2 खोन्कि अ़क्तात सावापोरिओ निनाम्हाङ काफा अ़ङ्का खाङ। खो अ़धिवाङ य़ङ्आ ओवात्नि य़ङाङा, “ओ सेप्खाचि फोङ्मा खोन्कि अ़भोङ होङ्मा काऱ साङ युङ्याङ?”
खोन्किना नि सावापोरिओ निनाम्हाङ काफा निनाम्मादुङ्का धाङाओ अ़ङ्का खाङ। खो य़वारिदा रिप्ताङा, खोन्कि अ़ताङ्दु वानाम्साम याआङा। मोसोओ अ़ङाइवा नाम्वा खोन्कि अ़लाङ्चि मिओ खाबोचिवा म़मुवाङा।
खोन्किना अ़क्तात सावापोरिओ निनाम्हाङ काफाआ अ़धिवा चाचेम्खा ओन्को अ़क्तात लुङ थेन्तु, खोन्कि ओवात्नि य़ङाकि मो धियाङ्वामादा वेइसु, “मोवात्निङा तोक्पो सहरा बेबिलोन अ़धिवा सावाआ वेन्खान, खोन्कि मो देम्खाछाङ अ़लानिन्तोक्निन।
खोन्किना हाङ्युङ्खादा कायुङ्ओसोओ अ़चुचुप्ताङ्छुक्दा ह्वालिप्पा छाप्ताङाओ अ़क्तात छाप्लाखाओ अ़भोङ अ़ङ्का खाङ, खोन्कि सात्कातात सेप्माय़ङ्आ सेप्तायुङ्सा।
खोन्किना साम्योक ताङ्पाचिएदाओ अ़क्छाआ अ़ङ्का अ़लोवाङ, “मान्खाप्दा! खा, यहुदाओ अ़भुङ्ओ धिनारा, दाउद्ओ अ़सुन्तुम छोसायुङ्सा, खोन्कि खोसाआ सात्कातात सेप्खाचि फोङ्मा खोन्कि छाप्लाखा भोङ होङ्मा ऱ।”
