3 मो तुङ्ऱक्लाम्पा हेन्खामादा रुइचि म़लोन्ता, खोन्कि हेन्खामादाओ लुङ्छुमित्चिवात्नि मोचि सावा म़प़चि।
एनानुम, अ़ङ्का खानानिन प़चि खोन्कि लुङ्छुमिचि नेप्मा खोन्कि ङेङ्ओ झारा सावाएदा छोमा पाङ प़नायुङ्नानिन। खोन्ओसा दिसाआछाङ खानानिन देत्छाङ मुमा त़ऱनानिमिन।
रुइचिआ मो म़नाचि सेत्मा ना मान्सेत्दानुम्नि म़लोचि, मेन पाच्कादोङ्वात्तारि दुखा प़मा पाङ म़प़चि। खोन्किना म़ना लुङ्छुमित्आ केप्तुहिदा देत्नि योक्तु मोचिआ प़माय़ङ दुखाछाङ मोवात्निङा मु।
मो रुइचि ङेन मुमाओ निम्पाङ म़चुम्साओ युक्वाचिवात्नि म़काराङा। मोचिओ अ़चुताङ्दु हाराक्वाओ ताङ्बोप्खावाको दाराङा, खोन्कि मोचिओ अ़चुङाइवा म़नाचिओ अ़चुङाइवाचिवात्नि काराङा।
