‍ता, खोन्‍कि अ़लुक्‍निन्‌ओ ह़ङ्‌म़ङ्‌ओ निम्‍पाङ निनाम्‍हाङ्‌आ म़छेन्‍तुचिओचि झारा साकोङ्‌छ़ङ म़मुवा।

छाम्‍माय़ङ 15:18

निनाम्‍हाङ्‌आ ब़द्‍धे बुयाङा ओ य़ङ्‌चि खाअ़लुसायुङ्‌सा।’

छाम्‍माय़ङ 3:17

हान, ब़ब़, नाना खोन्‍कि निछाचि ओ, अ़ङ्‌का सिन्‍तुङ्‌योङ, खानानिन खोन्‍कि आम्‍नुओ बुसुवाचिआ मान्‍सिन्‍त़दोम्‌ओसा येसु त़सेरुम्‌ओ।

छाम्‍माय़ङ 7:40

खोन्‍कि मोचिआ हारुन अ़लोवा, ‘आन्‍कान्‍का बुया कातित माङ्‌चि मेत्‍निप़नि, देकिनालो आन्‍कान्‍का मिस्र हेन्‍कोप्‌दाङ्‌का कातित्‍बात मोसा दे लिसायुङ्‌सा, आन्‍कान्‍का अ़सिन्‍तिमिन्‍का!’

रोमि 6:16

दि खानानिन त़सिन्‍तिमिन्‌येन, लोमाय़ङ हारुक्‌चिवात्‍नि खानानिन साङ आप्‍पि त़प़न्‍लाविन्‍चिन, खानानिन लोन्‌ओवा त़च़न्‌ओ आम्‍नुओ हाङ्‌पाओ अ़चुहारुक्‌चि ओ। खानानिन हेवाओ अ़हारुक लिमा त़ऱन, मोसाआ स़मादा त़खात्‍तिन। माङ्‌लो खानानिन निनाम्‍हाङ्‌आ लोमाय़ङ छेन्‍मा त़ऱम, मोसाआ साम्‌योक्‍मि ह़ङ्‌म़ङ्‌दा त़खात्‍तिन।

रोमि 9:23

उवा, साम्‌ओ निम्‍पाङ बुया म़चुम्‍सुचिओ, खोन्‍कि खोक्‍कोसाआ सोमा म़तुक्‍तुचिओचि, ब़द्‍धे अ़चुऩङ्‌लोङ्‌मा खाङ्‌मेत्‍माचि निकिना खोक्‍कोसाआ ओवात्‍नि अ़मुवा।

रोमि 9:6

खोन्‍नालो दि निनाम्‍हाङ्‌आ अ़चुओ हिप्‍माय़ङ यहुदिचिओ निम्‍पाङ मान्‍तालाअ़दा? अ़तासाला! ओ सिन्‍तानुम, झारा इस्राएलि म़नाचि निनाम्‍हाङ्‌ओ अ़चुम़नाचि माआङ।

१ कोरिन्‍थि 6:2

ख्रिस्‍तओ अ़चुसेङ्‌ताङ्‌पाचिआ हेन्‍खामाओ छ़ङ्‌अ़छेन निकिना दि खानानिन मान्‍सिन्‍त़युक्‍तुम? खानानिन्‌ङा हेन्‍खामाओ अ़छ़ङ छेन्‍मादोत्‌नालो दि अ़चुप्‍पो य़ङ्‌चिओ छ़ङ्‌छेन्‍मा त़ऱन्‍मिन कि?

१ कोरिन्‍थि 8:3

मेन निनाम्‍हाङ सोमाकातुक म़ना निनाम्‍हाङ्‌आ अ़सिन।

फिलिप्‍पि 1:22

मेन पोक्‌दाङा ह़ङ्‌माओनालो अ़ङ्‌का ख्रिस्‍तओ निम्‍पाङ ब़द्‍धे अ़सिवा सिओ काचि मुमा ऱङा। खोन्‌ओसा अ़ङ्‌का खाक्‍को छेन्‍मादोत ओ, मो अ़ङ्‌का य़ङ्‌मा अ़ऱऩङ।

हिब्रु 1:1

आराङ आन्‍सुन्‍तुम्‌चिएनान निनाम्‍हाङ्‌य़ङ खाकालुचिलाम्‍पा ब़द्‍धेकादु खोन्‍कि अ़पारा-अ़पाराआ निनाम्‍हाङ म़चेवा।

१ पत्रुस 1:2

निनाम्‍हाङ पापाआ बुयादाङ्‌का खानानिन ऩसिन्‍तिन्‌कि ऩछेन्‍तिन, खोन्‍कि अ़चुलावालाम्‍पा खानानिन सेङानिन। खोन्‌ओसा निनाम्‍हाङ्‌ओ अ़चुलोमाय़ङ्‌वा खानानिन चुवानिन, खोन्‍कि येसु ख्रिस्‍तओ अ़चुह़आ रेप्‍तानिन्‍चिन। खानानिन्‌एदा सोम्‍तुक्‍मा खोन्‍कि सेवाङ्‌नि च़लोक पोन्‌याङ्‌सा खात्‍ने।