7 बुयाओ अ़ह़ङ साक्स़ङ धिनारावा मुवाङा, ह्वातात्ओतात अ़ह़ङ साक्स़ङ गोङ्दोक्वाको मुवाङा, सुम्कातात्ओतात अ़ह़ङ साक्स़ङ म़नाओ अ़ङाइवावात्नि काराङा, खोन्कि चारकातात्ओतात अ़ह़ङ साक्स़ङ पियाङ्ओ मुङ्वावात्नि मुवाङा।
ब़ब़, नाना खोन्कि निछाचि ओ, मिन्मादा छाचिवात्नि मान्लिदानिन। अ़अ़त्पाओ निम्पाङ छाचिवात्नि लिसानिन, मेन मिन्मा काचिदा काले लिसानिन।
सिसावा काराओ छेङ्छेङ्छेङ्वाओ धियाङ्वामा हाङ्युङ्खाओ अ़बुदा फेसायुङ्सा। अ़देङ अ़बु म़क्ओ म़क मुवाङाओ चारकातात अ़ह़ङ साक्स़ङ्चि हाङ्युङ्खाओ झारालिप्पा खोन्कि अ़ऱङ्कोप्नि म़युङाङा।
खाउग़रि थुबाछाआ ह्वातात्ओतात सेप्खा फोङ्सु, मोन्ग़रि ह्वातात्ओतात अ़ह़ङ साक्स़ङ्आ “बाना!”नि य़ङाओ अ़ङ्का एनुङ।
खाउग़रि थुबाछाआ मो सुम्कातात्ओतात सेप्खा फोङ्सु, मोन्ग़रि सुम्कातात्ओतात अ़ह़ङ साक्स़ङ्आ “बाना!”नि य़ङाओ अ़ङ्का एनुङ। खोन्किना अ़ङ्का अ़क्तात माक्ताङाओ युक्वा खाङ। युक्वा कायुक्सोओ अ़छुक्दा अ़क्तात हाक्खा याआङा।
खाउग़रि थुबाछाआ चारकातात्ओतात सेप्खा फोङ्सु, मोग़रि चारकातात्ओतात अ़ह़ङ साक्स़ङ्आ “बाना!”नि य़ङाओ अ़ङ्का एनुङ।
