17 ‘अ़ङ्का कातोक मुङाङा, अ़ङ्काएदा चासुम्छेन्बि युङ्याङ, खोन्कि अ़ङ्का दित्छाङ अ़दोत्निन’नि खाना त़य़ङ्याङ। मेन खाना त़सिन्तुन्योन, चाअ़त्लो दुखा खाना त़तोक्याङ्ओ, मान्तोक्कादा, दोप्म़क खोन्कि कालाङ्द़क त़मुयाङ।
“लावामि य़ङ्दा आप्पि मान्तोक्कादा लिसिन्काओनि कातुप्चि आसिखा कातोक्चि ओ, देकिनालो निनाम्हाङ्होन मोचिओङा ओ।
ओ अ़एनाकि येसुआ म़लोचि, “म़नुयाङ्ओ म़नाचि ओक्तोकामेत अ़दोत्निन, मेन कातुक्चि ओन्ङा दोत।
खोक्कोसाआ साम़स़याङ्ओचि अ़नुवाक चामायुआ अ़चुबुक म़खासुप़युङ्सुचि, मेन कातोक म़नाचि दित्छाङ मान्प़माङ म़लासुखाइसुयुङ्सुचि।
मेन अ़चाअ़त्मादा त़छुक्तिन कातोक म़नाचि ओ! देकिनालो खानानिन्आ आम्नुओ सोम्सुवाओ ह़ङ्म़ङ झारा त़तोक्तुम्चिउम।
मो नुयाङ, मोचिओ अ़चुसाकोङ्छ़ङ मान्मुदामाआङे खेत्चि म़ओराओ। खाना आम्साकोङ्छ़ङ्आ ओन्ङा मो स़ङ्ताङ्दा त़चोक्तायुङ्सा। खोन्ओसा ऱक्भाक मान्मुदा, मेन क़याङ्सा युङा।
ब़ब़, नाना खोन्कि निछाचि ओ, आम्नुओ आप्पिओ तोक्पोदा काले लिमा त़लामिन हे निकिना खानानिन्आ ओ अ़कोङ्दुम त़तुप्तुम्नेनि अ़ङ्का मिन्ङाङा। तामादोत्ओ झारा निरावाचि ख्रिस्तदा ऩतानिन्तारि इस्राएलिचिओ अ़चुसाकोङ्वा छाक्लो लि।
निनाम्हाङ्आ ऩपुवाङ्ओ अ़चुपाङ्आ अ़ङ्का खानानिन झारा लोनानिन, आप्पि खानानिन तोक्पोनि मान्मित्दानिन्चिन। मेन खानानिन निनाम्हाङ्आ देम च़लोक साकोङ्छ़ङ ऩप़न्युङ्सिन, खानानिन्छाङ मोन्तेकाङा नुलोक मित्माचिदोत।
अ़ङ्का ना दियाको दुखा कातोक म़ना! ओ अ़ङ्पोक कासेत हेवादाङ्का साङ्आ अ़ङ्का लेन्मा अ़ऱङा?
मेन साङ्एदा ओ य़ङ्चि मात्द़ङ्चि, खोसाआ बुयाओ अ़हेवाचिदाङ्का सेङाओ य़ङ मान्तुकेसुकि दोप्म़क माङ्लो अ़थाया मान्खाङ्कादा लि।
मोचिआ हाङ्चि मोदा म़कोउचि मो हिब्रु य़ङ्दा ‘आरमागेद्दोन’नि लो। हाङ्पा म़य़ङ्याङ, “खानुम, अ़ङ्का काख़पावा ताङा! मो आसिखा कातोक ओ। साङ चाप्चाप्चाप्वा युङ, खोन्कि अ़तित हुम्सु। मोवात्नि मो म़ना अ़कालाङ्द़क कोन्मा खोन्कि अ़लेजो कात्मा अ़दोत्निन।”
अ़ङ्का आम्दुखाचि खोन्कि आम्मान्तोक्दामाचि सिन्तुङ्योङ्च़ङ। मेन खाना कातोक त़मुयाङ! साङ आप्पि यहुदिनि म़लोनानान्चिन, मोचिआ खानानिन ऩसुङ्तिन्येन्ओ अ़ङ्का सिन्तुङ्योङ। मोचि यहुदिचि माआङ, मेन सैतानाओ अ़रुहुप्चि ओ।
देकिनालो खाना अ़लोमोङ्वा त़मुयाङ, ना त़केङ्याङ ना त़कुयाङ, खोन्ओसा अ़ङ्का खाना अ़ङ्दोदाङ्का पेम्नालोन्ना।
