8 मोचिओ अ़चुताङ्मुवा मेत्छामाचिओ अ़चुताङ्मुवावात्नि कियाङा, खोन्कि मोचिओ अ़चुक़ङ धिनाराचिओ अ़चुक़ङ्चिवा चारुओ म़मुवाङा।
ओवात्नि यसैयाआ बुयाङा निनाम्हाङ्य़ङ खालुसुयुङ्सु, “रात्खामिचिओ सावापोरिओ अ़चुओ हाङ्पा निनाम्हाङ्आ आन्छाचि मान्हेन्म़दोचिओदे, आन्कान सदोम्वात्नि लिसिन्ओ, खोन्कि गमोरावात्नि लिसिन्ओ।”
मोवात्निङा मेत्छामाचिछाङ खान्तुचिलो ताक्पेत्निओ तित म़हुम्नेनि अ़ङ्का मिन्ङा। अ़चुताङ्मुवा अ़न्नुनु अ़चोङ्कि हाराक्वा माङ्लो वाचेत्लुङ्चि खोन्कि ब़द्धे अ़लुङ्छुक्ओ तित्चि म़हुम्कि माआङ,
ताङ्मुवा चोङ्मा, हाराक्वाओ चोङ्खान्चिन खोन्कि खान्नुओ तित्चि आम्नुओ बुङ्खालिप्पाओ चोङ्खान्चिन ऩलिनिन्ने।
